¿Upla kum ra kasak lukaia sip sa ki? | ¿Baibil dîa wisa?

Upla nani ba sari ai dara walisa witin nani kasak luki kan uplika nani ba dîa pramis daukan ba ra alki daukras sa taim, naha uplika nani tilara sa:

• Pulitik daknika nani upla nani yamnika lukaia watlika ra silp ai yamnika ra luki nani ba.

• Radiu, tilivisan, Internet ra sturi laki ba tânka kasak ra lakras nani ba.

• Científico nani upla yamnika ra lukraskira wark dauki nani ba.

• Rilidian tâ brabrira Gâd warkka daukaia watlika ra pulitik bisniska nani ra kau ai sinska mangki bri ba.

Raitka pali ba, yawan aman pali kaikaia sa yaura kasak lukaia ba. Baibil ba naku wan kupia kraukisa:

• “Upla tara nani ra kasakkam lukan ba mangkpara, witin nani sin upla sa, witin nani sip swaki mai sakras” (Lawana Nani 146:3, Dios habla hoy, 1994).

Upla kum ra yawan kasak lukaia sip ba

Baibil ba wisa yawan upla kum ra kasak lukaia sip sa, baha ba: Jisas Kraist. Witin ba waitna pain kum mani ailal luan nina ra iwan ba baman apia sa. Baibil ba Jisas dukiara naku wisa: Ban kaia ra King aimakbia.“Bara ai Kingka Lâka ba sin tnata âpu kabia” (Luk 1:32, 33). Gâd ba ai Kingka Lâka kingka baku witin ra mangkan. Bara naiwa ba heven wina King aimakisa (Matiu 6:10).

• ¿Dîa muni Jisas ra kasak lukaia sip sa? Naha tânka dukiara nu takaia want sma kaka “¿Quién es el Rey del Reino de Dios?” bara “¿Qué hará el Reino de Dios?” ulbi sakanka nani ba aisi kaiks.