Tânka kaikaia lâka ba lan dauki kap

Deporte pulaia lan uplika kum ba ban pain pulaia dukiara piua bani praptis muni kaia sa. Yawan sin diara nani tânka ba kaikaia bara pain wahbi sakaia dukiara silp lan wan daukaia sa (Hib 5:14). Upla wala nani dîa dauki ba nina blîkbia kaka kau isi kabia, sakuna yawan lan takaia sa silp luki kaikaia bara silp wahbi sakaia. ¿Dîa muni? Kan yawan kumi bani wan dahra ba sakaia sa (Ro 14:12).

Tahbi daukan lâka brih pat mani ailal luan ba mita, wahbi sakanka pain nani daukaia sip sa lukbiara. Wahbi sakanka pain nani daukaia dukiara yawan Jehova, ai Bîla bara ai asla takanka ra wan kupia aiska kasak lukaia nit sa (Jas 1:7, 8; S.L 3:5, 6; Mt 24:45).

“KUPIAM DARA WALRA NANI BA KLIR BRI BAS” LILKIKA BA KAIKBIA NINGKARA, NAHA MAKABI WALANKA NANI LAKI KAIKS:

• 

  ¿Emma ba dîa wahbi sakaia kan ki?

• 

  Upla kumi bani diara wahbi sakaia ai mihta ra sa taim, ¿dîa muni yawan wan lukanka wina aisaia apia sa?

• 

  ¿Marit kum ba Emma ra dîa sât smalkanka sinskira yaban?

• 

  ¿Emma ba ani wina pliki sakan dahra nit kan ba?