Lawana 94

Gâd diara pain wanki ba wal lilia kap

(Jems 1:17)

1. Diara kau pain, kau aihwa ba,

ban plikisa upla.

Rait kulkanka yaba dukya,

pura wina aula.

Gâd ba dista kum sat tauras,

Witin sim Gâdka ban.

Jehova Yayabra kau tara,

ingni, rayaka yan.

2. Nit bri bara sin diakan

trabil luki bangwbia.

Ya tnawira ra dakakan

pain main sin wan kaikbia.

Diara yus apu dukyara,

yawan taimka tikras.

Nit bri ba kat Gâd wanki bara,

kaikan lilia manas.

3. Upla dia tara kulki,

Gâd mapara bahki.

Naiwa Gâd kau pyua wanki

sins bri sat yus munpi.

Gâd wal wan yuya bri nani

tikras; prubia kra sin.

Lilia dia bri wal aitani,

bribia ‘nakra kum pain’.

(Jir. 45:5; Mat. 6:25-34; 1 Tim. 6:8; Hibru 13:5 ba sin kaiks.)