mwb22 Julio wah. 7
¿Jehova dukiara sakripais daukisma ki?

Kristian Rayaka bara Smalkaia Warkka Aidrubanka dukiara ridi takaia wauhkataya 2022

mwb22 Julio wah. 7

BAIBIL WINA DIARA MANAKIRA BA

¿Jehova dukiara sakripais daukisma ki?

Debit ba Arauna plawar mâ taya saki watla pliska kat altar kum paskaia kan (2Sa 24:18).

Arauna ba kupia pihni kan. Witin ai tasbaya bara sakripais dauki yabaia dukiara daiwra nani sin prisant yabaia want kan (2Sa 24:21-23).

Debit lalah tikras kira sakripais nani dauki yabaia lukras kan (2Sa 24:24, 25; it-1-S 174).

Jehova dukiara sakripais daukaia tnatka sât sât lilkika nani. 1. Muihni lakri nani daknika kum ba Asla Aidrubanka Watla kum mâkaia warkka tâ baikisa. 2. Kristian mairin almuk kum ba prisant nani yabaia bakska ra lalah mangkisa. 3. Marit kum ba truk lupia wal yabal ra smalkisa. 4. Muihni lakri nani daknika kum ba hilp yabaia warkka tâ baikisa.

Gâd Kingka lâka tâ baikaia dukiara, wan taimka, karnika bara dîa bri ba wilinkira sakripais baku Jehova ra yabisa taim, witin lilia ai dara walisa (w12-S 15/1 18 baiki s. 8). Piua bani kau “mayunra […] sakripais dauki yabaia” dukiara, ¿dîa luki daukaia sip sma ki? (Hib 13:15).