യഹോ​വ​യു​ടെ ആടുകൾക്ക്‌ ആർദ്ര​മായ പരിപാ​ലനം ആവശ്യ​മാണ്‌

‘യഹോവ തന്നേ ദൈവം എന്നറി​വിൻ; നാം അവന്റെ ജനവും അവൻ മേയി​ക്കുന്ന ആടുക​ളും തന്നേ.’—സങ്കീർത്തനം 100:3.

1. യഹോവ തന്റെ ദാസന്മാ​രോട്‌ എങ്ങനെ​യാണ്‌ ഇടപെ​ടു​ന്നത്‌?

യഹോവ വലിയ ഇടയനാണ്‌. നാം അവന്റെ ദാസരാ​ണെ​ങ്കിൽ, അവൻ നമ്മെ തന്റെ ആടുക​ളാ​യി വീക്ഷിച്ച്‌ ആർദ്ര​മാ​യി പരിപാ​ലി​ക്കും. നമ്മുടെ സ്വർഗീയ പിതാവ്‌ നമ്മെ ആശ്വസി​പ്പിച്ച്‌, നവോ​ന്മേ​ഷ​പ്ര​ദ​രാ​ക്കി ‘തിരു​നാ​മം​നി​മി​ത്തം നമ്മെ നീതി​പാ​ത​ക​ളിൽ നടത്തു’ന്നു. (സങ്കീർത്തനം 23:1-4) നല്ല ഇടയനായ യേശു​ക്രി​സ്‌തു നമ്മെ വളരെ​യ​ധി​കം സ്‌നേ​ഹി​ക്കു​ന്നു, അതു​കൊണ്ട്‌ നമുക്കു​വേണ്ടി അവൻ തന്റെ ദേഹിയെ അർപ്പിച്ചു.—യോഹ​ന്നാൻ 10:7-15.

2. തങ്ങൾ ഏത്‌ അവസ്ഥയിൽ ആയിരി​ക്കു​ന്ന​താ​യി ദൈവ​ജനത മനസ്സി​ലാ​ക്കു​ന്നു?

² ആർദ്ര​മായ പരിപാ​ലനം കൈപ്പ​റ്റു​ന്ന​വ​രെന്ന നിലയിൽ, സങ്കീർത്ത​ന​ക്കാ​ര​നോ​ടൊ​പ്പം നമുക്ക്‌ ഇങ്ങനെ പറയാ​നാ​വും: “സന്തോ​ഷ​ത്തോ​ടെ യഹോ​വയെ സേവി​പ്പിൻ; സംഗീ​ത​ത്തോ​ടെ അവന്റെ സന്നിധി​യിൽ വരുവിൻ. യഹോവ തന്നേ ദൈവം എന്നറി​വിൻ; അവൻ നമ്മെ ഉണ്ടാക്കി; നാം അവന്നു​ള്ളവർ ആകുന്നു; അവന്റെ ജനവും അവൻ മേയി​ക്കുന്ന ആടുക​ളും തന്നേ.” (സങ്കീർത്തനം 100:2, 3) അതേ, നാം സന്തോ​ഷ​മു​ള്ള​വ​രും സുരക്ഷി​ത​രു​മാണ്‌. ശക്തമായ കൽഭി​ത്തി​ക​ളുള്ള ഒരു ആട്ടിൻതൊ​ഴു​ത്തിൽ, കൊടിയ ഇരപി​ടി​യ​ന്മാ​രിൽനി​ന്നു സുരക്ഷി​ത​രാ​യി​രി​ക്കു​ന്ന​തു​പോ​ലെ​യാ​ണു നാം.—സംഖ്യാ​പു​സ്‌തകം 32:16; 1 ശമൂവേൽ 24:3; സെഫെ​ന്യാ​വു 2:6.

ആട്ടിൻകൂ​ട്ട​ത്തി​ന്റെ മനസ്സൊ​രു​ക്ക​മുള്ള ഇടയന്മാർ

3. നിയമിത ക്രിസ്‌തീയ മൂപ്പന്മാർ ദൈവ​ത്തി​ന്റെ ആട്ടിൻകൂ​ട്ട​ത്തോട്‌ എങ്ങനെ ഇടപെ​ടു​ന്നു?

³ ദൈവ​ത്തി​ന്റെ ആടുകൾ എന്നനി​ല​യിൽ നാം സന്തോ​ഷ​വാ​ന്മാ​രാണ്‌ എന്നതിനു യാതൊ​രു സംശയ​വു​മില്ല! നിയമിത മൂപ്പന്മാർ നമ്മുടെ ഇടയിൽ നേതൃ​ത്വ​മെ​ടു​ക്കു​ന്നു. അവർ “അധിപ​തി​യാ​കാൻ,” നമ്മു​ടെ​മേൽ കർത്തൃ​ത്വം നടത്താൻ, അഥവാ നമ്മുടെ വിശ്വാ​സ​ത്തി​ന്റെ യജമാ​ന​ന്മാർ ആകാൻ ശ്രമി​ക്കു​ന്നില്ല. (സംഖ്യാ​പു​സ്‌തകം 16:13, പി.ഒ.സി. ബൈബിൾ; മത്തായി 20:25-28; 2 കൊരി​ന്ത്യർ 1:24; എബ്രായർ 13:7) അതിനു​പ​കരം, പത്രോസ്‌ അപ്പോ​സ്‌ത​ലന്റെ ബുദ്ധ്യു​പ​ദേശം ബാധക​മാ​ക്കുന്ന സ്‌നേ​ഹ​സ​മ്പ​ന്ന​രായ ഇടയന്മാ​രാ​ണവർ: “നിങ്ങളെ ഏൽപ്പി​ച്ചി​രി​ക്കുന്ന ദൈവ​ത്തി​ന്റെ അജഗണത്തെ പരിപാ​ലി​ക്കു​വിൻ. അതു നിർബ​ന്ധം​മൂ​ല​മാ​യി​രി​ക്ക​രുത്‌, ദൈവ​ത്തെ​പ്രതി സൻമന​സ്സോ​ടെ ആയിരി​ക്കണം; ലാഭേ​ച്ഛ​യോ​ടെ ആയിരി​ക്ക​രുത്‌, തീക്ഷ്‌ണ​ത​യോ​ടെ ആയിരി​ക്കണം; അജഗണ​ത്തി​ന്റെ​മേൽ ആധിപ​ത്യം ചുമത്തി​ക്കൊ​ണ്ടാ​യി​രി​ക്ക​രുത്‌, സൻമാ​തൃക നല്‌കി​ക്കൊ​ണ്ടാ​യി​രി​ക്കണം.” (1 പത്രോസ്‌ 5:2, 3, പി.ഒ.സി. ബൈ.) അപ്പോ​സ്‌ത​ല​നായ പൗലോസ്‌ സഹമൂ​പ്പ​ന്മാ​രോട്‌ ഇങ്ങനെ പറഞ്ഞു: “നിങ്ങ​ളെ​ത്ത​ന്നേ​യും താൻ സ്വന്തര​ക്ത​ത്താൽ സമ്പാദി​ച്ചി​രി​ക്കുന്ന ദൈവ​ത്തി​ന്റെ സഭയെ മേയ്‌പാൻ പരിശു​ദ്ധാ​ത്മാ​വു നിങ്ങളെ അദ്ധ്യക്ഷ​രാ​ക്കി​വെച്ച ആട്ടിൻകൂ​ട്ടം മുഴു​വ​നെ​യും സൂക്ഷി​ച്ചു​കൊൾവിൻ.” പരിശു​ദ്ധാ​ത്മാ​വി​നാൽ നിയമി​ത​രായ ഈ പുരു​ഷ​ന്മാർ “ആട്ടിൻകൂ​ട്ട​ത്തോട്‌ ആർദ്ര​ത​യോ​ടെ ഇടപെ​ടുന്ന”തിൽ ആടുകൾ എത്ര നന്ദിയു​ള്ള​വ​രാണ്‌!—പ്രവൃ​ത്തി​കൾ 20:28-30.

