Salaman upla sut kakaira kan ba mita, plis laihura uplika nani sin, sampla baku Sabá kuntrika (naha ba Arabia kuntrika sa) kat witin dukiara walan kan. Naha kuntrika kwinka ba Israel tasbaya ra impakan, kan witin kaikaia want kan Salaman prana bara yuyaka nani ba. Baku sin, Salaman sinska lâka ba traika kaikaia want kan. Sakuna naha kwinka Salaman sinska lâka kaikan ba mita tâ iwan, bara Jehova ra kulkanka lâka yaban, kan waitna sinskira kum king baku mangkan. Jehova hilpka wal Salaman kingka lâka ra Israel uplika nani ba kupia kumi lâka bara ai âuyapah lâka ra iwi kan.

Sari sa wiaia, sakuna Salaman ban Jehova sinska lâka briras kan. Sampla baku, Gâd adar kum yaban mairin ailal bribia apia, sakuna witin mairin handat handat wal marit takan. Bara naha mairka nani ba gâd bahki nani ra mayuni kan. Baha tâka mita, tawa tawa naha mairka nani ba witin kupia lakan bara Salaman aidul nani ra mayuni kan. Jehova Salaman ra win ai kingka lâka ba baiki sakan kabia. Sakuna Jehova Debit ra pramis kum daukan kan ba mita Salaman ai kingka lâka sut tiwbia apia. Rait pali Salaman Gâd mapara buan, sakuna Jehova Debit ra dîa pramis munan ba ai âuya tikras kan.

13. 1070 y.p.n. Gâd Debit ra King lâka pramis munisa

14. 1037 y.p.n. Salaman king aimakaia tâ krikisa

15. 1027 y.p.n. Jerusalem tempelka paskaia danh takisa

16. 1020 lamara y.p.n. Yamni Kulki Lawana bukka ulban