“Andamos por fe, no por vista”

Jerusalem kau kutbi bara sauhki tikras kainara, apastil Pal ba kristian nani ra ulban Kraist suldiarka pain nani baku trabil nani bîla kaikaia kan, bara dîa pain bri kan ba baku sin ai brinka nani ba sin tnaya ra swiaia kan (2 Ti. 2:3, 4). Gâd wina laihura uplika nani ba mapara sauhkanka tara balisa, baha mita yawan kasak lukan lâka bri kaia sa, spirit dukia nani daukaia dukiara (2 Ko. 4:18; 5:7). “Andamos por fe, no por vista” lilka ba kaikbia (jw.org ra dims, bara naha ra kaiks PUBLICACIONES > DOCUMENTALES Y PELÍCULAS). Nadab bara Débora ai dukia nani ba, nahki tara kulki kan ba laki kaikbia, kan witin nani mapara pruaia pâtka ra dingkan. Bamna, naha makabi walanka nani laki kaiks.

1) Pas handat mani piua ra, “diara saura pali ba” baku sin “holikira watla ra buisa” kaikan ba, ¿dîa tânka kan bara Jerusalem kristianka nani ba dîa daukaia kan? (Mt. 24:15, 16 LRW, 1986.) 2) ¿Dîa muni kasak lukan lâka nit kan baha tawanka wina plapaia dukiara? 3) ¿Dîa sakripaiska nani daukaia kan? 4) ¿Dîa muni Nadab bara Débora kau let taki plapan? (Mt. 24:17, 18.) 5) ¿Raquel ba ani traika kaikanka wala brin Jerusalem wina taki wan taim? (Mt. 10:34-37; Mk. 10:29, 30.) 6) Jafet kasakka lukan lâka bri kan ba wal, ¿dîa samplika pain marikan? 7) Kristian nani ba Pela tawanka ra, ¿dîa trabilka nani pura luan? 8) ¿Nadab bara Débora kasakka lukan lâka ba nahki tawa tawa swapni takan? 9) ¿Nahki Jehova main kaikan Pela ra iwi kristianka nani kan ba? (Mt. 6:33; 1 Ti. 6:6-8.) 10) Tasba tnata baila ba mita, ¿Ebraham bara Sara samplika ba yawan nahki sip sa nina blikaia? (Hib. 11:8-10.) 11) ¿Dîa muni Nadab bara Débora Jerusalem ra kli tawi wan bara dîa muni witin nani silp ai wîna ra kunin muni kan? (Lk. 21:21.) 12) ¿Rait pali Jerusalem pliska ba nahki kan Nadab bara Débora kli tawi wan taim? 13) ¿Dîa muni naiwa wan kasakka lukan lâka kau karna takaia sa, tasba tnata kau balras kainara? (Lk. 17:31, 32; 21:34-36.)

Kasak lukan lâka ra taukaia tânka sika 1) Jehova ra kasak lukaia, 2) yarka wan wapanka nani tâ bribia bara 3) spirit dukia nani ra kau kulkaia yuyaka nani ba wal. ¡Yawan sut kasak lukan lâka ra taukbia bara Gâd kupia lâka daukbia! 1 Jan 2:17, wi ba baku “tasba na ai brinka saura nani sut wal mahka lui auya; sakuna ya Gâd kupia lâka kat dauki ba, ban kaia ra raya ban iwisa”.