4. ആട്ടിൻകൂ​ട്ട​വു​മാ​യുള്ള ഏതുതരം ബന്ധം നിമി​ത്ത​മാ​ണു ചാൾസ്‌ റ്റി. റസ്സൽ പരക്കെ അറിയ​പ്പെ​ട്ടി​രു​ന്നത്‌?

⁴ യഹോ​വ​യു​ടെ ആടുക​ളോട്‌ ആർദ്ര​മായ വിധത്തിൽ ഇടപെ​ടുന്ന “മനുഷ്യ​രാം ദാനങ്ങ”ളെ, ചിലരെ “പാസ്റ്റർമാ”രായി അഥവാ ഇടയന്മാ​രാ​യി, യേശു സഭയ്‌ക്കു നൽകി. (എഫേസ്യർ 4:8, 11; ജയിംസ്‌ രാജാ​വി​ന്റെ ഭാഷാ​ന്തരം) വാച്ച്‌ ടവർ സൊ​സൈ​റ്റി​യു​ടെ ആദ്യ പ്രസി​ഡൻറാ​യി​രുന്ന ചാൾസ്‌ റ്റി. റസ്സൽ അവരിൽ ഒരുവ​നാ​യി​രു​ന്നു. മുഖ്യ ഇടയനായ യേശു​ക്രി​സ്‌തു​വി​ന്റെ കീഴി​ലുള്ള ആട്ടിൻകൂ​ട്ടത്തെ മേയി​ക്കു​ന്ന​തിൽ കാട്ടിയ സ്‌നേ​ഹ​നിർഭ​ര​വും അനുക​മ്പാ​പൂർവ​ക​വു​മായ പ്രവർത്ത​നങ്ങൾ നിമിത്തം അദ്ദേഹത്തെ പാസ്റ്റർ റസ്സൽ എന്നു വിളി​ച്ചി​രു​ന്നു. ഇന്ന്‌, ക്രിസ്‌തീയ മൂപ്പന്മാർ യഹോ​വ​യു​ടെ സാക്ഷി​ക​ളു​ടെ ഭരണസം​ഘ​ത്താ​ലാ​ണു നിയമി​ക്ക​പ്പെ​ടു​ന്നത്‌. എന്നാൽ, “പാസ്റ്റർ,” “മൂപ്പൻ,” അല്ലെങ്കിൽ “ഗുരു” മുതലായ പദപ്ര​യോ​ഗങ്ങൾ സ്ഥാന​പ്പേ​രു​ക​ളാ​യി ഉപയോ​ഗി​ക്കാ​തി​രി​ക്കാൻ ശ്രദ്ധ ചെലു​ത്തു​ന്നുണ്ട്‌. (മത്തായി 23:8-12) എന്നിരു​ന്നാ​ലും, ഇക്കാലത്തെ മൂപ്പന്മാർ യഹോ​വ​യു​ടെ മേച്ചിൽസ്ഥ​ലത്തെ ആടുക​ളു​ടെ പ്രയോ​ജ​ന​ത്തി​നു വേണ്ടി പാസ്റ്റർവേല അഥവാ ഇടയവേല ചെയ്യു​ന്നുണ്ട്‌.

5. പുതി​യവർ ക്രിസ്‌തീയ സഭയിലെ നിയമിത മൂപ്പന്മാ​രു​മാ​യി പരിചി​ത​രാ​കേ​ണ്ടത്‌ എന്തു​കൊണ്ട്‌?

⁵ ഇടയന്മാർ എന്നനി​ല​യിൽ മൂപ്പന്മാർ പുതി​യ​വ​രു​ടെ ആത്മീയ പുരോ​ഗ​തി​യിൽ ഒരു പ്രധാന പങ്കു വഹിക്കു​ന്നു. അതു​കൊണ്ട്‌, നിത്യ​ജീ​വ​നി​ലേക്കു നയിക്കുന്ന പരിജ്ഞാ​നം എന്ന പുസ്‌തകം 168-ാം പേജിൽ ഇങ്ങനെ പറയുന്നു: “സഭയിലെ നിയമിത മൂപ്പൻമാ​രെ പരിച​യ​പ്പെ​ടുക. ദൈവ​പ​രി​ജ്ഞാ​നം ബാധക​മാ​ക്കു​ന്ന​തിൽ അവർക്കു വളരെ​യ​ധി​കം അനുഭ​വ​ജ്ഞാ​ന​മുണ്ട്‌, കാരണം അവർ ബൈബി​ളിൽ വിവരി​ച്ചി​രി​ക്കുന്ന യോഗ്യ​ത​ക​ളിൽ എത്തി​ച്ചേർന്നി​രി​ക്കു​ന്നു. (1 തിമൊ​ഥെ​യൊസ്‌ 3:1-7; തീത്തൊസ്‌ 1:5-9) ദൈവ​ത്തി​ന്റെ വ്യവസ്ഥ​കൾക്കു വിരു​ദ്ധ​മായ ഒരു ശീലമോ ഒരു സ്വഭാ​വ​വി​ശേ​ഷ​മോ തരണം​ചെ​യ്യു​ന്ന​തി​നു നിങ്ങൾക്ക്‌ ആത്മീയ സഹായം ആവശ്യ​മാ​ണെ​ങ്കിൽ അവരിൽ ഒരാളെ സമീപി​ക്കാൻ മടിക്ക​രുത്‌. ‘ഉൾക്കരു​ത്തി​ല്ലാ​ത്ത​വരെ ധൈര്യ​പ്പെ​ടു​ത്തു​വിൻ; ബലഹീ​നരെ താങ്ങു​വിൻ; എല്ലാവ​രോ​ടും ദീർഘക്ഷമ കാണി​പ്പിൻ’ എന്നുള്ള പൗലോ​സി​ന്റെ ബുദ്ധ്യു​പ​ദേശം മൂപ്പൻമാർ അനുസ​രി​ക്കു​ന്ന​താ​യി നിങ്ങൾ കണ്ടെത്തും.—1 തെസ്സ​ലൊ​നീ​ക്യർ 2:7, 8; 5:14.”

പുതി​യവർ പ്രസം​ഗി​ക്കാൻ ആഗ്രഹി​ക്കു​മ്പോൾ

6. ഒരു ബൈബിൾവി​ദ്യാർഥി രാജ്യ​പ്ര​സാ​ധകൻ ആയിത്തീ​രാൻ ആഗ്രഹി​ക്കു​ന്നെ​ങ്കിൽ ഏതു നടപടി​ക്ര​മ​മാ​ണു പിൻപ​റ്റേ​ണ്ടത്‌?

