Tasba sauhkanka kum takisa taim, nahki hilp munaia sip sa

Piua bani tasba sauhkanka nani kau ailal takisa. Baku takisa taim, hilp yabaia warkka nani ba pain asla banhwi kaia sa. Baha mita Tâ Bri Daknika ba tasba aiska ra adarka nani yabisa, Betel apiska tara nani ra Hilp Yabaia Daknika kum mangkbia.

Naha daknika ra wark taki nani ba tasba sauhkanka kum takan ba nu takisa taim, baha pliska kangrigisan almukka nani wal mahka tânka laki kaikisa muihni lakri nani nitka dukiara. Sauhki tikanka ba uba tara sa, bara baha pliska muihni lakri nani sip wapnika mangkras sa kaka, Betel apiska tara nani ba tâ baikaia dukiara kristian waitna lankira nani blîkbia. Naha kristian waitnika nani ba makabisa hilp munaia wilinkira nani bâra sa kaka, apia kaka prisant yabaia dukiara brisa kaka, apia kaka nit uplika nani ra diara atki bara yabaia dukiara.

Baku tnatka ra warkka daukisa taim, yamnika kau ailal bâra sa. Tânka kum baku, wark kum aima wâl prais daukaia, apia kaka lalah bara diara atkan ba bahki ra lus tiwbia apia. Muihni lakri nani yakan wark takisa taim, baku takaia sip sa.

Betel apiska mita wahbi sakan kristian waitnika nani ba laki kaikisa, lalah an nit sa bara upla wilinkira an nit sa. Baku sin tawan tâ uplika nani wal aisisa, hilp yabaia wan warkka ba kau isi kabia dukiara. Baha mita, mai makabras kaka, pliskam pali, lalah prisantka nani wahbi taukpara, pliska ra diara nani blîkpara, bara impakaia sin apia sma.

Baku sa, yawan wan muihni lakri nani ra uba latwan kaikisa. Baha mita trabil kum takisa piua ra mahka pali tâ baikaia want sa (Hib 13:16). Baku sa kaka, ¿yawan dîa daukaia sip sa ki? Kau tânka tara bri ba sika, ya pât wahwi nani, bara hilpka yabi nani dukiara wan pura sunaia. Baku sin, tasba aiska warkka dukiara lalah prisantka nani yabaia sip sa. Betel apiska tara nani ba Tâ Bri Daknika tâ briaia lâka wal wark taki banhwisa. Witin nani kau pain nu sa, nahki bara anira lalah yus munaia ba. Bara yawan hilp munaia warkka tâ baikaia want sa kaka, Solicitud de voluntario local de diseño y construcción (DC-50) wauhkataya ba ulbi dingkaia sip sa.

BRASIL KUNTRIKA RA LISAMRA TARA DIARA SAUHKI TIKAN LILKIKA BA KAIKBIA NINGKARA, NAHA MAKABI WALANKA NANI LAKI KAIKS:

Jehova witniska nani Brasil kuntrika ra lisamra tara diman taim nahki tâ baikan ba dukiara, ¿dîa ba kau kupiam bukisa?