KRISTIAN RAYAKA KAT IWAIA

Ramyaka ba rum mita tâ bribia swipara

Rum dih trabil ra dimpara lilkika wina pîska kum. Rum kapka waitna kum ai mihta ra bri ba wina piuta kum napa yari ba takisa.

Kristian nani sut ba rum diaia dukiara wîna alki takaskaia lâka ba praptis munaia nit sa (S.L 23:20, 29-35; 1Ko 6:9, 10). Kristian kum rum diaia wahbi sâkbia kaka, pitka mangki diaia sa bara rum dadira kaia apia sa. Baku sin upla wala mina prukaia apia sa (1Ko 10:23, 24; 1Ti 5:23). Upla kumi ra sin yawan misar taibi munaia apia sa rum dibia dukiara, kau pali wahma tiara nani ra taibi munaia apia sa.

RUM DIH TRABIL RA DIMPARA LILKIKA BA KAIKBIA NINGKARA, NAHA MAKABI WALANKA NANI LAKI KAIKS:

¿Gabamint mita rum diaia dukiara lâka nani mangkan ba ra dîa muni kristian nani ba bîla walaia sa? (Ro 13:1-4).
¿Dîa muni yawan swiaia apia sa upla wala mita rum dibia taibi wan munaia? (Ro 6:16).
¿Yawan nahki sip sa rum trabilka nani ba wina sait ra kaia?