¿Dîa muni upla kumi sin naha tasba ra kupia kumi lâka bri balaia sip apia sa? | ¿Baibil dîa wisa?

Naiwa piua kat, naha tasba tâ brabrira bara asla takanka kumi sin kupia kumi lâka bri balaia sip apia sa. Tasba Aiska War Aiklabanka Kau Tara Sekan piua wina yawan sut trabil tilara iwisa. Upla 2.000 milian nani, wibia sa kaka upla 25 pursent ba war aiklabanka nani tilara iwisa.

¿Dîa muni upla kumi sin naha tasba ra kupia kumi lâka bri balaia sip apia sa? ¿Baibil dîa wisa?

¿Dîa muni upla kumi sin naha tasba ra kupia kumi lâka bri balaia sip apia sa? Naha tânka yumhpa ba kaiks:

1. 1. Baibil ba wisa wan piua ra “upla nani ba klauna ai dukiara baman luki kabia, lalah ra latwan kaikbia, kakalra kabia [...] ai wîna brinka nani sip alki takaskras kabia, kupias nani bara diara pain nani waihla kabia. Upla nani ra kunin muni pât ra dingki kabia, ai kupia lukras diara dauki kabia, prautkira nani kabia; [...] ai wîna brinka nani pliki kabia”. Naha sât daukanka saura nani tâka, tasba ra kupia kumi lâka briaia sip apia sa (2 Timoti 3:2-4).

2. 2. Upla nani ba wala nani hilpka bri kabia kra sin trabilka nani wapnika mangkaia sip apia sa, kan yawan sut ba wan Papaskra Jehova hilpka nit sa.a Baibil ba naku wan smalkisa: “upla rayaka ba witin mita Dawanka apia sa, ai kanra ai rayaka ra dîa takaia ba alki takaskaia karnika âpu sa” (Jirimaya 10:23).

3. 3. Naha tasba aiska ba tâ brabrira saura kum ai karnika mununhtara brisa, bara “witinka mita sika tasba aiska ra kunin [munisa]”. Naha tâ brabrira nina ba sika Sitan, bara naha tasba aiska ai karnika mununhtara bri ba mita, war aiklabanka bara blahwanka nani ban takisa (Param Marikanka 12:9; 1 Jan 5:19).

¿Kupia kumi lâka ya bri balbia ki?

Baibil ba wisa Gâd baman naha tasba ra kupia kumi lâka bri balaia sip sa, upla nani lika apia.

• “Yang kaikisna man nani dukiam dîa daukaia lukisna ba, man nani ra yamni takaia daukaia sna, saura lika apia, man nani bîla kaikanka aihwa kum brima lukanka wal. Yang, Dawan, kasak aisisna” (Jirimaya 29:11).

¿Naha pramiska nahki aimakbia ki? Baibil ba wisa: “naika pali kupia kumi Gâdka mita man nani minam mununhtara Sitan ba taibia” (Roman 16:20). Gâd ba heven ra gabamint kum brisa, Baibil wisa baha ba “Gâd Kingka lâka” bara ai Kingka ba Jisas Kraist, baha Kingka lâka bâk naha tasba ra kupia kumi lâka bri balbia (Luk 4:43). Jisas naha tasba aiska ai karnika mununhtara bribia taim, upla nani ba kupia kumi lâka ra iwaia sip kabia (Aiseya 9:6, 7).

• Naha dukiara kau nu takaia want sma kaka “¿Qué cosas logrará el Reino de Dios?” ulbanka ba aisi kaiks.