KRISTIAN RAYAKA KAT IWAIA
Wahma bara tiara, ¿Jehova man pâmnika painkira sa ki?
¿Dîa sât pâna kum briaia want sma? Ban kra upla kum kasak, yamni bara kupia pihni bri ba, ¿rait apia? Jehova baha daukanka nani sut brisa (Imp.St 34:6; Ap.St 14:17). Witin puram sunra walisa bara hilpka nit sma taim ban hilp mai munisa (Law 18:19, 35). Baku sin, mistikkam nani swih tikisa (1Jn 1:9). ¡Jehova pâna painkira sa!
¿Nahki Jehova pânika takaia sip sma? Baibil aisi kaiki witin ra kakaira taks bara kasak luks (Law 62:8; 142:2). Witin dîa tara kulki ba ra man sin tara kulkisma ba mariks, ai Luhipa ba, ai Kingka Lâka ba bara ai pramiska nani ba ra. Jehova dukiara wala nani ra aisas (Kli S 32:3). Man Jehova pânika pain takma kaka, witin ban kaiara hilp mai munbia (Law 73:25, 26, 28).
“WAHMA BARA TIARA NANI BA TÂNKA BA KAIKS JEHOVA YAMNI SA” LILKIKA BA KAIKBIA NINGKARA, NAHA MAKABI WALANKA NANI LAKI KAIKS:
¿Nahki ridi kaia sip sma Jehova ra rayakam yama pramis munaia bara tahbi daukan lâka briaia?
¿Kangrigisan muihni lakri nani ba nahki hilp mai muania sip sa Jehova warkka kau pain daukaia dukiara?
¿Dîa muni smalkaia warkka ba Jehova wal pâna lâka brisma ba kau karna daukisa?
Ban kaiara Jehova pânika kaia sip sma.
¿Jehova warkka kau daukaia dukiara dîa sanska nani alkaia sip sma?
¿Dîa muni Jehova ra latwan kaikisma?