Marikanka nani

La Atalaya Lî kati 1

“Wan lamara iwi uplika nani wal minit kum kum baman aisi taukisna Baibil smalkanka nani ra yawan sut lukbia dukiara. Upla ailal lukisa naiwa upla sinska lâka tara bri nani ba, sip sa marikaia Baibil ba sturi kasak briras ba. ¿Baibil ba dukiara man dîa lukisma? ¿Sip sa ki Baibil sturka ba traika kaiki bara kasak sakaia? [Ansika maikbia swis.] Naha Baibil samplika sins lâka kasak bri ba laki kaiks [Job 26:7 aisi kaiks.] Naha wauhkataya ba laki kaikisa nahki Baibil wihki waitna sinska lâka kum kum ba wal kumi sa.”

Smalkisa bukka

“Upla manis Gâd ra ai pura sunisa, ¿kuna Witin upla sut ra walisa ki? [Ansika maikbia swis. Baha wina 1 Jan 5:14, 15 aisi kaiks bara wahia 170, 171 ra baiki sakanka nani 16-18 ba laki kaiks.] Naha saptika ra marikisa dîa muni Gâd ra wan pura sunaia sa bara dîa daukaia sip sa Witin wan walbia dukiara.”

Baibil Sturka nani Bukka

“Skul nani ra, tilivisan bara Internet ra sin diara saura taki ba mita, ¿nahki sip sa aisa yapti nani ba luhpa nani ra lâ yamni smalkaia? [Ansika maikbia swis.] Aisa yapti nani ra kupia buki banhwisna ai pamalika wal Baibil aisi kaikbia, ¿nu sma dîa muni? [Lawana 1:2, 3 aisi kaiks.] Upla ailal lukisa Baibil ba tânka briaia karna sa, kau tuktan nani ba mapara, sakuna baku apia sa. Naha bukka maikaia want kapri. Baibil sturka manis brisa, naha wal isi sa Baibil tânka briaia bara aisi kaikaia pamalikam aikuki.”