Lisin 9

Ya nani ba God panika nani sa?

Jisus Kraist ba Jehova Luhpia sa bara sin ai panika kau asla bara latwankira. Kau Tasbara waitna baku iwras kan piuara, Jisus hevenra iwi kan spirit paskanka karnakira kum baku (Jan 17:5). Baha wina Tasbara balan upla nanira smalkaia God dukiara rait ba (Jan 18:37). Baku sin, upla baku rayaka bri kan ba yan saurka laka bara prura wina swaki sakaia dukiara upla bila wawalra nanira (Roman nanira 6:23). Jisus ba nanara King sa God Kingka lakara, heven gabamintka kum Tasba na Paradais kum daukbia.​—Reveleshen 19:16.

Insal nani sin God panika nani sa. Insal nani ba ai rayaka takriki bang ras kan upla nani baku naha Tasbara. God Tasba na kau paskras kainara witin nanira paskata hevenra (Job 38:​4-7). Insal milian nani bara sa (Daniel 7:10). Naha nani God panika nani heven wina ba want bangwi sa upla nani ba Jehova dukiara rait ba lan takbia.​—Reveleshen 14:​6, 7.

God sin ai panika nani brisa Tasbara; Witin ai witniska nani maki sa. Witnis kum la wihtka mawanra ba upla kum dukiara apia dia kum nu ba dukiara aisisa. Jehova Witniska nani ba Jehova dukiara bara daukaia brinka briba dukiara upla wala nanira aisi bangwi sa (Isaias 43:10). Insal nani baku, Witniska nani ba want bangwisa hilp mai munaia lan takma Jehova dukiara rait ba. Want bangwisa man ba sin God panika kama.