വയൽശു​ശ്രൂ​ഷ​യിൽ പൂർണ്ണ​ദേ​ഹി​യോ​ടെ പ്രവർത്തി​ക്കു​ക

ഭാഗം 3: മററു​ള​ള​വ​രു​ടെ പുരോ​ഗ​തി​ക്കു സഹായി​ക്കു​ക

¹ പ്രായ​മേ​റിയ സഹോ​ദ​ര​നാ​യി​രുന്ന പൗലോ​സും അർപ്പി​ത​യു​വാ​വാ​യി​രുന്ന തിമൊ​ഥെ​യോ​സും തമ്മിലു​ളള ബന്ധം ശുശ്രൂ​ഷ​ക്കു​വേ​ണ്ടി​യു​ളള പരിശീ​ല​ന​ത്തി​ന്റെ ഉത്തമ ദൃഷ്ടാ​ന്ത​മാ​യി മിക്ക​പ്പോ​ഴും എടുത്തു​പ​റ​യ​പ്പെ​ട്ടി​ട്ടുണ്ട്‌. (1 കൊരി. 4:17) തിമൊ​ഥെ​യോ​സി​നു ലഭിച്ചി​രുന്ന അതേ അറിവും പരിശീ​ല​ന​വും മററു​ള​ള​വർക്ക്‌ പ്രദാനം ചെയ്യാൻ അവൻ പൗലോ​സി​നാൽ നിർദ്ദേ​ശി​ക്ക​പ്പെട്ടു. (2 തിമൊ. 2:1, 2) നാം ഇന്ന്‌ സഭയിൽ അതേ നടപടി പിന്തു​ട​രു​ന്നത്‌ നന്നായി​രി​ക്കും.

² മററു​ള​ള​വരെ പരിശീ​ലി​പ്പി​ക്കുക: ഇൻഡ്യ​യിൽ മൂന്നു വർഷം മുമ്പു​ണ്ടാ​യി​രു​ന്ന​തി​നെ​ക്കാൾ ഏതാണ്ട്‌ 3,500 പ്രസാ​ധകർ കൂടുതൽ ഇന്നു​ണ്ടെന്നു നാം തിരി​ച്ച​റി​യു​മ്പോൾ പരിശീ​ല​ന​ത്തി​ന്റെ ആവശ്യം പ്രകട​മാ​കു​ന്നു. ഇവരിൽ അനേകർക്കും പരിച​യ​സ​മ്പ​ന്ന​രായ പ്രസാ​ധ​കർക്കു കൊടു​ക്കാൻ കഴിയുന്ന പരിശീ​ല​ന​ത്തിൽനിന്ന്‌ പ്രയോ​ജ​നം​കി​ട്ടാൻ വളരെ സാദ്ധ്യ​ത​യുണ്ട്‌. വയൽസേ​വ​ന​ത്തിൽ മാസം​തോ​റും സാധാ​ര​ണ​യാ​യി ഒന്നോ രണ്ടോ മണിക്കൂർ മാത്രം ചെലവ​ഴി​ച്ചി​രുന്ന സഹോ​ദരി പരിച​യ​സ​മ്പ​ന്ന​നായ ഒരു സഹോ​ദരൻ സഹായി​ച്ച​പ്പോൾ വീട്ടു​വാ​തിൽക്കൽ ഫലപ്ര​ദ​മാ​യി സംസാ​രി​ക്കാൻ പഠിച്ചു. ശുശ്രൂ​ഷ​യിൽ പങ്കെടു​ക്കാ​നു​ളള അവരുടെ വൈമ​ന​സ്യം അപ്രത്യ​ക്ഷ​മാ​യി. അവർ സുവാർത്ത​യു​ടെ തീക്ഷ്‌ണ​ത​യു​ളള ഒരു പ്രസാ​ധി​ക​യാ​യി​ത്തീർന്നു. ഇപ്പോൾ കഴിവു​ററ ഒരു പയനിയർ എന്ന നിലയിൽ അവർ പിന്തി​രി​ഞ്ഞു​നോ​ക്കി ഇങ്ങനെ പറയുന്നു: “എന്തു പറയണ​മെന്ന്‌ എന്നെ പഠിപ്പി​ച്ചാൽ മാത്രം മതിയാ​യി​രു​ന്നു, അപ്പോൾ ഞാൻ ശുശ്രൂഷ ആസ്വദി​ക്കാൻ തുടങ്ങി.”

³ നിങ്ങൾ ഒരു മൂപ്പനോ ഒരു ശുശ്രൂ​ഷാ​ദാ​സ​നോ ഒരു പയനി​യ​റോ പരിച​യ​സ​മ്പ​ന്ന​നായ ഒരു പ്രസാ​ധ​ക​നോ ആണെങ്കിൽ മററു​ള​ള​വ​രു​ടെ പുരോ​ഗ​തിക്ക്‌ നിങ്ങൾക്കെ​ങ്ങനെ സഹായി​ക്കാൻ കഴിയും? ഒന്നാമത്തെ നടപടി നിങ്ങൾ മറെറാ​രു പ്രസാ​ധ​കനെ സഹായി​ക്കാ​നാ​ഗ്ര​ഹി​ക്കു​ന്നു​വെന്ന്‌ നിങ്ങളു​ടെ സഭാപു​സ്‌ത​കാ​ദ്ധ്യന നിർവാ​ഹ​കനെ അറിയി​ക്കു​ക​യെ​ന്ന​താണ്‌.

