Tâ Bri Daknika wina wauhtaya kum

“Smasmalkra nani kaia kapram” (Hib. 5:12). ¡Luki kaiks! Jehova, diara sut purkara Smasmalkra kau tara ba, wan paiwisa witin dukiara dîa lan taki ba upla wala ra smalkaia. Jehova tânka kasak ba lan daukaia —pamali, kangrigisan bara smalkaia warkka ra— kulkanka brisa bara wark tara kum sa. Sakuna ¿nahki smasmalkra kau pain kaia sip sa?

Tânka ba Pal Timoti ra ulban bîla nani ra takisa: “Ulbanka nani wina upla sut mawanra aisi kaikaia warkka ba dauki bas, bara wan muihni nani ra sin tâ baiki smalki bas”. Ba wina win: “Naha na daukma kaka, wînam ba swaki sâkma, bara upla nani man ra wali banhwi ba sin” (1 Ti. 4:13, 16). Yawan dîa smalki ba upla rayaka swaki sakisa. Baha mita nit pali sa yawan smasmalkra bara aisi kakaira kau pain kaia. Naha ulbi sakanka na baha dukiara paskan sa. Kaisa kaikaia dîa tânka nani ulban sa.

Tikska taki ba Baibil smalkanka kum brisa apia kaka sampla nani ba lisinka wal praki kaikisa.

Jehova wan Smasmalkrika pali sa (Ais. 30:20). Naha ulbi sakanka na wal, man aisi kaikaia bara smalkaia tnatkam nani ba kau pain daukma, kuna amya tikpara yawan dîa smalki ba Jehova wina sa bara witin ba upla ra kangrigisan ra bri balisa (Jan 6:44). Bamna, witin ra ban ai spiritka holikira makas. Gâd bîla ba piua bani yus muns. Yas upla ba kaikbia Jehova wina lan takisa, man wina apia. Karna trai muns mai wali uplika nani ba Jehova ra latwan lâka tara bribia.

Gâd mai paiwan sa, smalkanka kau tara upla ra kau yabras ba daukma dukiara. Kasak nu banhwisna, man ba “Gâd mita karnika yabi ba wal” daukma kaka, yamni baman mai takbia (1 Pi. 4:11).

Naha smalkaia warkka ra man nani wal asla taki ba,

Jehova Witniska nani Tâ Bri Daknika