¿King Lâka Sturka Smalki nani Skulka ra waia want sma?

¿Man manka 23 wina 65 kat brisma, bara piua aiska Jehova warkka daukisma? ¿siknis âpu sma? bara ¿pliska kau hilp nit ba ra waia wilin sma? Naha makabi walanka nani ra “Âu” ansa munisma kaka, pat luki kaikram ki King Lâka Sturka Smalki nani Skulka ra waia dukiara wauhkataya ba banhki dingkaia? Tâ krikan ba wina marit nani, kristian mairin mayas nani bara kristian waitna mayas nani tausin tausin wauhkataya ba banhki dingkan sa. Kau pali kristian waitna mayas nani hilpka nit sa. Jehova ra makas brinka maikbia ai warkka kau daukaia dukiara bara ai luhpia nina blikaia dukiara (Law 40:8; Mt 20:28; Hib 10: 7). Baha ningkara baha skulka ra waia sip kama dukiara rayakam ra diara kum kum chens munaia sip sma sapa laki kaiks.

¿Baha skulka ra lan takan nani ba, dîa sât warkka daukan sa? Kum kum ba bîla aisanka wala aisi pliska nani ra smalkan sa, apia kaka tawan tara nani ra upla ailal lui pliska ra bui smalkan sa. Wala nani ba piua kum kum ningkara impaki pura kakaira sirka ra kangrigisan nani ra wih kaikan sa, apia kaka impaki pura kakaira takan sa. Misan uplika taki smalki taukan nani sin bâra sa. Jehova warkka kau daukaia sip sma sapa laki kaikisma bilkara, Aiseya daukanka ba nina bliki kap. “Yang nâra sni, yang ai blîks” (Ais 6:8).

MISAN UPLIKA NANI SMALKI TAUKI BA: MÂ DÂKAIA WARKKA DAUKISA LILKIKA KAIKBIA NINGKARA, NAHA MAKABI WALANKA NANI LAKI KAIKS:

• 

  ¿Misan uplika nani ba nahki wahbi sakisa?

• 

  ¿Misan uplika nani ba dîa sât warkka pain daukisa?

• 

  ¿Misan uplika nani ba dîa sât yamnika nani brisa ai warkka wina?