KRISTIAN RAYAKA KAT IWAIA
Pamali bilara latwan lâka marikpi
Latwan lâka ba pamali kum ra asla daukisa. Latwan lâka âpu kaka, uba karna kabia ban asla kaia bara aikuki asla wark takaia. Maya waitna nani, maya mairin nani bara aisa yapti nani ba ¿nahki sip sa pamali bilara latwan lâka marikaia?
Maya waitna latwankira kum ba ai maya mairin nitka nani ba, dîa luki ba bara nahki ai dara wali ba ra lukbia (Epe 5:28, 29). Witin ba wîna tara lainka ra bara spirit lainka ra ai pamalika dîa nit ba yabia, Pamali Mayunra Tihmika baku (1Ti 5:8). Maya mairin pain kum ba ai maya waitna ra bawbia bara kulkanka lâka tara marikbia (Epe 5:22, 33; 1Pi 3:1-6). Wâl sut ba pana pana padin munaia wilin kaia sa (Epe 4:32). Aisa yapti pain nani ba ai luhpia nani sut ra main kaikisa bara Jehova ra latwan kaikaia smalkisa (Kli S 6:6, 7; Epe 6:4). ¿Skul watla ra dîa sât traika kaikanka nani brisa? ¿Diara saura daukbia ai pânika nani mita taibi muni ba ra nahki bapi buisa? Pamali bilara latwan lâka bâra sa kaka, sut ba âuyapah kaia sip sa.
PAMALI BILARA LATWAN LÂKA PRURAS BA MARIKPI LILKIKA BA KAIKBIA NINGKARA, NAHA MAKABI WALANKA NANI LAKI KAIKS:
¿Maya waitna latwankira kum ba nahki tnatka ra ai maya mairin ra ai nitka yabisa bara main kaikisa?
¿Maya mairin pain kum ba nahki tnatka ra ai maya waitna ra kulkanka lâka tara marikisa?
¿Aisa yapti pain nani ba nahki tnatka ra ai luhpia nani ra Gâd Bîla ba smalkisa?