⁶ ഒരു ബൈബിൾവി​ദ്യാർഥി പരിജ്ഞാ​നം നേടു​ക​യും കുറേ​ക്കാ​ലം യോഗ​ങ്ങൾക്കു ഹാജരാ​കു​ക​യും ചെയ്‌തു​ക​ഴി​യു​മ്പോൾ, അയാൾ ഒരു രാജ്യ​പ്ര​സാ​ധകൻ, അതായത്‌ സുവാർത്ത​യു​ടെ പ്രസം​ഗകൻ ആകാൻ ആഗ്രഹി​ച്ചേ​ക്കാം. (മർക്കൊസ്‌ 13:10) അങ്ങനെ​യെ​ങ്കിൽ, അദ്ദേഹ​വു​മൊ​ത്തു ബൈബി​ള​ധ്യ​യനം നടത്തുന്ന സാക്ഷി അധ്യക്ഷ​മേൽവി​ചാ​ര​ക​നു​മാ​യി ബന്ധപ്പെ​ടണം. അദ്ദേഹം സഭാ​സേ​വ​ന​ക്ക​മ്മി​റ്റി​യി​ലെ മൂപ്പന്മാ​രിൽ ഒരാ​ളെ​യും മറ്റൊരു മൂപ്പ​നെ​യും ബൈബിൾവി​ദ്യാർഥി​യും അധ്യാ​പ​ക​നു​മൊ​ത്തു കൂടി​വ​രു​ന്ന​തി​നു ക്രമീ​ക​രി​ക്കു​ന്ന​താ​യി​രി​ക്കും. നമ്മുടെ ശുശ്രൂഷ നിർവ​ഹി​ക്കാൻ സംഘടി​തർ എന്ന പുസ്‌ത​ക​ത്തി​ന്റെ 102 മുതൽ 104 വരെയുള്ള പേജു​ക​ളി​ലെ വിവര​ങ്ങ​ളിൽ അടിസ്ഥാ​ന​മാ​ക്കി​യാ​യി​രി​ക്കും ചർച്ച. പുതിയ ആൾ അടിസ്ഥാന ബൈബിൾ പഠിപ്പി​ക്ക​ലു​കൾ വിശ്വ​സി​ക്കു​ന്നു​വെ​ന്നും ദൈവ​ത്തി​ന്റെ തത്ത്വങ്ങ​ളോട്‌ അനുരൂ​പ​പ്പെ​ട്ടി​രി​ക്കു​ന്നു​വെ​ന്നും ഈ രണ്ടു മൂപ്പന്മാർ കാണു​ന്ന​പക്ഷം, പരസ്യ​ശു​ശ്രൂ​ഷ​യിൽ പങ്കെടു​ക്കാൻ അയാൾ യോഗ്യത പ്രാപി​ച്ചി​രി​ക്കു​ന്നു​വെന്ന്‌ അയാ​ളോ​ടു പറയു​ന്ന​താ​യി​രി​ക്കും.a അയാൾ വയൽസേവന റിപ്പോർട്ടു നൽകി​ക്കൊണ്ട്‌ തന്റെ ശുശ്രൂഷ റിപ്പോർട്ടു ചെയ്യു​മ്പോൾ, അത്‌ അയാളു​ടെ പേരി​ലുള്ള സഭാ പ്രസാധക രേഖാ കാർഡിൽ ചേർക്കു​ന്ന​താ​യി​രി​ക്കും. ആഹ്ലാദ​പൂർവം “ദൈവ​വ​ചനം അറിയി”ക്കുന്ന ദശലക്ഷ​ക്ക​ണ​ക്കി​നു മറ്റുള്ള​വ​രോ​ടൊ​പ്പം പുതിയ ആൾക്ക്‌ അപ്പോൾ തന്റെ സാക്ഷീ​കരണ പ്രവർത്തനം റിപ്പോർട്ടു ചെയ്യാ​നാ​വും. (പ്രവൃ​ത്തി​കൾ 13:5) അയാൾ സ്‌നാ​പ​ന​മേൽക്കാത്ത പ്രസാ​ധ​ക​നാ​ണെന്ന ഒരു അറിയി​പ്പു സഭയിൽ നടത്തു​ന്ന​താ​യി​രി​ക്കും.

7, 8. സ്‌നാ​പ​ന​മേൽക്കാത്ത ഒരു പ്രസാ​ധ​കനു ശുശ്രൂ​ഷ​യിൽ ആവശ്യ​മായ സഹായം ഏതെല്ലാം വിധങ്ങ​ളിൽ കൊടു​ക്കാ​വു​ന്ന​താണ്‌?

⁷ സ്‌നാ​പ​ന​മേൽക്കാത്ത ഒരു പ്രസാ​ധ​കനു മൂപ്പന്മാ​രു​ടെ​യും പക്വത​യുള്ള മറ്റു ക്രിസ്‌ത്യാ​നി​ക​ളു​ടെ​യും സഹായം ആവശ്യ​മാണ്‌. ഉദാഹ​ര​ണ​ത്തിന്‌, അയാളു​ടെ ആത്മീയ പുരോ​ഗതി അയാൾ സംബന്ധി​ക്കുന്ന പുസ്‌ത​കാ​ധ്യ​യ​ന​ക്കൂ​ട്ട​ത്തി​ലെ അധ്യയന നിർവാ​ഹ​കനു താത്‌പ​ര്യ​മുള്ള ഒരു സംഗതി​യാ​യി​രി​ക്കും. വീടു​തോ​റു​മുള്ള വേലയിൽ ഫലപ്ര​ദ​മാ​യി സംസാ​രി​ക്കു​ക​യെ​ന്നതു പ്രയാ​സ​മാ​ണെന്നു പുതിയ പ്രസാ​ധകൻ കണ്ടെത്തി​യേ​ക്കാം. (പ്രവൃ​ത്തി​കൾ 20:20) അതു​കൊണ്ട്‌, അയാൾ സഹായം ലഭിക്കു​ന്ന​തി​നെ സ്വാഗതം ചെയ്യാൻ സാധ്യ​ത​യുണ്ട്‌, പരിജ്ഞാ​നം പുസ്‌തകം ഉപയോ​ഗിച്ച്‌ അയാളു​മാ​യി ബൈബി​ള​ധ്യ​യനം നടത്തു​ന്ന​യാ​ളിൽനി​ന്നാ​വു​മ്പോൾ വിശേ​ഷി​ച്ചും. അത്തരം പ്രാ​യോ​ഗിക സഹായം ഉചിത​മാണ്‌, എന്തെന്നാൽ ശുശ്രൂ​ഷ​യ്‌ക്കു വേണ്ടി യേശു​ക്രി​സ്‌തു തന്റെ ശിഷ്യ​ന്മാ​രെ ഒരുക്കു​ക​യു​ണ്ടാ​യി.—മർക്കൊസ്‌ 6:7-13; ലൂക്കൊസ്‌ 10:1-22.

⁸ നമ്മുടെ ശുശ്രൂഷ ഫലപ്ര​ദ​മാ​യി​രി​ക്ക​ണ​മെ​ങ്കിൽ, മുന്ന​മേ​യുള്ള നല്ല തയ്യാറാ​കൽ അത്യാ​വ​ശ്യ​മാണ്‌. അതു​കൊണ്ട്‌, ആ രണ്ടു പ്രസാ​ധ​കർക്ക്‌ ആദ്യം ഒരുമി​ച്ചു​കൂ​ടി മാസം​തോ​റു​മുള്ള നമ്മുടെ രാജ്യ ശുശ്രൂ​ഷ​യു​ടെ ലക്കങ്ങളിൽ നിർദേ​ശി​ച്ചി​രി​ക്കുന്ന അവതര​ണങ്ങൾ പരിശീ​ലി​ക്കാ​വു​ന്ന​താണ്‌. അവർ വയൽസേ​വനം തുടങ്ങു​മ്പോൾ, അനുഭ​വ​പ​രി​ചയം കൂടു​ത​ലുള്ള പ്രസാ​ധ​കന്‌ ആദ്യത്തെ ഒന്നോ രണ്ടോ വീടു​ക​ളിൽ സംസാ​രി​ക്കാ​വു​ന്ന​താണ്‌. സൗഹാർദ​മായ ഒരു മുഖവു​ര​ക്കു​ശേഷം, സാക്ഷ്യം നൽകു​ന്ന​തിൽ രണ്ടു പ്രസാ​ധ​കർക്കും പങ്കെടു​ക്കാം. ഏതാനും ആഴ്‌ച​ത്തേക്കു ശുശ്രൂ​ഷ​യിൽ ഒരുമി​ച്ചു പ്രവർത്തി​ക്കു​ന്ന​തി​നാൽ നല്ല മടക്കസ​ന്ദർശ​ന​ങ്ങ​ളും നിത്യ​ജീ​വ​നി​ലേക്കു നയിക്കുന്ന പരിജ്ഞാ​നം പുസ്‌തകം ഉപയോ​ഗി​ച്ചു നടത്താ​വുന്ന ഒരു ഭവന ബൈബി​ള​ധ്യ​യനം പോലും കിട്ടി​യെ​ന്നു​വ​രാം. അനുഭ​വ​പ​രി​ചയം കൂടു​ത​ലുള്ള പ്രസാ​ധകൻ കുറച്ചു​നാ​ള​ത്തേക്ക്‌ അധ്യയനം നടത്തി​യിട്ട്‌ പുതിയ രാജ്യ​പ്ര​ഘോ​ഷ​കന്‌ അതു കൈമാ​റാ​വു​ന്ന​താണ്‌. ബൈബിൾവി​ദ്യാർഥി ദൈവ​പ​രി​ജ്ഞാ​ന​ത്തോ​ടു വിലമ​തി​പ്പു കാട്ടു​ന്നെ​ങ്കിൽ, രണ്ടു പ്രസാ​ധ​ക​രും എത്ര സന്തുഷ്ട​രാ​യി​രി​ക്കും!

