KRISTIAN RAYAKA KAT IWAIA
Jehova hilp wan munisa traika kaikanka nani mapara bapi buaia
Naha las tnata yua nani ra, yawan sut ra traika kaikanka karna nani luisa. Sam taim, bapi buaia danh sip apia wan dara walisa. Sakuna, Jehova hilpka ban plikisa kaka, traika kaikanka kau karna nani kat sin yawan bapi buaia sip sa (Ais 43:2, 4). Man ra trabil karna kum mai takisa kaka, ¿Jehova lamara waia dukiara dîa hilp mai munbia ki?
Pura sunra ba. Wan kupia aisika wal Jehova ra bik takisa taim, witin âuyapah lâka bara bapi buaia dukiara karnika nit ba wankbia (Pil 4:6, 7; 1Tes 5:17).
Aidrubanka nani ba. Nanara kau nit pali sa, aidrubanka nani ra spirit pata bara wan muihni lakri nani wina kupia bukanka briaia (Hib 10:24, 25). Yawan pain ridi taki, aidrubanka nani ra wih, aisanka nani yabisa taim, spirit lainka ra Jehova hilpka wanki ba wina yamnika manis briaia sip sa (Par.M 2:29).
Smalkaia warkka ba. Yawan piua bani upla ra Gâd sturka yamni nani smalkaia trai munisa kaka, lukanka pain nani bri kaia kau isi kabia. Baku sin, wan muihni lakri nani bara Jehova wal asla wark takaia sanska bri ba mita, witin nani wal wan pânika lâka ba kau pakaia sip sa (1Ko 3:5-10).
JEHOVA YAMNI MAI BRIBIA LILKIKA BA KAIKBIA NINGKARA, NAHA MAKABI WALANKA NANI LAKI KAIKS:
¿Jehova lamara kaia dukiara Malu ra dîa hilp munan?
Malu ra maisa nihkan baku, ¿Lawana Nani 34:18 ba nahki hilp wan munisa?
Trabil karna nani wan takisa taim, ¿Malu ra dîa takan ba nahki wan marikisa Jehova bui “karnika tara aingwa” wankbia ba? (2Ko 4:7, LRW 1986).