KRISTIAN RAYAKA KAT IWAIA
Gâd lukanka ba pliki sâks
Yawan Jehova kupia lilia daukaia want sa. Baha mita dîa daukaia sapa klir wan wiras kabia kra sin, yawan Jehova lukanka kat dîa daukaia wahbi saki kaia nit sa (S.L 27:11). ¿Nahki yawan baku daukaia sip sa ki?
Yu bani Baibil stadi taki. Yawan Baibil aisi kaikisa taim, Jehova wal taim lui ba baku sa. Witin ai uplika nani ra dîa daukan ba, bara Baibil ra taki uplika nani daukanka pain apia kaka saura nani marikan ba, hilp wan munisa Jehova lukanka ba lan takaia. Baku, yawan diara kum daukaia wahbi sakaisa piua ra, spirit holikira ba hilp wan munaia sip sa Gâd Bîla wina dîa lan takan ba wan kupia kraukaia (Jn 14:26).
Tânka nani pliki saki. Diara kum daukaia kau wahbi sakras kainara, silp mamkabi wals: “Naha dukiara Jehova dîa luki ba nu takaia dukiara, ¿Baibil wina ani tikska, apia kaka sturka ba hilp ai munaia sip sa ki?”. Jehova ra ai hilpka makas, bara bîlam aisanka ra ani tulska nani bâra ba yus muns. Baku, man trabilkam pura luaia dukiara, Baibil smalkanka nani pliki sakaia bara alki daukaia sip sma (Law 25:4).
SWAPRAS BAN PLAPI KAIA SA: SPIRIT PATA PAIN PIAIA SA LILKIKA BA KAIKBIA NINGKARA, NAHA MAKABI WALANKA NANI LAKI KAIKS:
¿Lilkika ra tiarika ba dîa sât trabilka brin?
Man trabil talika kum brisma kaka, ¿stadi takaia tulska nani ba nahki hilp mai munaia sip sa pura luaia dukiara?
Diara kum daukaia kau wahbi sakras kainara, tânka nani stadi takaia bara pliki sakaia dukiara wan taimka sakisa taim, ¿dîa sât yamnika nani briaia sip sa? (Hib 5:13, 14).