Jehova ra aiwanaia ridi sma ki?
1. Yawan nahki nu sa Debit pyua ra aiwanaia ba rait aihwa mayunra taka kum kan?
1 Jehova tempelka ra rait aihwa mayunra taka kum baku, aiwanaia ba kulkanka tara bri kan. King Debit pyua ra, tempel ra wark taki kan uplika tila wina 10% pura ba Gâd ra aiwanaia warkka bri kan. Baha tila wina, upla 288 ba ra, ridi daukan aiwanaia lankira kaia. Kasak pali, uplika nani ba ai warkka pain dauki kan (1 Kron. 23:3, 5; 25:7).
2. Lawana yus muni, pas kristianka nani ba nahki Jehova ra mayunan?
2 Pas kristianka daukanka nani. Yawan nu sa pas kristianka nani pyua ra, Jisas ai disaipelka nani wal Dawan Pata pih luan ningkara aiwani bangwan (Mark 14:26). Bara apastil Pâl ba kli kli wan kupia bukisa Gâd ra aiwani mayunbia. Kolosi 3:16 ra naku wisa: “Kraist smalkanka ba, man nani kupiam nani ra aiska pali bangwan kabia. Sins laka sut ni pana pana smalki kupiam krauki bangwi bas. Pura sunra lawana nani, mayunra lawana nani bara lawana hulikira nani ba sin, kupiam aiska Gâd ra tingki wih aiwani bas” (Epesus 5:19, 20 ba sin aisi kaiks).
3. Gâd ra mayunaia dukyara dia ba wan mihta ra mangkan sa ki?
3 Lawana bukka raya ba. Kati luan ra, lawana bukka raya Jehova ra Aiwanpi, wan bila kat nu munan taim, rait lilia wan dara walata! Yawan nu sa naha daukaia ba isi apia sa, kan tiunka raya paskaia, bara tanka prana ba bila sat sat ra lakaia wark tara kum sa. Nahki muni yawan lawana bukka raya ba wina yamnika sakaia sip sa ki?
4. Lawana raya letrika ba nahki kau pain tanka briaia sip sa?
4 Letrika tanka bris. Lawana ulbanka pranakira nani taki ba ra luki kaiks. Lalka tikska ba, bara wahya mina tikska nani ba, help wan munisa tanka briaia ani Baibil tikska wina letrika sakan. Yawan sut ‘pana pana smalki wan kupia krauki kaia’ dukyara help tara kum sa. Lawanka nani na rait aihwa smalkanka tara brisa! Dia ulban ba ra, yawan luki alki daukbia sa kaka, spirit laka ma ba wan rayaka ra bangwan kabia, bara baku sip kabia tasba brinka saurakira nani tila wina saitra kaia. ‘Wan kupia aiska’ aiwanbia kaka, Jehova ra takaskras liliakira mayunaia wan kupia bukbia.
5. Nahki tnatka ra lawana raya nani ba praptis munaia sip kabia ki?
5 Praptis muni bas. Lawana raya nani ba lan takaia dukyara, pamali mayunra yua bak sakan ba wina pyua kum yus munaia sip sa. Aidrubanka nani ra miusikka yus munbia ba wal praptis munaia sip sa. Baku lika, manka na ra Marzo 29 wikka wina, lawana raya nani yus munbia taim, lawana pranakira nani Jehova kupia lilia dauki ba aiwanbia.