Lawana 47

Sturi yamni ba smalkaia sa

(Param marikan 14:6, 7)

1. King laka tanka aiska ba yukuwan kan.

Naiwa lika Kyamka ba ya param wankan.

Gâd ban ai kupia pain, kasak kat luki brin

upla ra saurka alkan luki kaikan sin.

Luki brin ai Luhpia tasba King aimakbia;

kuna aimakbia dukyara Gâd brin ai pyua.

Sim ridi dauk’sa ai Luhpia maritka ba,

rait prana Dakni Wiria bak sakan ya ba.

2. Kaina manas sturi yamni na aisan kan.

Wan pyua ra smalkan kabia Jehova want.

Yawan wal insal nani ba wark takisa,

King laka tanka brihwi wan ta baikisa.

Kulkanka tara baha wan pahpaya ra

Ai nina huli saki smalkbia ai mayunra.

Kan ban kaiara sturi yamni brihwisa

Ai nina twilki Witnis kaia tara sa.

(Mark 4:11; W.n 5:31; 1 Kor. 2:1, 7 ba sin kaiks.)