Marikanka nani

Wis kati ra pas satadika ba Baibil stadika nani nahki tâ krikaia

“Yu bani ra nisan bara rilidian sât sât wina Gâd ra ai pura sunisa. ¿Man lukisma Gâd baha pura sunra nani sut ba walbia bara ansika yabia?” [Ansika maikbia swis.] Baha wina, La Atalaya wauhkataya, Wîs kati 1 ba mariks bara wahia 16 ba wina ulbanka lalka pas taki ba laki kaiks bara tiks nani taki ba tila wina kum aisi kaiks. Wauhkataya ba yas, baha wina makabi walanka wala laki kaikaia dukiara ahkia kli balaia lukisma ba uplika ra wis.

La Atalaya Wîs kati 1

Uplika ra wauhkataya mawan tani ba mariki wis: “Naha makabi walanka dukiara, ¿dîa ansika yama ki? [Ansika maikbia swis.] Baibil ra dîa wi ba kaiks. [1 Jan 5:19 aisi kaiks.] Nahara wi ba baku naha tasba Sitan karnika mununhtara sa. Sakuna kau makabi walisa. ¿Dibil ba ani wina bal takan ki? ¿Rait pali bâra sa ki? ¿Gâd mita piua an swibia naha tasba Dibil karnika mununhtara kabia? Naha wauhkataya ba Baibil dîa ansika yabi ba marikisa”.

¡Despertad! Wîs kati

“Lalah trabilka ba mita upla nani ba wari takisa. ¿Dîa muni karna sa pidika wal kati las kat yus munaia? [Ansika maikbia swis.] Baibil ba smalkanka painkira brisa bara hilp wan munisa wan lalahka ba pain yus munaia. [Baibil tikska nani wahia 8-9 ra taki ba aisi kaiks.] Naha wauhkataya hilp wan munisa nahki wan lalahka aitani kat yus munaia.”