Ucrania war aiklabanka ba mani kum alkisa | ¿Baibil ba dîa bîla kaikanka wankisa ki?

Praidi, Febrero kati 24 yua 2023 ra, diara sari kum tâ krikan ba wina mani kum alkisa: Ucrania war aiklabanka ba. Maisa pakanka kum kum ba win, 300,000 Ucrania bara Rusia war aiklaklabra nani ai rayaka tikan, apia kaka insauhki takaskan, bara baku sin lukisa, 30,000 upla wala nani prui tiwan. Ban sakuna, sip sa naha numbika ba kau purara kaia.

Sari sa kuna, naha war aiklabanka ba isti danh takbia apia talia sa.

• “Rusia war aiklaklabra daknika Ucrania kuntrika ra diman ba wina, pat mani kum alkuya sa, bara naha war aiklabanka danh daukaia tnatka âpu talia sa. Daknika wâlsut ba naha warka wina yamnika kumi sin briras sa, bara wapnika mangkaia dukiara wal iwi aisaia sin lukras sa” (NPR [radio pública nacional de Estados Unidos], Febrero kati 19 yua, 2023).

Naha war aiklabanka, bara tasba aiska ra trabil wala tâka, upla pâtkas nani panis wahwi ba dukiara upla ailal uba lukisa bara sari ai dara walisa, bara baha ba ai raitka brisa. ¿Baibil ba dîa bîla kaikanka wankisa ki? ¿Yu kum war aiklabanka nani ba danh takbia ki?

War aiklabanka kum mita war aiklabanka wala nani sut ra âpu daukbia

Baibil ba war aiklabanka kum dukiara aisisa. Baha wal naha tasba sauhki tikbia apia, kau ni upla nani ra swaki sâkbia. Naha warka ba Armagedan nina mâkisa. Naha warka dukiara Param Marikan bukka ba wisa “God witinka karnika sut bri ba yua tara warka” sa (Param Marikan 16:14, 16 LRW 1974). Gâd naha warka ra, naha tasba gabamintka nani sut sauhki tikbia. Kan naha gabamintka nani ba war aiklabanka nani buki, naha tasba ra sauhkanka nani ailal daukan sa. Armagedan naha tasba ra kupia kumi lâka nahki brih balbia dukiara nu takaia want sma kaka, naha ulbi sakanka nani aisi kaiks:

• “¿Qué es el Armagedón?”

• “La llegada de Armagedón es una buena noticia”