KRISTIAN RAYAKA KAT IWAIA
Jehova mai kaiki ba kat silp wînam ra kaiks
“Dawan [Jehova] lika ai uplika nani dukiara ban yamni lukisa” (Law 149:4). Yawan mistikkira kabia sin, wan daukanka pain nani bara dîa daukaia sip ba Jehova ban kaikisa. Ban sakuna, sam taim karna sa Jehova wan kaiki ba baku silp wan wîna ra kaikaia. Ban kra wala nani nahki wan muni ba, apia kaka yawan piua luan ra mistik nani daukan ba tâka, bahki wan dara walisa bara Jehova latwanka lâka sip briras lukisa. Man pat aima kum baku damra walram kaka, ¿dîa ba hilp mai munbia?
Kupiam krauks, Gâd ba upla nani kaiki ba kat witin lika kaikras (1Sa 16:7). Wibia sa kaka, witin wan kaikisa taim, yawan kaikras dukia nani kat sin witin kaikaia sip sa. Baibil ra tingki, yawan nu takaia sip sa witin dîa dukia nani kaiki ba. Baibil sturka kum kum laki kaikisma kaka, Jehova ai uplika nani ra dîa pitka kat latwan kaiki ba pain tânka brima.
JEHOVA MAWANRA KUPIAM ALKS LILKIKA BA KAIKBIA NINGKARA, NAHA MAKABI WALANKA NANI LAKI KAIKS:
Jehova nahki wan kaiki ba dukiara, ¿plaplapra bara ai aisika sturka ba dîa wan smalkisa?
Upla kum saurka tara kum daukan, kuna Jehova pânika lâka kli briaia trai munisa kaka, ¿nahki Gâd mawanra ai kupia ra âuyapah briaia sip sa? (1Jn 3:19, 20).
Debit bara Josafat sturka aisi kaiki bara aman laki kaikaia ba ¿lilkika ra taki kristian waitnika ra nahki hilp munan?