Smalkaia warkka kau pain daukaia sip sa: diara atkaia pliska nani ra

¿Dîa muni daukaia sa? Upla aihkika ba yu bani awar ailal wark takisa, baha mita kau isi sa King lâka sturka ba warkka pliska kat brih waia. Diara atkaia pliska ra smalkaia ba âmyapah kaia sip sa, kan aima bani ra upla nani ba ai warkka pliska ra sa. Bara ya wabia ba witin nani wal bisnis daukaia uplika kum baku kaikisa. Baha mita, naha sât pliska nani ra pain smalkaia dukiara, smalki tataukra nani ba sampla pain kum marikaia sa ai kwalka dimra wal (2 Ko. 6:3). Smalkaia warkka pura kakaira ba, pain laki kaikaia aima an bani bisnis pliska ra wih smalkisa, bara ya nani daukisa.

Nahki daukaia:

Bîla prahni kum ridi dauks. Wark tatakra kum ra uba piu wihka aisama kaka, piua wala ra aisaia sanska ba kli âpu kama.
Trai muns waia ani awarka ra wark uya âpu ba ra, sampla baku wark tâ krikisa piua ra.
Pas ba: wark tatakra nani pura kakaira ba wal aisas bara daukanka pain mariks. Naku wiaia sip sa: “Upla nani ra ai warkka pliska kat wih kaikanka sirpi kum daukisna, kan ai watla nani ra âpu sa.” Bara piu kunhku ra wauhtaya sirpi kum, La Atalaya bara ¡Despertad!, apia kaka ulbi sakanka wala mariks. Uplika ba ulbi sakanka nani praiska dukiara makabi walras kaka wipara, sakuna wan warkka nahki tâ baikaia sip sa makabi walbia sa kaka wis, kan yawan want apia sa diara wahwi tauki uplika baku wan kaikbia.
Warkka pliska pura kaiki uplika ba kupia pihni sa kaka, adar makas wark tatakra wala nani wal bîla prahni ra aisaia dukiara. Wark pliska kum kum ra, ban kra pain kabia ris takaia pliska ra ulbi sakanka nani swiaia.
Sinskira bas bara bîla kaikanka mariks. Sampla baku, wark tatakra kum ba upla wala wal aisisa kaka, pain kabia bîla kaikaia witin wal aisaia dukiara.

Kati kum bilkara daukaia trai muns:

Pamali Mayunra Tihmika ra, praptis muns nahki smalkaia sip sa diara atkaia pliska nani ra.