SMALKANKA 45
¿Yawan nahki marikaia sip sa Jehova gabamintka ra baman tâ baiki ba?
Jisas smalkan ai disaipilka nani ba “naha tasba wina uplika apia” sa (Jan 15:19). Baha ba tânka sa Gâd gabamintka ra baman tâ baikaia, wibia sa kaka, pulitik ra dimaia apia bara war aiklabanka nani tâ baikaia apia. Sakuna baku kaia ba isi apia sa. Sip sa wan lawaska kikaia. ¿Yawan nahki marikaia sip sa Jehova gabamintka ra baman tâ baikisa bara Jehova ra kasak sa?
1. ¿Kristian rait aihwa nani ba upla gabamintka nani ra nahki kaikisa?
Kristian nani ba gabamint nani ra rispik lâka marikisa. Jisas win: “Man nani Rom wihtka ra yas, dîa Rom wihtka dukia ba”. Wibia sa kaka, kuntri mita lâ nani mangkan ba bîla walisa, gabamint ra lal mana aibapaia sin baha tilara sa (Mark 12:17). Baibil ba smalkisa, Jehova mita swin upla gabamintka nani naha tasba tâ bribia (Roman 13:1). Baha mita tasba gabamintka nani ba karnika aiska pali briras. Yawan kasak lukisa wan Gâdka bara ai Kingka Lâka mita naha tasba trabilka nani sut âpu daukbia.
2. ¿Jehova gabamintka ra baman tâ baiki ba nahki marikaia sip sa?
Jisas baku, yawan pulitik ra dimras sa. Upla nani ba Jisas sain tara nani daukan ba kaiki, witin ra king mangkaia want kan. Kuna Jisas ba baku daukbia swiras kan (Jan 6:15). ¿Dîa muni? Kan ningkara Jisas mita naku win: “Yang kingki lâka ba naha tasba wina apia sa” (Jan 18:36). Jisas disaipilka nani ba tnatka sât sât ra marikisa Gâd gabamintka ra baman tâ baiki ba. Tnatka kum ba sika, war aiklabanka tilara dimras (Miqueas 4:3 aisi kaikma). Kuntri plakinka ra rispik lâka marikisa, kuna lakula yabras bara mayunras (1 Jan 5:21). Baku sin pulitik daknika kum apia kaka pulitik uplika kum ra tâ baikras, mapara sin aisaras. Naha tnatka nani ba ra tnatka wala nani bâk yawan marikisa Gâd gabamintka, wibia sa kaka, ai Kingka Lâka ra baman tâ baiki ba.
KAU LAN TAKS
Kaisa aikuki laki kaikaia, ahkia piua nani ra karna wan munbia Jehova gabamintka ra baman tâ baikaia. Bara kaikaia nahki tnatka ra Jehova kupia lilia daukaia sip kama.
3. Kristian rait aihwa nani ba naha tasba bisniska nani tilara dimras sa
Jisas bara ai disaipilka nani dîa daukan ba yawan nina blikisa. Roman 13:1, 5-7 bara 1 Pita 2:13, 14 aisi kaikma. Ningkara LILKA ba kaikma, bara naha dukiara aisi banhma:
¿Dîa muni tasba gabamintka nani ra rispik lâka marikaia sa?
¿Gabamint nani ra rispik muni ba ani tnatka nani ra marikaia sip sa?
War aiklabanka piua ra yawan sam taim kaikisa, kuntri kum kum bila witin nani baha war aiklabanka ba tâ baikras, kuna raitka pali ba tnatka sât sât ra wâlsut tani ra ai hilpka yabisa. Bahmuna piua ra, ¿kristian rait aihwa nani ba dîa daukaia sa? Jan 17:16 aisi kaikma. Ningkara LILKA ba kaikma, bara naha dukiara aisi banhma:
¿Naha tasba bisniska nani tilara dimras kaia ba dîa tânka sa?
Gâd lâka krikaia gabamint mita wan makabuya kaka, ¿dîa daukaia sa? Apastil Nani Sturka 5:28, 29 aisi kaikma. Ningkara LILKA ba kaikma, bara naha dukiara aisi banhma:
Upla mita mangkan lâka nani ba Gâd lâka mapara sa kaka, ¿ani ba ra bîla walaia sa?
¿Kristian nani ba ahkia piua ra tasba gabamintka bîla walbia apia lukisma?
4. Wan lukanka bara daukanka
1 Jan 5:21 aisi kaikma. Ningkara LILKA ba kaikma, bara naha dukiara aisi banhma:
¿Dîa muni Ayenge ba pulitik daknika wal asla takras bara plakin ra lakula yabras kan?
¿Man lukisma witin ba wahbi sakanka pain kum daukan?
¿Ani piua nani ra sip sa wan traika kaikaia? LILKA ba kaikma, bara naha dukiara aisi banhma:
Kuntri ailal asla taki deporte pulisa taim, ¿nahki marikaia sip sa naha tasba bisniska nani tilara dimras ba?
Pulitik uplika nani dîa daukbia aisi ba wan rayaka ra saura apia kaka yamni munaia sip sa kaka, ¿pulitik ra dimras ba yawan nahki marikaia sip sa?
Pulitik dukiara sturi piua bani walisa, apia kaka pulitik dukiara aisaia laik uplika nani wal asla sa kaka, ¿dîa wan munaia sip sa?
¿Ani piua nani ra kristian kum ba lukanka bara daukanka wal sin, naha tasba bisniska nani tilara dimaia apia sa?
UPLA KUM KUM MAKABI WALISA: “¿Man dîa muni plakin ra lakula yabras bara kuntri lawanka aiwanras sma ki?”.
¿Man pana dîa wima?
DÎA LAN TAKRAM
Kristian nani ba karna trai munisa lukanka bara daukanka wal sin pulitik ra dimras kaia.
Wan kupia krawaia
¿Tasba gabamintka nani ra yawan dîa sât daukanka nani marikaia sa?
¿Dîa muni yawan pulitik tilara dimras sa?
¿Ani piua nani ra karna wan munaia sip sa naha tasba bisniska nani tilara dimras kaia?
KAU PLIKI KAIKS
¿Pulitik ra dimras ba mita dîa sât sakripais nani daukaia nit kabia?
¿Pamali nani ra nahki ridi munaia sip sa naha tasba bisniska nani tilara dimaia traika kaikanka kum kau takras kainara?
Piua sut ra marikaia Gâd gabamintka baman tâ baiki ba (4:25)
Upla nani manis mapara, ai kuntrika kaina kahbaia ba prana kau tara kum sa. ¿Kuna baku pali sa?
¿Wark plikisa taim, “naha tasba wina uplika apia” sa nahki marikaia sip sa?
“Upla bani yakan ai karbanka ba twilkaia sa” (La Atalaya, marzo 15, 2006)