Nahki Smalkaia ba Kulka Kupia Kraukanka

Naika makabi walanka nani ba, manka na ra Febrero 23 wikka ra, Nahki Smalkaia ba Kulka ra laki kaikan kabia. Enero 5 wikka wina Febrero 23 wikka kat kul ra stadi takan ba dukyara kulka ta brabrira mita 20 minit kupia kraukanka kum daukbia.

1. Yu walhwal ra kat ingni yabaika nani paskan kaka, yu kumi ra Gâd nahki daukan ingni takbia? (Bla.st 1:​3, 16.) [w04 1/1 wah. 28 baiki.s 5.]

2. Jehova Noa ra wiras kan tasba ta aimaki lâka daukbia, kuna Adam ra lika win ba mita dia tanka sa ki? (Bla.st 9:1.) [it-1 wah. 852 baiki.s 6.]

3. Ebraham wal Lâ Daukan ba ahkia wina ta krikan, bara pyu wihka nahki prais kat wisa? (Bla.st 12:​1-4.) [w04 15/1 wah. 27 baiki.s 1; w01 15/8 wah. 17 baiki.s 13.]

4. Dia wan marikisa Nimrod, bara ai uplika sin ‘ai nina ba tara kulkan kabia’ plikan ba sip daukras kan? (Bla.st 11:4.) [w98 15/3 wah. 25.]

5. Lat dahra 2 Pita 2:7 bila waitna “kasakkira kum kan” wisa kaka, diakan ai luhpia tyara nani ba sinska taski bri kwara ba ra yabaia wilin kan? (Bla.st 19:8.) [w05 1/2 wah. 26 baiki.s 15, 16; w04 15/1 wah. 27 baiki.s 4.]

6. Maîa waitna lalukra nani ba ai uplika ra main kaikaia sa kaka, diakan Ebraham ba Hegar Ismael wal upla iwras tasbaia ra blikan? (Bla.st 21:10-​21; 1 Tim. 5:8.) [w88 15/2 wah. 31.]

7. Aisak maîa ba Jehova kupia laka kat pliki sakan kabia wisi, Elîser kasak trai munan ba wina yawan dia lan takisa ki? (Bla.st 24:14, 15, 17-19, 26, 27.) [w97 1/1 wah. 31 baiki.s 2.]

8. Jekob yaprisauhkan ra kaikan insal nani teps tara kum bak uli bal iwi kan ba dia tanka sa ki? (Bla.st 28:10-​13.) [w03 15/10 wah. 29 baiki.s 1; it-1 wah. 829, 830.]

9. Diakan Lea luhpia waitna mandrak dusa ma nani ba Retsel briaia want kan? (Bla.st 30:14, 15.) [w04 15/1 wah. 28 baiki.s 7.]

10. Blahwanka nani wapnika mangkaia wisi, Jekob daukan ba wina yawan dia lan takisa ki? (Bla.st 33:​3, 4.) [g82 22/8 wah. 24 baiki.s 8-​10.]