9. ഒരു പ്രസാ​ധകൻ സ്‌നാ​പ​ന​മേൽക്കാൻ ആഗ്രഹി​ക്കു​മ്പോൾ എന്തു ക്രമീ​ക​ര​ണ​ങ്ങ​ളാ​ണു ചെയ്യ​പ്പെ​ടു​ന്നത്‌?

⁹ സ്‌നാ​പ​ന​മേൽക്കാത്ത പ്രസാ​ധകൻ ആത്മീയ​മാ​യി പുരോ​ഗതി പ്രാപി​ക്കു​ന്ന​തോ​ടെ, അയാൾ പ്രാർഥ​ന​യിൽ ദൈവ​ത്തി​നു സമർപ്പണം നടത്തു​ക​യും സ്‌നാ​പ​ന​മേൽക്കാൻ ആഗ്രഹി​ക്കു​ക​യും ചെയ്‌തേ​ക്കാം. (മർക്കൊസ്‌ 1:9-11 താരത​മ്യം ചെയ്യുക.) സ്‌നാ​പ​ന​മേൽക്കാൻ താൻ ആഗ്രഹി​ക്കു​ന്നു​വെന്ന്‌ അയാൾ സഭയുടെ അധ്യക്ഷ​മേൽവി​ചാ​ര​കനെ അറിയി​ക്കണം. അദ്ദേഹം, നമ്മുടെ ശുശ്രൂഷ നിർവ​ഹി​ക്കാൻ സംഘടി​തർ പുസ്‌ത​ക​ത്തി​ന്റെ 184-248 പേജു​ക​ളി​ലെ ചോദ്യ​ങ്ങൾ സ്‌നാ​പ​ന​മേൽക്കാത്ത പ്രസാ​ധ​ക​നു​മൊ​ത്തു പുനര​വ​ലോ​കനം ചെയ്യാൻ മൂപ്പന്മാ​രെ ക്രമീ​ക​രി​ക്കു​ന്ന​താ​യി​രി​ക്കും. സാധ്യ​മെ​ങ്കിൽ, നാലു ഭാഗങ്ങ​ളാ​യി തിരി​ച്ചി​രി​ക്കുന്ന ചോദ്യ​ങ്ങൾ മൂന്നു വേളക​ളി​ലാ​യി മൂന്നു വ്യത്യസ്‌ത മൂപ്പന്മാർക്കു ചർച്ച ചെയ്യാ​വു​ന്ന​താണ്‌. സ്‌നാ​പ​ന​മേൽക്കാത്ത പ്രസാ​ധ​കനു ബൈബിൾ പഠിപ്പി​ക്ക​ലു​ക​ളെ​ക്കു​റി​ച്ചു ന്യായ​മായ ഗ്രാഹ്യ​വും മറ്റു വിധങ്ങ​ളിൽ യോഗ്യ​ത​ക​ളും ഉണ്ടെന്ന കാര്യ​ത്തിൽ അവർ യോജി​ക്കു​ന്നു​വെ​ങ്കിൽ, അയാൾക്കു സ്‌നാ​പ​ന​മേൽക്കാ​മെന്ന്‌ അവർ അയാ​ളോ​ടു പറയും. സമർപ്പ​ണ​ത്തി​ന്റെ​യും സ്‌നാ​പ​ന​ത്തി​ന്റെ​യും ഫലമായി അയാൾ രക്ഷയ്‌ക്കാ​യി ‘അടയാ​ള​മി​ട​പ്പെട്ട’വനായി​ത്തീ​രു​ന്നു.—യെഹെ​സ്‌കേൽ 9:4-6.

പ്രത്യേക ആവശ്യങ്ങൾ നിറ​വേ​റ്റൽ

10. പരിജ്ഞാ​നം പുസ്‌തകം പഠിച്ച്‌ സ്‌നാ​പ​ന​മേ​റ്റ​ശേഷം, ഒരു വ്യക്തി തന്റെ തിരു​വെ​ഴു​ത്തു​പ​ര​മായ പരിജ്ഞാ​നം എങ്ങനെ വർധി​പ്പി​ക്കും?

¹⁰ ഒരു വ്യക്തി പരിജ്ഞാ​നം പുസ്‌തകം ഉപയോ​ഗി​ച്ചുള്ള ബൈബിൾപ​ഠനം പൂർത്തീ​ക​രിച്ച്‌ സ്‌നാ​പ​ന​മേ​റ്റ​ശേഷം, ഏകസത്യ​ദൈ​വ​ത്തി​ന്റെ ആരാധ​ന​യിൽ ഏകീകൃ​തർ എന്നതു പോലുള്ള രണ്ടാമ​തൊ​രു പുസ്‌തകം ഉപയോ​ഗിച്ച്‌ അയാളു​മൊത്ത്‌ ഔപചാ​രി​ക​മാ​യി പഠനം നടത്തേണ്ട ആവശ്യ​മി​ല്ലെന്നു വന്നേക്കാം.b തീർച്ച​യാ​യും, ക്രിസ്‌തീയ യോഗ​ങ്ങൾക്കു​വേണ്ടി തയ്യാറാ​കു​ക​യും അവയിൽ പതിവാ​യി പങ്കുപ​റ്റു​ക​യും ചെയ്യു​ന്ന​തു​വഴി, അടുത്ത​കാ​ലത്തു സ്‌നാ​പ​ന​മേറ്റ വ്യക്തി വളരെ​യ​ധി​കം കാര്യങ്ങൾ പഠിക്കും. ക്രിസ്‌തീയ പ്രസി​ദ്ധീ​ക​ര​ണങ്ങൾ സ്വകാ​ര്യ​മാ​യി വായി​ച്ചു​പ​ഠി​ക്കാ​നും സഹവി​ശ്വാ​സി​ക​ളു​മൊ​ത്തു തിരു​വെ​ഴു​ത്തു​പ​ര​മായ കാര്യങ്ങൾ ചർച്ച ചെയ്യാ​നും സത്യത്തി​നാ​യുള്ള ദാഹം പ്രേരി​പ്പി​ക്കു​മ്പോൾ, അയാൾ കൂടു​ത​ലായ പരിജ്ഞാ​നം നേടു​ക​യും ചെയ്യും. എന്നാൽ പ്രത്യേക ആവശ്യങ്ങൾ ഉടലെ​ടു​ക്കു​ന്നെ​ങ്കി​ലോ?

11. (എ) പ്രിസ്‌കി​ല്ല​യും അക്വി​ലാ​സും അപ്പല്ലോ​സി​നെ സഹായി​ച്ച​തെ​ങ്ങനെ? (ബി) അടുത്ത​യി​ടെ സ്‌നാ​പ​ന​മേറ്റ, വിവാ​ഹ​ത്തെ​ക്കു​റി​ച്ചു ചിന്തി​ക്കുന്ന പ്രായ​പൂർത്തി​യെ​ത്തിയ ഒരു യുവാ​വിന്‌ എന്തു സഹായം നൽകാ​നാ​വും?

