KRISTIAN RAYAKA KAT IWAIA
¿Upla nani Jehova nina ra kulkanka yabia dukiara yang dîa sât daukanka nani marikisna ki?
Jehova witniska nani dîa dauki ba upla nani aman kaikisa (1Ko 4:9). Baha mita yawan kumi bani luki kaikaia sip sa: “¿Yang dîa aisisna bara dîa daukisna ba wal Jehova ra prana yabisna ki?” (1Pi 2:12). Jehova witniska nani upla mawanra nina pain bri ba, yawan dîa dauki ba bara dîa aisi ba wal sauhkaia want apia sa (Smas 10:1).
Naha sât dukia kum takbia kaka, kristian baku dîa daukaia nit ba, bara Baibil smalkanka kum hilp mai munbia ba ulbi mangks:
Jehova witniska apia uplika kum mampara kasak saura aisabia taim.
Kwalkam, trukkam, apia kaka wamtla tâski apia kaka main kaikras sma ba latan kaikisa taim.
Iwisma pliska ra lâ kum bîla walaia karna, apia kaka kasak apia sa lukisma taim.
Ulbi Sakanka nani Paskaia Pura Kaiki Daknika ba, wan asla takanka ban upla mawanra nina pain kum bribia dukiara dîa dauki ba kaisa kaikaia.
YAWAN TÂNKA KASAK RA TARA KULKISA LILKIKA BA KAIKBIA NINGKARA, NAHA MAKABI WALANKA NANI LAKI KAIKS:
Wan ulbi sakanka nani ra dîa ulbi ba, kasak kabia dukiara dîa dauki ba wina, ¿ani tânka ba kau laik kaikram ki?