കൂടെ​ക്കൂ​ടെ പ്രവർത്തി​ച്ചു തീരുന്ന പ്രദേ​ശം​പ്ര​വർത്തി​ക്കൽ

¹ ചില സഭകൾ അവയുടെ പ്രദേശം ആവർത്തി​ച്ചാ​വർത്തി​ച്ചു പ്രവർത്തി​ക്കു​ന്നു​വെ​ന്നു​ളള റിപ്പോർട്ടു​കൾ ലഭിക്കു​ന്ന​തിൽ ഞങ്ങൾ സന്തോ​ഷി​ക്കു​ന്നു. (മത്താ. 24:14; 1 തിമൊ. 2:3, 4) ഇത്‌ അസാധാ​ര​ണ​മായ ഒരു വെല്ലു​വി​ളി ഉയർത്തു​ന്നു​വെ​ങ്കി​ലും, ഉയർന്നു​വ​രുന്ന വ്യത്യസ്‌ത സാഹച​ര്യ​ങ്ങളെ കൈകാ​ര്യം ചെയ്യാൻ നാം നല്ലവണ്ണം ഒരുക്ക​മു​ള​ള​വ​രും സജ്ജരു​മാ​ണെ​ങ്കിൽ ഇതിനെ വിജയ​പ്ര​ദ​മാ​യി നേരി​ടാൻ കഴിയു​മെന്ന്‌ അനുഭവം തെളി​യി​ച്ചി​രി​ക്കു​ന്നു.

² ഫലപ്ര​ദ​മായ മുഖവു​ര​ക​ളാ​ണു താക്കോൽ: നന്നായി ചിന്തി​ച്ചെ​ടുത്ത ഒന്നോ അതില​ധി​ക​മോ മുഖവു​രകൾ ഉപയോ​ഗി​ക്കാൻ സജ്ജരാ​യി​രി​ക്കു​ന്നതു വളരെ പ്രധാ​ന​മാണ്‌. നാം ആവർത്തി​ച്ചാ​വർത്തി​ച്ചു സന്ദർശനം നടത്തു​ന്ന​തി​ന്റെ അടിയ​ന്തിര കാരണ​ങ്ങളെ വ്യക്തമാ​ക്കുന്ന പ്രസ്‌താ​വ​നകൾ അവയിൽ ഉണ്ടായി​രി​ക്കണം.

³ ഉപയോ​ഗി​ക്കു​ന്ന​തിന്‌ അനു​യോ​ജ്യ​മായ മുഖവു​ര​ക​ളു​ടെ ധാരാളം നല്ല മാതൃ​കകൾ ന്യായ​വാ​ദം പുസ്‌തകം നൽകുന്നു. അതിന്റെ 15-ാം പേജിൽ “കൂടെ​ക്കൂ​ടെ പ്രവർത്തി​ക്ക​പ്പെ​ടുന്ന പ്രദേ​ശത്ത്‌” എന്ന തലക്കെ​ട്ടിൻ കീഴിൽ മൂന്നു മുഖവു​രകൾ പട്ടിക​പ്പെ​ടു​ത്തി​യി​രി​ക്കു​ന്നു. നിങ്ങളു​ടെ പ്രദേ​ശത്ത്‌ ഉപയോ​ഗി​ക്കാൻ നിങ്ങൾ ഇഷ്ടപ്പെ​ടു​ന്നവ പരിശീ​ലി​ച്ചു നോക്കുക.

⁴ കൂടെ​ക്കൂ​ടെ പ്രവർത്തി​ച്ചു തീരുന്ന പ്രദേ​ശത്തു സംഭാ​ഷ​ണ​ങ്ങൾക്കു തുടക്ക​മി​ടാൻ പ്രാ​ദേ​ശിക വർത്തമാ​ന​പ​ത്ര​ത്തിൽനി​ന്നു​ളള ഇനങ്ങൾ ഉപയോ​ഗി​ക്കു​ന്ന​തിൽ ചില പ്രസാ​ധകർ വിജയം കണ്ടെത്തു​ന്നു. ഇത്‌ എങ്ങനെ ചെയ്യാ​മെ​ന്ന​തി​നു ന്യായ​വാ​ദം പുസ്‌തകം മൂന്ന്‌ ഉദാഹ​ര​ണങ്ങൾ തരുന്നു. 10-ാം പേജി​ലു​ളള “കുററകൃത്യം⁄സുരക്ഷിതത്വം” എന്ന തലക്കെ​ട്ടി​നു കീഴി​ലു​ളള രണ്ടാമത്തെ മുഖവു​ര​യും 11-ാം പേജി​ലു​ളള “ആനുകാ​ലിക സംഭവങ്ങൾ” എന്ന തലക്കെ​ട്ടി​നു കീഴി​ലു​ളള ആദ്യത്തെ രണ്ടു മുഖവു​ര​ക​ളും പരിചി​ന്തി​ക്കുക.