¹¹ “തിരു​വെ​ഴു​ത്തു​ക​ളിൽ സാമർത്ഥ്യ”മുണ്ടാ​യി​രു​ന്ന​വ​നും യേശു​വി​നെ​ക്കു​റി​ച്ചു കൃത്യ​ത​യോ​ടെ പഠിച്ചി​രു​ന്ന​വ​നു​മായ അപ്പല്ലോസ്‌ പോലും അനുഭ​വ​സ​മ്പ​ന്ന​രായ ക്രിസ്‌ത്യാ​നി​ക​ളാ​യി​രുന്ന പ്രിസ്‌കി​ല്ല​യും അക്വി​ലാ​സും “അവനെ ചേർത്തു​കൊ​ണ്ടു ദൈവ​ത്തി​ന്റെ മാർഗ്ഗം അധികം സ്‌പഷ്ട​മാ​യി അവന്നു തെളി​യി​ച്ചു​കൊ​ടുത്ത”പ്പോൾ പ്രയോ​ജനം നേടി. (പ്രവൃ​ത്തി​കൾ 18:24-26; പ്രവൃ​ത്തി​കൾ 19:1-7 താരത​മ്യം ചെയ്യുക.) അതു​കൊണ്ട്‌, അടുത്ത​യി​ടെ സ്‌നാ​പ​ന​മേറ്റ, പ്രായ​പൂർത്തി​യെ​ത്തിയ ഒരു യുവാവ്‌ കോർട്ടി​ങ്ങി​നെ​യും വിവാ​ഹ​ത്തെ​യും കുറിച്ചു ചിന്തി​ക്കു​ക​യാ​ണെന്നു കരുതുക. വാച്ച്‌ ടവർ പ്രസി​ദ്ധീ​ക​ര​ണ​ങ്ങ​ളിൽ ഈ വിഷയ​ങ്ങ​ളെ​ക്കു​റി​ച്ചുള്ള വിവരങ്ങൾ കണ്ടെത്താൻ കൂടുതൽ അനുഭ​വ​പ​രി​ച​യ​മുള്ള ഒരു ക്രിസ്‌ത്യാ​നിക്ക്‌ അയാളെ സഹായി​ക്കാ​നാ​വും. ഉദാഹ​ര​ണ​ത്തിന്‌, അത്തരം കാര്യ​ങ്ങ​ളെ​ക്കു​റി​ച്ചുള്ള സഹായ​ക​മായ വിവരങ്ങൾ യുവജ​നങ്ങൾ ചോദി​ക്കുന്ന ചോദ്യ​ങ്ങ​ളും പ്രാ​യോ​ഗി​ക​മായ ഉത്തരങ്ങ​ളും എന്ന പുസ്‌ത​ക​ത്തി​ന്റെ 7-ാം ഭാഗത്തി​ലുണ്ട്‌.c പുതിയ ആളു​മൊ​ത്തു ബൈബി​ള​ധ്യ​യനം നിർവ​ഹിച്ച പ്രസാ​ധകൻ ഈ വിവരങ്ങൾ, ഒരു ക്രമമായ അധ്യയ​ന​ത്തി​ന്റെ രൂപത്തി​ല​ല്ലെ​ങ്കി​ലും അയാളു​മാ​യി ചർച്ച ചെയ്‌തേ​ക്കാം.

12. ദാമ്പത്യ​പ്ര​ശ്‌ന​ങ്ങ​ളുള്ള, പുതു​താ​യി സ്‌നാ​പ​ന​മേറ്റ, വിവാഹ ഇണകൾക്കാ​യി എന്തു സഹായം നൽകാ​നാ​വു​ന്ന​താണ്‌?

¹² മറ്റൊരു ദൃഷ്ടാന്തം പരിചി​ന്തി​ക്കുക. ഒരുപക്ഷേ പുതു​താ​യി സ്‌നാ​പ​ന​മേറ്റ വിവാഹ ഇണകൾക്കു ദൈവിക തത്ത്വങ്ങൾ ബാധക​മാ​ക്കു​ന്ന​തിൽ പ്രശ്‌നങ്ങൾ ഉണ്ടായി​രി​ക്കാം. അവർക്ക്‌ ഒരു മൂപ്പനു​മാ​യി കൂടി​യാ​ലോ​ചന നടത്താ​വു​ന്ന​താണ്‌. അദ്ദേഹ​ത്തിന്‌ ഏതാനും വൈകു​ന്നേ​ര​ങ്ങ​ളിൽ അവരോ​ടൊ​ത്തു തിരു​വെ​ഴു​ത്തു​കൾ ചർച്ച ചെയ്യാ​നും വാച്ച്‌ ടവർ പ്രസി​ദ്ധീ​ക​ര​ണ​ങ്ങ​ളിൽ കാണുന്ന വിവര​ങ്ങ​ളി​ലേക്ക്‌ അവരുടെ ശ്രദ്ധ തിരി​ക്കാ​നും കഴി​ഞ്ഞേ​ക്കും. എന്നാൽ, മൂപ്പൻ ആ ദമ്പതി​ക​ളു​മൊത്ത്‌ ഒരു നിരന്തര ബൈബി​ള​ധ്യ​യനം പുനഃ​സ്ഥാ​പി​ക്കു​ക​യില്ല.

പുതിയ വ്യക്തി തെറ്റു ചെയ്യു​ന്നെ​ങ്കിൽ

13. തെറ്റു ചെയ്യു​ക​യും, എന്നാൽ അനുത​പി​ക്കു​ക​യും ചെയ്യുന്ന പുതു​താ​യി സ്‌നാ​പ​ന​മേറ്റ വ്യക്തി​യോ​ടു സഭാമൂ​പ്പ​ന്മാർ കരുണ കാട്ടേ​ണ്ടത്‌ എന്തു​കൊണ്ട്‌?

¹³ “ഞാൻ തന്നേ എന്റെ ആടുകളെ മേയി​ക്ക​യും . . . ഒടിഞ്ഞ​തി​നെ മുറി​വു​കെ​ട്ടു​ക​യും ദീനം പിടി​ച്ച​തി​നെ ശക്തീക​രി​ക്ക​യും ചെയ്യും” എന്നു പറയുന്ന വലിയ ഇടയനായ യഹോ​വ​യെ​യാ​ണു മൂപ്പന്മാർ അനുക​രി​ക്കു​ന്നത്‌. (യെഹെ​സ്‌കേൽ 34:15, 16; എഫെസ്യർ 5:1) ആ മനോ​ഭാ​വ​ത്തോ​ടുള്ള ചേർച്ച​യിൽ, സംശയ​ങ്ങ​ളു​ണ്ടാ​യി​രുന്ന, അല്ലെങ്കിൽ പാപത്തി​ലേക്കു വഴുതി​വീണ അഭിഷിക്ത ക്രിസ്‌ത്യാ​നി​ക​ളോ​ടു കരുണ കാട്ടണ​മെന്നു ശിഷ്യ​നായ യൂദാ ഉദ്‌ബോ​ധി​പ്പി​ക്കു​ക​യു​ണ്ടാ​യി. (യൂദാ 22, 23) അനുഭ​വ​സ​മ്പ​ന്ന​രായ ക്രിസ്‌ത്യാ​നി​ക​ളിൽനി​ന്നു നാം ഉചിത​മാ​യും വളരെ​യ​ധി​കം പ്രതീ​ക്ഷി​ക്കു​ന്ന​തു​കൊണ്ട്‌, തെറ്റു ചെയ്‌തെ​ങ്കി​ലും അനുത​പി​ക്കുന്ന—വെറു​മൊ​രു കുഞ്ഞാ​ടായ—പുതു​താ​യി സ്‌നാ​പ​ന​മേറ്റ വ്യക്തി​യോ​ടു തീർച്ച​യാ​യും കരുണ കാട്ടണം. (ലൂക്കൊസ്‌ 12:48; 15:1-7) അതു​കൊണ്ട്‌, ‘യഹോ​വ​ക്കു​വേണ്ടി ന്യായം​വി​ധി​ക്കുന്ന’ മൂപ്പന്മാർ അതു​പോ​ലുള്ള ആടുകൾക്ക്‌ ആർദ്ര​മായ പരിപാ​ലനം നൽകു​ക​യും അവരെ സൗമ്യ​ത​യു​ടെ ആത്മാവിൽ യഥാസ്ഥാ​ന​പ്പെ​ടു​ത്തു​ക​യും ചെയ്യും.—2 ദിനവൃ​ത്താ​ന്തം 19:6; പ്രവൃ​ത്തി​കൾ 20:28, 29; ഗലാത്യർ 6:1.d

14. സ്‌നാ​പ​ന​മേ​റ്റിട്ട്‌ അധിക​നാ​ളാ​കാത്ത ഒരു വ്യക്തി ഗുരു​ത​ര​മായ ഒരു തെറ്റു ചെയ്യു​മ്പോൾ എന്തു ചെയ്യണം, അയാളെ എങ്ങനെ സഹായി​ക്കാ​നാ​വും?

