BAIBIL WINA DIARA MANAKIRA BA

Lalahkira kaia ba kasakkira kaia tânka apia sa

Sofar win Gâd ba upla watawikira nani ra ai yuyaka nani bri ba mihta dakbisa, bara baku witin wiaia want kan Job diara saura kum daukan ba mita panis wahwisa (Job 20:5, 10, 15).

Bara Job pana win, baku sa kaka dîa muni upla saura nani ba yuyaka ailal bri liliakira iwisa (Job 21:7-9).

Jisas tasba ra kan piua ra ai rayaka wal marikan, upla kum kasakkira kabia kra sin yuyaka uya briras (Lk 9:58).

Pamali umpira kum watla latka ra kristian waitna kum ba Baibil tikska kum aisi kaiki yabisa. Pamalika lalka ba ai Baibilka wal aisi kaikanka ba nina blikisa, bara ai maya mairin bara ai luhpia nani ba aman walisa.

SILP LUKI KAIKAIA DUKIARA: Lalahkira apia kaka umpira kabia kra sin, ¿upla kasakkira kum mapara dîa ba kau tânka tara brisa? (Lk 12:21; w07-S 1/8 29 baiki s. 12).