Lawana 63

Ban kasak kaia

(Lawana 18:25)

1. Jehova ra latwan kaiki,

yawan ban kasak kaia.

Wan rayaka yaban mita,

Ai lâka sin lan takbia.

Ai smalkanka ban yamni sa,

ba’ kat wapisa yawan.

Gâd wapni sa, kasak lukpi,

ai lamara kabia ban.

2. Muihni-lakri nit pyua ra,

asla ban kasak kaia.

Pyua bani pain main kaiki,

bila yamni aisaia.

Muihni-lakri rispik muni,

kupia aiska ni kulkbia.

Yawan Baibil wi ba dauki,

kupia kumi ban kabia.

3. Wan ta bri taim bila wali,

Gâd ra ban kasak kaia.

Anik waia wan wi bara,

kyama lihni waluya.

Kaikma Gâd dutki mai saki,

blisin kasak maikisa.

Ban kasak kap, wapni taukpi,

kan Jehova dukya sa.

(Lawana 149:1; 1 Tim. 2:8; Hibru 13:17 ba sin kaiks.)