KRISTIAN RAYAKA KAT IWAIA
Asla aidrubanka kau tara nani ba latwan lâka marikaia sanska wankisa
¿Dîa muni asla aidrubanka kau tara nani yawan laik sa? Kan piu luan Israel ra takan baku, muihni lakri milian milian nani aikuki sip sa Jehova ra mayunaia. Bara baha purkara, spirit pata ailal briaia sip sa bara wan pânika, wan pamalika aikuki sin taim luaia sip sa. Naha aidrubanka nani yawan tara kulkisa, baha mita yu yumhpa waia trai munisa.
Aidrubisa piua ra, yawan dîa bribia ba ra baman lukaia apia sa. Kau ni lukaia sa wala nani ra wan latwanka lâka nahki marikaia sip sa (Gal 6:10; Hib 10:24, 25). Bara wala nani ra luki ba marikaia sip sa yawan nit ba sirka nani baman wahbi sakisa kaka, apia kaka muihni lakri kum ra durka kwâkaia hilp munisa kaka (Pil 2:3, 4). Baku sin aidrubanka kau tara nani ra pâna raya nani sakaia sip sa. ¿Dîa muni yawan trai munras upla kum ra kakaira takaia? Sip sa kau tâ krikras kaina ra, danh takbia ningkara apia kaka dinar piua ra (2Ko 6:13). Naha pânika lâka ba ban kaia ra kabia. Yawan pana pana rait aihwa latwan wan kaiki ba wala nani kaikbia taim, ban kra Jehova ra mayunaia want kabia (Jn 13:35).
KUNTRI AILAL AIDRUBANKA KAU TARA BA “EL AMOR NUNCA FALLA” LILKIKA BA KAIKBIA NINGKARA, NAHA MAKABI WALANKA NANI LAKI KAIKS:
¿Muihni lakri nani ba 2019 kuntri ailal aidrubanka kau tara nani ra balan uplika ra ai latwanka lâka nahki marikan?
¿Dîa muni Gâd uplika nani aslika bara latwanka lâka ba aihka painkira kaikisa?
¿Tâ bri daknika ba latwan lâka dukiara dîa aisan?
¿Asla aidrubanka tara nani ra lamtwanka lâka marikaia dukiara dîa daukaia sip sma?
¿Alemania bara Corea del Sur kuntrika nani ra latwan lâka ba nahki pura luan?
¿Yawan dîa daukaia wilin kaia sa?