‘Naha sturka yamni na smalkan kabia’
1. Nahki nu sa smalkaia warkka ba diara kumi sin alki takaskbia apia?
1 Diara kumi apu sa Jehova dia luki kaiki ba alki takaskbia (Ais. 14:24). Gidiun bara 300 waitna bakahnu Median uplika 135.000 mapara aiklabaia sip apia baku pitka kan. Sakuna Jehova bui win: ‘Israel nani ba, Median nani mihta wina swaki sakaia. Yang man mai blikisni bara waia’ (Wihta 6:14). Naiwa pyua ra dia warkka pali Jehova ta baiki sa ki? Jisas ba ansika wankisa: “Naha king laka sturka yamni na tasba aiskara smalkan kabia” (Mat. 24:14). Upla kumi sin naha warkka alki takaskbia apia!
2. Smalkaia warkka ra Jehova kumi bani ra help wan munbia bila kaikaia sip sa ki?
2 Jehova kumi bani ra help wan munisa. Yawan sut nu sa Jehova ai Witniska nani ra dakni baku taura sakbia, kuna kumi bani ra help munbia bila kaikaia sip sa ki? Pyua kum ra apastil Pâl ba help nit takan taim witin ai dara walan Jehova bui ai luhpia, Jisas bak ta baikan (2 Tim. 4:17). Yawan dia ai kupia laka kat daukaia trai munbia kaka blis wan munan kabia (1 Jan 5:14).
3. Ani pyua ra Jehova help wan munisa ki?
3 Pyu bani wark karna nani ba smalkaia mai swapkisa ki? Jehova, “swapan ba ra witin mita karnika yabisa” (Ais. 40:29-31). Rayakam ra mampara buan laka apia ninam bliki rau sauhkan laka luisma ki? “Dawan ra swis; bara witin minam pirwras kira mai bri kabia” (Lawana 55:22). Pyu kum kum ra sip kasak lukras mai munisa ki? “Was, yang man wal kamna aisisma pyua ra” (Imp.st 4:11, 12). Smalkaia warkka ra siknis kum taka mai takaski brisa ki? Wan warkka wiria dauki kabia sin sakuna, pain bara wan kupia aiska ni daukisa kaka Jehova kulkanka tara yabisa (1 Kor. 3:6, 9).
4. Jehova ra kasak lukisa kaka, dia dauki kabia?
4 Jehova mihta ba sika, ‘sakbi brisa ya mita yaka kli ai nina ra lakbia ki?’ (Ais. 14:27). Jehova wan warkka blis muni ba kasak luki, kaisa takaskras pali wan ‘kupia aiska ni sibrin apu Jehova dukyara aisaia’ (W.n 14:3).