¹⁴ സ്‌നാ​പ​ന​മേ​റ്റിട്ട്‌ അധിക​നാ​ളാ​കാത്ത ഒരു പ്രസാ​ധ​കനു മുമ്പു മദ്യപാ​ന​പ്ര​ശ്‌ന​മു​ണ്ടാ​യി​രു​ന്നു​വെ​ന്നും അയാൾ ഒന്നോ രണ്ടോ സന്ദർഭ​ങ്ങ​ളിൽ വീണ്ടും പരിധി​വി​ട്ടു കുടി​ച്ചു​പോ​യെ​ന്നും കരുതുക. അതല്ല, ഒരുപക്ഷേ ദീർഘ​നാ​ളാ​യി ഉണ്ടായി​രുന്ന പുകവ​ലി​ശീ​ലം അയാൾ മറിക​ട​ന്നി​രു​ന്നു​വെ​ങ്കി​ലും രഹസ്യ​മാ​യി പുകവ​ലി​ക്കാ​നുള്ള പ്രലോ​ഭ​ന​മു​ണ്ടാ​യ​പ്പോൾ ഒന്നോ രണ്ടോ സന്ദർഭ​ങ്ങ​ളിൽ അയാൾ അതിനു വഴങ്ങി​ക്കൊ​ടു​ത്തു​വെന്നു വിചാ​രി​ക്കുക. നമ്മുടെ പുതിയ സഹോ​ദരൻ ദൈവ​ത്തി​ന്റെ ക്ഷമയ്‌ക്കാ​യി പ്രാർഥി​ച്ചി​ട്ടു​ണ്ടെ​ങ്കിൽപോ​ലും, ആ പാപം ശീലമാ​കാ​തി​രി​ക്കാൻ അയാൾ ഒരു മൂപ്പന്റെ സഹായം തേടണം. (സങ്കീർത്തനം 32:1-5; യാക്കോബ്‌ 5:14, 15) അയാൾ തന്റെ തെറ്റി​നെ​ക്കു​റി​ച്ചു മൂപ്പന്മാ​രിൽ ഒരാ​ളോ​ടു സൂചി​പ്പി​ക്കു​മ്പോൾ, കരുണാ​പൂർവ​ക​മായ ഒരു വിധത്തിൽ പുതിയ വ്യക്തിയെ യഥാസ്ഥാ​ന​പ്പെ​ടു​ത്താൻ ആ മൂപ്പൻ ശ്രമി​ക്കണം. (സങ്കീർത്തനം 130:3) അതിനു​ശേഷം തന്റെ കാലടി​കളെ നേർവ​ഴി​യി​ലാ​ക്കാൻ അയാളെ സഹായി​ക്കു​ന്ന​തി​നു തിരു​വെ​ഴു​ത്തു ബുദ്ധ്യു​പ​ദേശം മതിയാ​വും. (എബ്രായർ 12:12, 13) കൂടു​ത​ലാ​യി എന്തു സഹായം നൽകണ​മെന്നു നിർണ​യി​ക്കു​ന്ന​തിന്‌ ഈ മൂപ്പൻ സഭയിലെ അധ്യക്ഷ​മേൽവി​ചാ​ര​ക​നു​മാ​യി സാഹച​ര്യ​ങ്ങൾ ചർച്ച​ചെ​യ്യും.

15. സ്‌നാ​പ​ന​മേ​റ്റിട്ട്‌ അധിക​നാ​ളാ​കാത്ത ഒരു വ്യക്തി പാപം ചെയ്യു​മ്പോൾ ചില​പ്പോൾ എന്ത്‌ അത്യാ​വ​ശ്യ​മാ​യി​രു​ന്നേ​ക്കാം?

¹⁵ ചിലരു​ടെ കാര്യ​ത്തിൽ അതിലും കൂടുതൽ ആവശ്യ​മാ​യി​വ​ന്നേ​ക്കാം. ദുഷ്‌പേ​രോ ആട്ടിൻകൂ​ട്ട​ത്തിന്‌ അപകട​മോ അല്ലെങ്കിൽ മറ്റു പ്രശ്‌ന​ങ്ങ​ളോ ഉൾപ്പെ​ട്ടി​ട്ടു​ണ്ടെ​ങ്കിൽ, അതേക്കു​റിച്ച്‌ അന്വേ​ഷി​ക്കു​ന്ന​തി​നു മൂപ്പന്മാ​രു​ടെ സംഘം രണ്ടു മൂപ്പന്മാ​രെ നിയോ​ഗി​ക്കും. ഒരു നീതി​ന്യാ​യ​ക്ക​മ്മി​റ്റി ആവശ്യ​മാ​യി​രി​ക്കു​ന്ന​വി​ധം പ്രശ്‌നം ഗുരു​ത​ര​മെന്ന്‌ ഈ മൂപ്പന്മാർ കണ്ടെത്തു​ന്നു​വെ​ങ്കിൽ അവർ അതു മൂപ്പന്മാ​രു​ടെ സംഘത്തി​നു മുമ്പാകെ റിപ്പോർട്ടു ചെയ്യണം. തെറ്റു​കാ​ര​നായ വ്യക്തിയെ സഹായി​ക്കു​ന്ന​തി​നു മൂപ്പന്മാ​രു​ടെ സംഘം അപ്പോൾ ഒരു നീതി​ന്യാ​യ​ക്ക​മ്മി​റ്റി​യെ നിയോ​ഗി​ക്കും. നീതി​ന്യാ​യ​ക്ക​മ്മി​റ്റി അയാ​ളോട്‌ ആർദ്ര​മാ​യി​വേണം പെരു​മാ​റാൻ. തിരു​വെ​ഴു​ത്തു​കൾ ഉപയോ​ഗി​ച്ചു​കൊണ്ട്‌ അയാളെ യഥാസ്ഥാ​ന​പ്പെ​ടു​ത്താൻ അവർ ശ്രമി​ക്കണം. നീതി​ന്യാ​യ​ക്ക​മ്മി​റ്റി​യു​ടെ ദയാപൂർവ​ക​മായ ശ്രമങ്ങ​ളോട്‌ അയാൾ പ്രതി​ക​രി​ക്കു​ന്ന​പക്ഷം അയാളെ, രാജ്യ​ഹാ​ളി​ലെ യോഗ​ങ്ങ​ളിൽ സ്റ്റേജിൽവെ​ച്ചുള്ള പരിപാടികളിൽ ഉപയോ​ഗി​ക്കാ​തി​രി​ക്കു​ന്ന​തു​കൊ​ണ്ടോ യോഗ​ങ്ങ​ളിൽ ഉത്തരങ്ങൾ പറയാൻ അനുവ​ദി​ക്കു​ന്ന​തു​കൊ​ണ്ടോ എന്തെങ്കി​ലും പ്രയോ​ജ​ന​മു​ണ്ടാ​യി​രി​ക്കു​മോ എന്ന്‌ അവർക്കു തീരു​മാ​നി​ക്കാ​വു​ന്ന​താണ്‌.

16. ഒരു തെറ്റു​കാ​രനെ സഹായി​ക്കാൻ മൂപ്പന്മാർക്ക്‌ എന്തു ചെയ്യാ​നാ​വും?

