PÎSKA 1

¿Nahki Gâd bîla walaia sip sa?

Gâd Baibil bâk wan aisisa (2 Timoti 3:16)

Gâd ai iwaika pranakira ba wina, waitna kum kum ra ai spiritka yabisa Baibil ulbia dukiara

Gâd lukanka nani ba Baibil ra ulban sa. Witin mita yaban waitna nani ba ulban. Baibil ra tânka painkira nani bâra sa, bara Gâd want sa yawan nu takbia.

Sins lâka rait aihwa ba Gâd wina balisa. Baha mita Witin baman nu sa dîa ba pain yawan dukiara. Witin bîla walbia kaka, yawan sins lâka rait aihwa ba bribia (Sins Lâka 1:5).

Baibil ba bîla ailal ra sa; waitna kum ai yapti bîla kat Baibil ba aisi kaikisa

Gâd want sa upla sut Baibil ba aisi kaikbia. Naha ba bîla ailal ra ulbi sakan sa.

Gâd bîla walaia want sa kaka, Baibil ba aisi kaikaia bara sin tânka briaia sa.

Tasba aiska ra upla manis ba Gâd tânka kasak ba lan takisa (Matiu 28:19)

Jehova witniska kum waitna wala ra Baibil tikska kum aisi kaikisa ba wina witin wal Baibil stadi takisa

Jehova Witniska nani ba hilp mai munaia sip sa Baibil tânka briaia.

Witin nani ba tasba aiska ra Gâd tânka kasak ba smalkisa.

Asla aidrubanka watla kum ra upla nani aipaswan sa

Man aibapaia nit apia sma witin nani mai smalkbia dukiara. Baku sin, Jehova Witniska nani aidrubanka ra wama kaka, Gâd dukiara kau lan takaia sip sma.