Nu Takan Daukisa

◼ Lâ kat Jehova Witnis ai sainka yus muni ba, kangrigisan kum, apia kaka upla kum yus munbia aitani sa ki?

Lâ kat sip sa sainka kum, apia kaka nina maki kum yus munaia dukyara raitka sakaia. Bahamuna kaiki wal baku sip sa ya nani dukyara aisi ba isi param kaikaia. Watch Tower sainka (tawar kum) ba sika, Watch Tower Bible and Tract Society of Pennsylvania, bara Jehova Witnis bui lâ kat nina maki wala nani yus muni ba sin marikisa. La Congregación Cristiana de los Testigos de Jehová lilkika sainka ba ra sika, ai wauhkataya pura ba kat Baibil kwawan kum yus munisa. Lâ kat nina maki wala nani dukyara sin, sainka wala nani sin yus munisa.

Kangrigisan, apia kaka upla kum, skahkaia ai dukya nani ra, wauhkataya bliki nani ra, apia kaka ai Aidrubanka Watla ra sin Jehova Witnis sainka sat sat bara ba yus munaia apia sa. Kan yus munbia sa kaka, sip sa gabamint uplika ra, smalki tataukra nani ra, bara wala nani ra sin lal blakaia, bara lukbia wan asla takanka ba wal lâ kat wilkan sa. Sim baku, ini pis wauhkataya bliki taim, lilkika sainka yus munbia sa kaka, sip sa daukaia upla lukbia Apis Tara ba wina blikan sa.

Aidrubanka Watla kum makai ba ra, Watch Tower sainka ba, apia kaka baha sainka talika kum sin yus munaia apia sa. Aidrubanka Watla ba Watch Tower bui paskan kaka sin, ai sainka yus munaia apia sa. Aidrubanka Watla kum ba pat bahamuna sainka kum brisa kaka, bara sat wala ra makaia wisi wark, taim wihki lalah tara sin tikaisa kaka, nawas pali sat wala ra makaia nit apia sa. Bara Aidrubanka Watla ra diara makan kabia taim lika bila kaikaia sip sa. Sakuna diara tara apia sa kaka, sip sa nawas pali lilkika sainka ba sakaia.