‘Wan muihni lakri nani sut ra latwan kaiks’

Naha bîla nani ba 2.000 mani luan ra ulban (1 Pi. 2:17). Sakuna naha bîla ba naiwa kau walaia nit sa. ¿Nahki muni wan muihni lakri sut tasba aiska ra ba latwan kaikaia sip sa? Naha tasba ra latwan lâka âpu ba mita, ¿nahki muni ban wan latwanka lâka briaia sip sa? (Mt. 24:12.) Toda nuestra asociación de hermanos lilkika ba kaiks bara naha makabi walanka nani ansika yabia trai muns.

1) ¿Ahkia yua pali ba ra muihni lakri ailal wal asla takan? 2) ¿Dîa warkka yumhpa ba muihni lakri nani daukisa? 3) Muihni lakri nani, ¿nahki marikisa Gâd Kingka sturi yamni ba smalkaia want sa a) Alaska kuntrika biara tani ba ra, b) Eurup kuntrika but nani takaski pliska tara nani ra bara c) Perú untika tara tilara? 4) ¿Dîa muni yawan lukaia apia sa smalkaia warkka ba wark wala kum baman sa? 5) Sampla kum kum mariks nahki Jehova Witniska nani trabil piua ra bâra kan pana pana ai kupia buki a) tasba nikbanka kum luan ningkara, b) prari kum luan ningkara bara c) upla nani war kum aiklabi kan piua ra. 6) ¿Wan asla takanka daukanka kau tara ba nahki marikaia sip sa? (Jan 13:35.) 7) Aidrubanka watla nani paskaia warkka tâ baiki sa taim, ¿dîa yamnika sakisa? 8) Eurup muna tani ra bara Rusia tani Gâd ra mayunaia adar âpu kan taim, ¿muihni lakri nani ba nahki spirit lâka ra karna kan? 9) Jehova Witniska kum kum ba Aidrubanka Kau Tara ba ra waia dukiara, ¿dîa trabilka nani ba pura luisa, bara dîa muni? 10) ¿Naha lilkika nahki kupiam bukan a) muihni lakri nani sut wal asla wark takaia, b) nit piua ra wala nani ra hilp munaia bara c) piua bani ra sanska kum takbia kaka smalkaia? 11) ¿Naha lilkika ba nahki yus munma smalkaia warkka ra upla kum ra hilp munaia dukiara?

Wan asla takanka ra yawan sut ba asla sa kan muihni lakri nani sut ba rait pali Jehova ra latwan kaikisa. Witin wina lan takaia ba wan brinka pali sa. Baha mita, upla wala nani ra Witin dukiara smalkaia want sa. Baku sin, Jehova mita latwan kaiki uplika nani ra sin yawan latwan kaikisa. Upla nitka tara bri ba ra hilp munisa piua ra, yawan lukras Gâd wina yamnika bribia. Yawan Gâd ra tingkika yabisa; wan muihni lakri nani sut ba rait pali blisin tara kum sa. Latwan lâka âpu uplika nani ba tisku âpu kabia, sakuna, wan muihni lakri nani dukiara latwan lâka bri ba yu bani kau marikbia.