⁵ നിങ്ങൾ തയ്യാറാ​ക്കുന്ന മുഖവു​രകൾ: ന്യായ​വാ​ദം പുസ്‌ത​ക​ത്തിൽ കൊടു​ത്തി​രി​ക്കുന്ന മുഖവു​ര​ക​ളോ​ടു സമാന​മാ​ക്കിയ ആമുഖ പ്രസ്‌താ​വ​നകൾ വികസി​പ്പി​ക്കാ​നും ഉപയോ​ഗി​ക്കാ​നും മടിക്കാ​തി​രി​ക്കുക. ഇവ നിങ്ങളു​ടെ സ്വാഭാ​വി​ക​മായ വിധത്തി​ലും നിങ്ങളു​ടെ സ്വന്തം വാക്കു​ക​ളി​ലും പ്രകടി​പ്പി​ക്കുക. വയലിൽ ഉപയോ​ഗി​ക്കു​ന്ന​തി​നു മുമ്പായി നിങ്ങൾക്ക്‌ അവ അനുഭ​വ​പ​രി​ച​യ​മു​ളള ഒരു പ്രസാ​ധ​ക​നോ​ടൊ​ത്തു പരിശീ​ലി​ച്ചു​നോ​ക്കാ​വു​ന്ന​താണ്‌.

⁶ ദൃഷ്ടാ​ന്ത​ത്തി​നു നിങ്ങൾ ഇതു​പോ​ലെ പറഞ്ഞേ​ക്കാം:

◼“കഴിഞ്ഞ വാരത്തിൽ ഞങ്ങൾ നിങ്ങളെ സന്ദർശി​ച്ച​തി​നു​ശേഷം [ജനസമു​ദാ​യ​ത്തിൽ ആളുക​ളു​ടെ സംസാ​ര​വി​ഷ​യ​മാ​യി​രി​ക്കുന്ന ഒരു സംഭവം പരാമർശി​ക്കുക]. കാരണം നാമെ​ല്ലാം ഒരു വിധത്തിൽ അല്ലെങ്കിൽ മറെറാ​രു വിധത്തിൽ ബാധി​ക്ക​പ്പെ​ട്ടി​രി​ക്കു​ന്നു, നമ്മുടെ അയൽക്കാ​രിൽ പലരും വലിയ ഉത്‌കണ്‌ഠ പ്രകടി​പ്പി​ച്ചി​രി​ക്കു​ന്നു. ഒരുപക്ഷേ ഇതു സംബന്ധി​ച്ചു നിങ്ങളും ചിന്തി​ച്ചി​ട്ടു​ണ്ടാ​യി​രി​ക്കാം. [സാധ്യ​ത​യു​ളള പ്രതി​ക​ര​ണ​ത്തി​നാ​യി ചെറു​താ​യൊ​ന്നു നിർത്തുക.] ഈ സ്ഥിതി​വി​ശേഷം സംബന്ധിച്ച്‌ എന്തെങ്കി​ലും ചെയ്യാ​നാ​കു​മെന്നു നാം തീർച്ച​യാ​യും പ്രത്യാ​ശി​ക്കു​ന്നു. എന്നിരു​ന്നാ​ലും, ഒരു ശാശ്വത പരിഹാ​ര​ത്തെ​ക്കു​റി​ച്ചു ചിന്തി​ക്കു​മ്പോൾ യിരെ​മ്യാ പ്രവാ​ചകൻ 10-ാം അധ്യാ​യ​ത്തി​ന്റെ 23-ാം വാക്യ​ത്തിൽ എഴുതി​യ​തി​നോ​ടു നിങ്ങൾ യോജി​ക്കി​ല്ലേ?” ആ തിരു​വെ​ഴു​ത്തു വായി​ച്ച​ശേഷം വീട്ടു​കാ​രന്റെ അഭി​പ്രാ​യങ്ങൾ മനസ്സി​ലാ​ക്കുക, അതിനു​ശേഷം ചർച്ചാ​വി​ഷ​യ​മായ പ്രത്യേക പ്രശ്‌നം യഹോവ എങ്ങനെ പരിഹ​രി​ക്കു​മെന്നു കാണി​ക്കുന്ന ഒരു തിരു​വെ​ഴു​ത്തി​ലേക്കു ശ്രദ്ധ തിരി​ക്കുക.