¹⁶ തെറ്റു​കാ​രൻ പ്രതി​ക​രി​ക്കു​ന്നു​വെ​ങ്കിൽ, അയാളു​ടെ വിശ്വാ​സ​ത്തി​നു കരു​ത്തേ​കാ​നും ദൈവ​ത്തി​ന്റെ നീതി​നി​ഷ്‌ഠ​മായ നിലവാ​ര​ങ്ങ​ളോ​ടുള്ള വിലമ​തി​പ്പു വളർത്തി​യെ​ടു​ക്കാ​നു​മുള്ള ഉദ്ദേശ്യ​ത്തിൽ നീതി​ന്യാ​യ​ക്ക​മ്മി​റ്റി​യി​ലെ ഒന്നോ രണ്ടോ മൂപ്പന്മാർക്ക്‌ ഇടയസ​ന്ദർശ​നങ്ങൾ നടത്താ​വു​ന്ന​താണ്‌. ഇടയ്‌ക്കി​ട​യ്‌ക്ക്‌ അവർക്കി​രു​വർക്കും അയാ​ളോ​ടൊ​പ്പം വയൽശു​ശ്രൂ​ഷ​യിൽ പ്രവർത്തി​ക്കാ​വു​ന്ന​താണ്‌. വീക്ഷാ​ഗോ​പു​ര​ത്തി​ലെ​യും ഉണരുക!യിലെ​യും ഉചിത​മായ ലേഖനങ്ങൾ ഉപയോ​ഗി​ച്ചു​കൊണ്ട്‌, എന്നാൽ അതേസ​മയം നിരന്ത​ര​മായ ഒരു ബൈബി​ള​ധ്യ​യനം നടത്താ​തെ​തന്നെ, അവർ അയാളു​മാ​യി തിരു​വെ​ഴു​ത്തു​പ​ര​മായ ഏതാനും ചർച്ചകൾ നടത്തി​യേ​ക്കാം. അത്തരം ആർദ്ര​മായ പരിപാ​ല​ന​യി​ലൂ​ടെ, വരും​ദി​ന​ങ്ങ​ളിൽ ജഡത്തിന്റെ ബലഹീ​ന​ത​കൾക്കെ​തി​രെ ചെറു​ത്തു​നിൽക്കു​ന്ന​തി​നു തെറ്റു​കാ​രൻ ബലിഷ്‌ഠ​നാ​ക്ക​പ്പെ​ട്ടേ​ക്കാം.

17. സ്‌നാ​പ​ന​മേറ്റ ഒരു ദുഷ്‌പ്ര​വൃ​ത്തി​ക്കാ​രൻ അനുത​പിച്ച്‌ തന്റെ പാപപൂർണ​മായ ഗതി ഉപേക്ഷി​ക്കു​ന്നി​ല്ലെ​ങ്കിൽ എന്തു നടപടി​ക​ളാ​ണു സ്വീക​രി​ക്കു​ന്നത്‌?

¹⁷ തീർച്ച​യാ​യും, സമീപ​കാ​ല​ത്താ​ണു സ്‌നാ​പ​ന​മേ​റ്റ​തെന്ന സംഗതി അനുതാ​പ​മി​ല്ലാ​തെ പാപം ചെയ്‌തു​കൊ​ണ്ടി​രി​ക്കു​ന്ന​തി​നുള്ള ഒഴിക​ഴി​വല്ല. (എബ്രായർ 10:26, 27; യൂദാ 4) സ്‌നാ​പ​ന​മേറ്റ ഏതെങ്കി​ലു​മൊ​രു തെറ്റു​കാ​രൻ അനുത​പി​ക്കാ​തെ തന്റെ പാപപൂർണ ഗതിയിൽ തുടരു​ന്നെ​ങ്കിൽ, അയാൾ സഭയിൽനി​ന്നു പുറത്താ​ക്ക​പ്പെ​ടു​ന്ന​താ​യി​രി​ക്കും. (1 കൊരി​ന്ത്യർ 5:6, 11-13; 2 തെസ്സ​ലൊ​നീ​ക്യർ 2:11, 12; 2 യോഹ​ന്നാൻ 9-11) ഈ നടപടി ആവശ്യ​മാ​ണെന്നു തോന്നു​മ്പോൾ, മൂപ്പന്മാ​രു​ടെ സംഘം ഒരു നീതി​ന്യാ​യ​ക്ക​മ്മി​റ്റി ഏർപ്പെ​ടു​ത്തും. പുറത്താ​ക്കൽന​ട​പടി കൈ​ക്കൊ​ള്ളു​ന്നു​വെ​ങ്കിൽ, “. . .-നെ പുറത്താ​ക്കി​യി​രി​ക്കു​ന്നു” എന്നൊരു ഹ്രസ്വ​മായ അറിയി​പ്പു നടത്താ​വു​ന്ന​താണ്‌.e

“പക്വത​യി​ലേക്കു മുന്നേ​റാൻ” അവരെ സഹായി​ക്കു​ക

18. പുതു​താ​യി സ്‌നാ​പ​ന​മേറ്റ ക്രിസ്‌ത്യാ​നി​കൾക്കും മറ്റുള്ള​വർക്കും യഹോ​വ​യെ​യും അവന്റെ ഹിത​ത്തെ​യും കുറിച്ചു കൂടുതൽ പഠിക്കാ​നു​ണ്ടാ​യി​രി​ക്കു​മെന്നു നമുക്ക്‌ ഉറപ്പു​ണ്ടാ​യി​രി​ക്കാ​വു​ന്നത്‌ എന്തു​കൊണ്ട്‌?

¹⁸ ദൈവ​ദാ​സ​രിൽ ബഹുഭൂ​രി​പ​ക്ഷ​വും ആട്ടിൻകൂ​ട്ട​ത്തിൽത്തന്നെ നില​കൊ​ള്ളും. നമ്മുടെ സ്വർഗീയ പിതാ​വി​നെ​യും അവന്റെ ഹിത​ത്തെ​യും കുറിച്ചു നമുക്കു സദാ പഠിക്കാൻ സാധി​ക്കു​മെ​ന്ന​തു​കൊ​ണ്ടു നാമോ​രോ​രു​ത്ത​രും അവനോ​ടു പൂർവാ​ധി​കം അടുത്ത​ടു​ത്തു വരാൻ പ്രാപ്‌ത​രാ​യി​ത്തീ​രു​മെ​ന്ന​തും സന്തോ​ഷ​ക​ര​മായ ഒരു കാര്യ​മാണ്‌. (സഭാ​പ്ര​സം​ഗി 3:11; യാക്കോബ്‌ 4:8) പൊ.യു. 33-ലെ പെന്ത​ക്കോ​സ്‌തിൽ സ്‌നാ​പ​ന​മേറ്റ ആയിര​ങ്ങൾക്കു തീർച്ച​യാ​യും കൂടുതൽ കാര്യങ്ങൾ പഠി​ക്കേ​ണ്ട​തു​ണ്ടാ​യി​രു​ന്നു. (പ്രവൃ​ത്തി​കൾ 2:5, 37-41; 4:4) തിരു​വെ​ഴു​ത്തു​പ​ര​മായ പശ്ചാത്ത​ല​മി​ല്ലാ​തി​രുന്ന വിജാ​തീ​യ​രു​ടെ കാര്യ​വും അങ്ങനെ​ത​ന്നെ​യാ​യി​രു​ന്നു. ഉദാഹ​ര​ണ​ത്തിന്‌, ഏഥൻസി​ലെ അരയോ​പ​ഗ​യിൽ പൗലോസ്‌ നടത്തിയ പ്രസം​ഗ​ത്തി​നു​ശേഷം സ്‌നാ​പ​ന​മേ​റ്റ​വ​രു​ടെ കാര്യ​ത്തിൽ അതു സത്യമാ​യി​രു​ന്നു. (പ്രവൃ​ത്തി​കൾ 17:33, 34) ഇന്നും സ്‌നാ​പ​ന​മേറ്റ പുതി​യവർ കൂടുതൽ കാര്യങ്ങൾ മനസ്സി​ലാ​ക്കേ​ണ്ട​തുണ്ട്‌. മാത്ര​വു​മല്ല, ദൈവ​ദൃ​ഷ്ടി​യിൽ ശരിയാ​യതു തുടർന്നും ചെയ്യാ​നുള്ള തങ്ങളുടെ ദൃഢനി​ശ്ച​യത്തെ അരക്കി​ട്ടു​റ​പ്പി​ക്കാൻ അവർക്കു സമയവും സഹായ​വും ആവശ്യ​മാണ്‌.—ഗലാത്യർ 6:9; 2 തെസ്സ​ലൊ​നീ​ക്യർ 3:13.

19. സ്‌നാ​പ​ന​മേൽക്കു​ന്ന​വരെ “പക്വത​യി​ലേക്കു മുന്നേ​റാൻ” എങ്ങനെ സഹായി​ക്കാ​നാ​വും?

