KRISTIAN RAYAKA KAT IWAIA
Nahki Gâd Bîla ra wan kasak lukanka lâka karna daukaia
Gâd Bîla ba wan rayaka chans munaia karnika brisa (Hib 4:12). Baibil ba “Gâd Bîla” sa rait pali yawan kasak lukras sa kaka, ai smalkanka bara lâka nani wina yamnika sip bribia apia (1Tes 2:13). ¿Nahki Baibil ra wan kasak lukanka lâka kau karna daukaia sip sa ki?
Yu bani Baibil aisi kaikisa taim. Yawan aisi kaikisa taim, Baibil ba Gâd Bîla sa mariki tânka nani ba plikaia sa. Tânka kum baku, Sins Lâka bukka aisi kaikisa taim yawan kaikaia sip sa, ai smalkanka nani ba naiwa piua ra sin yamni wan munaia sip ba (S.L 13:20; 14:30).
Baibil stadi takaia tâ krikisa taim. Baibil ba Gâd wingka puhbra mita ulban tânka nani wan mariki ba yawan pain kakaira kaia nit sa. Baha dukiara, Guía de estudio para los testigos de Jehová bukka ra “La Biblia” pîska ra was, bara baha ra “Inspirada por Dios” wi ba bâra sa. Baku sin, Traducción del Nuevo Mundo Baibilka “Apéndice A3” laki kaikbia kaka, Baibil smalkanka nani chens takras kan ba kau kasak lukaia sip sa.
DÎA MUNI YAWAN KASAK LUKISA… GÂD BÎLA RA LILKIKA KAIKBIA NINGKARA, NAHA MAKABI WALANKA NANI LAKI KAIKS:
Idsip tawanka ra Karnak tempelka kum wina diara nani sakan ba, ¿nahki wan marikisa Gâd Bîla ba kasak sa?
¿Yawan dîa muni wiaia sip sa Baibil smalkanka nani chans takras sa?
Baibil ulbanka nani paskan piua wina naiwa piua kat yawan ban bri ba, ¿dîa wan smalkisa? (Aiseya 40:8 aisi kaiks).