⁴ ക്രമീ​കൃ​ത​നും തയ്യാറാ​യ​വ​നു​മാ​യി​രി​ക്കുക: ഒരുമി​ച്ചു പ്രവർത്തി​ക്കാ​നു​ളള ഒരു സുനി​ശ്ചി​ത​മായ ഏർപ്പാ​ടു​ണ്ടാ​യി​രി​ക്കു​ന്നത്‌ സഹായ​ക​മാണ്‌. തുടക്ക​ത്തിൽ നിങ്ങളു​ടെ സഹപ്ര​വർത്തകൻ ഭയമു​ള​ള​വ​നോ തന്നേക്കു​റി​ച്ചു​തന്നെ തിട്ടമി​ല്ലാ​ത്ത​വ​നോ ആയിരി​ക്കാം. എന്നാൽ ആവശ്യ​മാ​യി​ത്തീ​രു​ന്നു​വെ​ങ്കിൽ സഹായി​ക്കാൻ ഒരാൾ തന്നോ​ടു​കൂ​ടെ പ്രവർത്തി​ക്കു​ന്ന​തി​നെ അയാൾ വിലമ​തി​ക്കും. (സഭാ. 4:9) സാദ്ധ്യ​മെ​ങ്കിൽ, ബൈബിൾവി​ഷ​യ​ങ്ങ​ളെ​ക്കു​റിച്ച്‌ സംഭാ​ഷ​ണം​ന​ട​ത്താൻ സന്നദ്ധരായ ആളുകളെ കണ്ടെത്താൻ കൂടുതൽ സാദ്ധ്യ​ത​യു​ളള ഒരു പ്രദേശം തെര​ഞ്ഞെ​ടു​ക്കുക. ഇത്‌ പുതിയ ആൾ സംഭാ​ഷ​ണ​ത്തിൽ ഉൾപ്പെ​ടാ​നും അങ്ങനെ ആത്മ​ധൈ​ര്യം നേടാ​നും സഹായി​ക്കും.

⁵ പടിപ​ടി​യാ​യു​ളള പരിശീ​ലനം തുടരു​ന്ന​തിന്‌, കണ്ടെത്ത​പ്പെ​ടുന്ന താത്‌പ​ര്യ​ക്കാർക്ക്‌ മടക്കസ​ന്ദർശനം നടത്തു​ന്ന​തെ​ങ്ങ​നെ​യെന്ന്‌ ചർച്ച​ചെ​യ്യു​ന്നത്‌ പ്രയോ​ജ​ന​ക​ര​മാ​യി​രി​ക്കും. ഇതിൽ നിങ്ങൾ മടങ്ങി​ച്ചെ​ല്ലു​മ്പോൾ ഉത്തരം​പ​റ​യു​ന്ന​തിന്‌ വീട്ടു​കാ​രന്റെ മുമ്പാകെ ഒരു ചോദ്യം ഇട്ടു​കൊണ്ട്‌ അടിത്തറ പാകു​ന്നത്‌ ഉൾപ്പെ​ടു​ന്നു. തയ്യാറാ​കാൻ പരിച​യ​ക്കു​റ​വു​ളള പ്രസാ​ധ​കനെ തീർച്ച​യാ​യും സഹായി​ക്കുക. പിന്നീട്‌ അയാ​ളോ​ടു​കൂ​ടെ മടക്കസ​ന്ദർശ​ന​ത്തി​നു പോകുക. ഒരു അദ്ധ്യയനം തുടങ്ങി​യാ​ലും പിന്നെ​യും പുതിയ പ്രസാ​ധ​കന്‌ തന്റെ സ്വന്തം പ്രാപ്‌തി​യെ​ക്കു​റിച്ച്‌ അത്ര തിട്ടമി​ല്ലെ​ങ്കിൽ കൂടുതൽ പരിച​യ​സ​മ്പ​ന്ന​നായ പ്രസാ​ധ​കന്‌ പുതിയ ആൾ ഏറെറ​ടു​ക്കാൻ യോഗ്യ​നാ​യി​ത്തീ​രു​ന്ന​തു​വരെ ഏതാനും പ്രാവ​ശ്യം ആ അദ്ധ്യയനം നടത്താ​നാ​ഗ്ര​ഹി​ക്കാ​വു​ന്ന​താണ്‌.

⁶ സ്ഥാപന​ത്തി​ലേക്ക്‌ പുതി​യ​വ​രു​ടെ സത്വര​മായ ഒഴുക്കു​ണ്ടാ​കു​ന്ന​തു​കൊണ്ട്‌ വയൽശു​ശ്രൂ​ഷ​യിൽ തീവ്ര​മായ അഭ്യാസം പ്രദാ​നം​ചെ​യ്യേ​ണ്ട​തി​ന്റെ ജ്ഞാനം സ്വയം തെളി​യു​ന്നു. പ്രസം​ഗ​പ്ര​വർത്ത​ന​ത്തിൽ വൈദ​ഗ്‌ദ്ധ്യം വളർത്തി​യി​ട്ടു​ള​ള​വ​രിൽനി​ന്നു​ളള സഹായം ആവശ്യ​മാണ്‌. നിങ്ങൾക്ക്‌ ആരെ​യെ​ങ്കി​ലും സഹായി​ക്കാൻ കഴിയു​മെ​ങ്കിൽ കാല​ക്ര​മ​ത്തിൽ അയാളും “മററു​ള​ള​വരെ പഠിപ്പി​ക്കാൻ വേണ്ടത്ര യോഗ്യത”യുളള​യാ​ളാ​യി​ത്തീ​രും.—2 തിമൊ. 2:2.