¹⁹ ഓരോ വർഷവും ആയിര​ക്ക​ണ​ക്കി​നാ​ളു​ക​ളാ​ണു സ്‌നാ​പ​ന​മേൽക്കു​ന്നത്‌, “പക്വത​യി​ലേക്കു മുന്നേ​റാൻ” അവർക്കു സഹായ​മാ​വ​ശ്യ​മാണ്‌. (എബ്രായർ 6:1-3, NW) സംസാരം, മാതൃക, ശുശ്രൂ​ഷ​യിൽ നൽകുന്ന പ്രാ​യോ​ഗിക സഹായം എന്നിവ വഴി, പുതിയ വ്യക്തി​ത്വം ധരിക്കാ​നും “സത്യത്തിൽ നടക്കാ”നും ചില​രെ​യെ​ങ്കി​ലും സഹായി​ക്കാൻ നിങ്ങൾക്കു കഴി​ഞ്ഞേ​ക്കും. (3 യോഹ​ന്നാൻ 4; കൊ​ലൊ​സ്സ്യർ 3:9, 10) നിങ്ങൾ പരിച​യ​സ​മ്പ​ന്ന​നായ ഒരു പ്രസാ​ധ​ക​നാ​ണെ​ങ്കിൽ, വയൽസേ​വ​ന​ത്തിൽ പുതി​യൊ​രു സഹവി​ശ്വാ​സി​യെ സഹായി​ക്കാ​നോ ദൈവ​ത്തി​ലുള്ള അയാളു​ടെ വിശ്വാ​സം, ക്രിസ്‌തീയ യോഗങ്ങളോ​ടുള്ള അയാളു​ടെ വിലമ​തിപ്പ്‌ എന്നിങ്ങ​നെ​യുള്ള കാര്യങ്ങൾ ബലിഷ്‌ഠ​മാ​ക്കു​ന്ന​തിന്‌ അയാളു​മൊത്ത്‌ ഏതാനും ആഴ്‌ച​ത്തേക്കു ചില തിരു​വെ​ഴു​ത്താ​ശ​യങ്ങൾ ചർച്ച​ചെ​യ്യാ​നോ മൂപ്പന്മാർ നിങ്ങ​ളോട്‌ ആവശ്യ​പ്പെ​ട്ടേ​ക്കാം. ആട്ടിൻകൂ​ട്ട​വു​മാ​യി ഇടയന്മാർക്കുള്ള ബന്ധം, ഉദ്‌ബോ​ധി​പ്പി​ക്കു​മ്പോൾ ഒരു പിതാ​വി​നും ആർദ്രത കാട്ടു​മ്പോൾ ഒരു മാതാ​വി​നും ഉള്ള ബന്ധം പോ​ലെ​യാണ്‌. (1 തെസ്സ​ലൊ​നീ​ക്യർ 2:7, 8, 11) എന്നിരു​ന്നാ​ലും, ഏതാനും മൂപ്പന്മാർക്കും ശുശ്രൂ​ഷാ​ദാ​സ​ന്മാർക്കും സഭയിൽ ആവശ്യ​മാ​യി​രി​ക്കുന്ന സകല സംഗതി​കൾക്കും ശ്രദ്ധ കൊടു​ക്കാ​നാ​വില്ല. നാമെ​ല്ലാം പരസ്‌പരം സഹായി​ക്കുന്ന അംഗങ്ങ​ളുള്ള ഒരു കുടും​ബം​പോ​ലെ​യാണ്‌. നമ്മുടെ സഹാരാ​ധ​കരെ സഹായി​ക്കുന്ന കാര്യ​ത്തിൽ നമു​ക്കോ​രോ​രു​ത്തർക്കും എന്തെങ്കി​ലും ചെയ്യാൻ സാധി​ക്കും. പ്രോ​ത്സാ​ഹനം നൽകാ​നും വിഷാ​ദ​ചി​ത്തരെ ആശ്വസി​പ്പി​ക്കാ​നും ബലഹീ​നരെ പിന്തു​ണ​യ്‌ക്കാ​നും നിങ്ങൾക്കു​തന്നെ സാധി​ച്ചേ​ക്കാം.—1 തെസ്സ​ലൊ​നീ​ക്യർ 5:14, 15.

20. ദൈവ​പ​രി​ജ്ഞാ​നം പ്രചരി​പ്പി​ക്കാ​നും യഹോ​വ​യു​ടെ മേച്ചിൽപ്പു​റത്തെ ആടുകളെ ആർദ്ര​മാ​യി പരിപാ​ലി​ക്കാ​നും നിങ്ങൾക്ക്‌ എന്തു ചെയ്യാ​നാ​വും?

²⁰ മനുഷ്യ​വർഗ​ത്തി​നു ദൈവ​പ​രി​ജ്ഞാ​നം ആവശ്യ​മാണ്‌. യഹോ​വ​യു​ടെ ഒരു സാക്ഷി​യെ​ന്ന​നി​ല​യിൽ, അതു പ്രചരി​പ്പി​ക്കു​ന്ന​തിൽ നിങ്ങൾക്ക്‌ ആഹ്ലാദ​ക​ര​മായ ഒരു പങ്കുണ്ടാ​യി​രി​ക്കാ​വു​ന്ന​താണ്‌. യഹോ​വ​യു​ടെ ആടുകൾക്ക്‌ ആർദ്ര​മായ പരിപാ​ലനം ആവശ്യ​മാണ്‌. അതു നൽകാൻ നിങ്ങൾക്കു സ്‌നേ​ഹ​നിർഭ​ര​മായ ഒരു പങ്കു വഹിക്കാ​നാ​വും. യഹോവ നിങ്ങളു​ടെ ശുശ്രൂ​ഷയെ അനു​ഗ്ര​ഹി​ക്കു​മാ​റാ​കട്ടെ. അവന്റെ മേച്ചിൽസ്ഥ​ലത്തെ ആടുകളെ സഹായി​ക്കു​ന്ന​തി​നു നിങ്ങൾ നടത്തുന്ന ആത്മാർഥ​മായ ശ്രമങ്ങൾക്ക്‌ അവൻ പ്രതി​ഫലം നൽകു​മാ​റാ​കട്ടെ.

[അടിക്കു​റി​പ്പു​കൾ]

നിങ്ങൾ എങ്ങനെ ഉത്തരം പറയും?

◻ യഹോവ തന്റെ ആടുക​ളോട്‌ ഇടപെ​ടു​ന്നത്‌ എങ്ങനെ?

◻ പുതി​യവർ പ്രസം​ഗി​ക്കാൻ ആഗ്രഹി​ക്കു​മ്പോൾ, അവർക്കാ​യി എന്തു ചെയ്യുന്നു?

◻ പ്രത്യേക ആവശ്യ​ങ്ങ​ളുള്ള പുതി​യ​വരെ സഹവി​ശ്വാ​സി​കൾക്ക്‌ എങ്ങനെ സഹായി​ക്കാ​നാ​വും?

◻ തെറ്റു ചെയ്യു​ന്നു​വെ​ങ്കി​ലും അനുത​പി​ക്കു​ന്ന​വർക്കാ​യി എന്തു സഹായ​മാ​ണു മൂപ്പന്മാർക്കു ചെയ്യാൻ സാധി​ക്കുക?

◻ “പക്വത​യി​ലേക്കു മുന്നേ​റാൻ” പുതു​താ​യി സ്‌നാ​പ​ന​മേറ്റ വ്യക്തിയെ നിങ്ങൾക്ക്‌ എങ്ങനെ സഹായി​ക്കാ​വു​ന്ന​താണ്‌?

[16-ാം പേജിലെ ചിത്രം]

ആട്ടിൻകൂട്ടത്തിന്റെ സ്‌നേ​ഹ​സ​മ്പ​ന്ന​നായ ഒരു ഇടയനാ​യി ചാൾസ്‌ റ്റി. റസ്സൽ പരക്കെ അറിയ​പ്പെ​ട്ടി​രു​ന്നു

[18-ാം പേജിലെ ചിത്രം]

അനുകമ്പയുള്ള ഇടയന്മാർ ദൈവ​ത്തി​ന്റെ ആട്ടിൻകൂ​ട്ട​ത്തോട്‌ ആർദ്ര​ത​യോ​ടെ ഇടപെ​ടു​ന്നു