¿Yang ridi sna ki?
¿Kangrigisan aikuki smalkaia warkka daukaia dukiara ridi sna ki?
Man tahbi daukan lâka kau briras smalki tataukra kum kaia ridi sma, naha nani daukisma kaka...
... tadi Baibil stadi takisma, puram sunisma bara kangrigisan aidrubanka nani ra wisma.
... dîa lan takisma ba ra kasak lukisma bara tara kulkisma, bara upla wala nani ra smalkaia want sma.
... Jehova ra kasak latwan sma, baku sin ya nani witin ra latwan kaiki ba wina pâna pliki sakram.
... pulitik bara rilidian kuninkira nani wina sait ra sma.
... Jehova kupia lâka daukisma bara ai witniska kum takaia want sma.
Man kangrigisan wal smalki taki waia ridi sma lukisma kaka, smasmalkrikam ba kangrigisan almukka nani ra wibia, bara witin nani man wal aikuki laki kaikbia ridi sma sapa.
¿Tahbi daukan lâka briaia dukiara ridi sna ki?
Man tahbi daukan lâka briaia dukiara ridi sma, naha nani daukisma kaka...
... tahbi daukan lâka kau briras smalki tataukra kum sma.
... sip sma ba kat tadi upla wala nani ra smalkisma.
... “alba kasak sinskira” ra tâ baikisma bara dîa wi ba bîla walisma (Matiu 24:45-47).
... Jehova ra puram suni pramis munram Jehova ra rayakam yabaia want sma ba, bara ban kaia ra ai warkka daukaia want sma.
Tahbi daukan lâka briaia dukiara ridi sma lukisma kaka, smasmalkrikam ba kangrigisan almukka nani ra wibia, bara witin nani man wal aikuki laki kaikbia ridi sma sapa.