⁷ അല്ലെങ്കിൽ നിങ്ങൾക്ക്‌ ഇങ്ങനെ പറയാ​വു​ന്ന​താണ്‌:

◼“നിങ്ങൾ ഇന്നത്തെ വാർത്ത​യിൽ [ഒരു പ്രത്യേക സംഭവം പരാമർശി​ക്കുക] ശ്രദ്ധി​ച്ചു​വെ​ന്ന​തി​നു സംശയ​മില്ല. ഇതു നമ്മെ​യെ​ല്ലാം ബാധി​ക്കു​ന്നു എന്നതി​നോ​ടു നിങ്ങൾ ഒരുപക്ഷേ യോജി​ക്കു​മാ​യി​രി​ക്കും. [സാധ്യ​ത​യു​ളള പ്രതി​ക​ര​ണ​ത്തി​നാ​യി ചെറു​താ​യൊ​ന്നു നിർത്തുക.] ഒരു താത്‌കാ​ലിക പരിഹാ​ര​വു​മാ​യി അധികാ​രി​കൾ രംഗ​ത്തെ​ത്തു​മെന്നു നമുക്കു പ്രതീ​ക്ഷി​ക്കാ​വു​ന്ന​താണ്‌; എന്നാൽ ഈ പ്രശ്‌നം എല്ലാക്കാ​ല​ത്തേ​ക്കു​മാ​യി എങ്ങനെ പരിഹ​രി​ക്ക​പ്പെ​ടു​മെന്നു ബൈബിൾ പ്രകട​മാ​ക്കു​ന്നു.” ദൈവം ചെയ്യാൻ പോകുന്ന കാര്യത്തെ വിശദീ​ക​രി​ക്കുന്ന ഒരു പ്രത്യേക തിരു​വെ​ഴു​ത്തി​ലേക്കു ശ്രദ്ധ തിരി​ക്കുക.

⁸ “നിങ്ങൾ ഇത്ര കൂടെ​ക്കൂ​ടെ സന്ദർശി​ക്കു​ന്നത്‌ എന്തിനാണ്‌?” സാധ്യ​ത​യു​ളള ഈ സംഭാ​ഷണം മുടക്കി​യോ​ടു പ്രതി​ക​രി​ക്കാ​വുന്ന ഉചിത​മായ വിധങ്ങൾ ന്യായ​വാ​ദം പുസ്‌ത​ക​ത്തി​ന്റെ 20-ാം പേജിലെ “നിങ്ങൾ ഇത്ര കൂടെ​ക്കൂ​ടെ സന്ദർശി​ക്കു​ന്നത്‌ എന്തിനാണ്‌?” എന്ന തലക്കെ​ട്ടിൻ കീഴിൽ കൊടു​ത്തി​രി​ക്കു​ന്നു. ദൈവ​ത്തോ​ടും അയൽക്കാ​ര​നോ​ടു​മു​ളള യഥാർഥ സ്‌നേ​ഹ​മാ​ണു മററു​ള​ള​വരെ സാധ്യ​മാ​കു​ന്നി​ട​ത്തോ​ളം കൂടെ​ക്കൂ​ടെ സന്ദർശി​ക്കാൻ നമ്മെ പ്രേരി​പ്പി​ക്കു​ന്നത്‌. ഇതു വിലമ​തി​ക്കാൻ മററു​ള​ള​വരെ സഹായി​ക്കാ​നു​ളള ഏതവസ​ര​വും ഉപയോ​ഗി​ച്ചു​കൊണ്ട്‌—നമ്മോട്‌ ആവശ്യ​പ്പെ​ടാ​തെ​പോ​ലും—നല്ലൊരു സാക്ഷ്യം കൊടു​ക്കാൻ നമുക്കു കഴിയും. ഈ സംഗതി​യിൽ യോഹ​ന്നാൻ 21:15-17-ലെ യേശു​വി​ന്റെ വാക്കു​ക​ളെ​ക്കു​റി​ച്ചു​ളള ഒരു ചർച്ച വളരെ പ്രയോ​ജ​ന​പ്ര​ദ​മാ​ണെന്നു തെളി​യും.

⁹ മതി എന്നു യഹോവ പറയു​ന്ന​തു​വരെ കൂടെ​ക്കൂ​ടെ പ്രവർത്തി​ച്ചു തീരുന്ന പ്രദേശം പ്രവർത്തി​ക്കു​ക​യെന്ന വെല്ലു​വി​ളി നമുക്കു നേരി​ടാം. ഈ ദൃഢതീ​രു​മാ​നം ഉണ്ടായി​രി​ക്കു​ന്നെ​ങ്കിൽ അവിടു​ത്തെ മാർഗ​നിർദേ​ശ​വും സംരക്ഷ​ണ​വും അനു​ഗ്ര​ഹ​വും അന്ത്യ​ത്തോ​ളം ഉണ്ടായി​രി​ക്കു​മെന്നു നമുക്ക്‌ ഉറപ്പു​ണ്ടാ​യി​രി​ക്കാൻ കഴിയും.—മത്താ. 28:19, 20.