സന്തോ​ഷ​ത്താൽ ആർത്തു​ഘോ​ഷി​ക്കാൻ നമുക്കു കാരണ​മുണ്ട്‌

“അവർ ആനന്ദവും സന്തോ​ഷ​വും പ്രാപി​ക്കും; ദുഃഖ​വും നെടു​വീർപ്പും ഓടി​പ്പോ​കും.”—യെശയ്യാ​വു 35:10.

1. ഇന്നു സന്തോ​ഷ​ത്തി​നു പ്രത്യേക കാരണ​മു​ള്ളത്‌ ആർക്കാണ്‌?

ഇക്കാലത്ത്‌ അധികം​പേർക്കു യഥാർഥ സന്തോഷം ഇല്ലെന്നു നിങ്ങൾ കുറി​ക്കൊ​ണ്ടി​ട്ടു​ണ്ടാ​യി​രി​ക്കാം. എന്നിരു​ന്നാ​ലും, സത്യ​ക്രി​സ്‌ത്യാ​നി​ക​ളെന്ന നിലയിൽ യഹോ​വ​യു​ടെ സാക്ഷി​കൾക്കു സന്തോ​ഷ​മുണ്ട്‌. അതേ സന്തോഷം നേടാ​നുള്ള പ്രതീക്ഷ, സാക്ഷി​ക​ളോ​ടു സഹവസി​ക്കു​ന്ന​വ​രാ​യി ഇപ്പോ​ഴും സ്‌നാ​പ​ന​മേ​റ​റി​ട്ടി​ല്ലാത്ത ചെറു​പ്പ​ക്കാ​രും പ്രായ​മു​ള്ള​വ​രു​മ​ട​ങ്ങുന്ന കൂടു​ത​ലായ ലക്ഷങ്ങളു​ടെ മുമ്പാകെ സ്ഥിതി​ചെ​യ്യു​ന്നു. ഈ മാസി​ക​യി​ലെ ഈ വാക്കുകൾ നിങ്ങൾ ഇപ്പോൾ വായി​ച്ചു​കൊ​ണ്ടി​രി​ക്കു​ന്നു​വെന്ന വസ്‌തുത ഈ സന്തോഷം ഇപ്പോൾത്തന്നെ നിങ്ങൾക്കു​ണ്ടെന്ന്‌ അല്ലെങ്കിൽ നിങ്ങളു​ടെ എത്തുപാ​ടി​ലാ​ണെന്നു സൂചി​പ്പി​ക്കു​ന്നു.

2. ഒരു ക്രിസ്‌ത്യാ​നി​യു​ടെ സന്തോഷം മിക്ക ആളുക​ളു​ടെ​യും പൊതു അവസ്ഥയിൽനി​ന്നു വ്യത്യ​സ്‌ത​മാ​യി​രി​ക്കു​ന്നത്‌ എങ്ങനെ?

² തങ്ങളുടെ ജീവി​ത​ത്തിന്‌ എന്തോ കുറവു​ണ്ടെന്നു മിക്ക ആളുക​ളും അറിയു​ന്നു. നിങ്ങളെ സംബന്ധി​ച്ചെന്ത്‌? നിങ്ങൾക്ക്‌ ഉപയോ​ഗി​ക്കാൻ കഴിയുന്ന എല്ലാ ഭൗതി​ക​സാ​മ​ഗ്രി​ക​ളും നിങ്ങൾക്കി​ല്ലാ​യി​രി​ക്കാ​മെ​ന്നതു സത്യം​തന്നെ. തീർച്ച​യാ​യും ഇന്നത്തെ ധനികർക്കും ഉന്നതസ്ഥാ​നീ​യർക്കും ഉള്ളതെ​ല്ലാം നിങ്ങൾക്കില്ല. നല്ല ആരോ​ഗ്യ​വും ഊർജ​സ്വ​ല​ത​യും കൂടു​ത​ലാ​യി ഉണ്ടായി​രി​ക്കാൻ നിങ്ങൾ ഇഷ്ടപ്പെ​ട്ടേ​ക്കാം. അപ്പോ​ഴും സന്തോ​ഷ​ത്തി​ന്റെ കാര്യ​ത്തിൽ ഭൂമി​യി​ലെ കോടി​ക​ളിൽ അധിക​പ​ങ്കി​നെ​ക്കാൾ സമ്പന്നരും ആരോ​ഗ്യ​മു​ള്ള​വ​രു​മാ​ണു നിങ്ങ​ളെന്നു സംശയ​ര​ഹി​ത​മാ​യി പറയാം. എങ്ങനെ?

3. ഏത്‌ അർഥവ​ത്തായ വാക്കുകൾ നമ്മുടെ ശ്രദ്ധ അർഹി​ക്കു​ന്നു, എന്തു​കൊണ്ട്‌?

³ യേശു​വി​ന്റെ ഈ വാക്കുകൾ ഓർമി​ക്കുക: “എന്റെ സന്തോഷം നിങ്ങളിൽ ഇരിപ്പാ​നും നിങ്ങളു​ടെ സന്തോഷം പൂർണ്ണ​മാ​കു​വാ​നും ഞാൻ ഇതു നിങ്ങ​ളോ​ടു സംസാ​രി​ച്ചി​രി​ക്കു​ന്നു.” (യോഹ​ന്നാൻ 15:11) “നിങ്ങളു​ടെ സന്തോഷം പൂർണ്ണ​മാ​കു​വാ​നും.” എന്തൊരു വർണന! ക്രിസ്‌തീ​യ​ജീ​വി​ത​രീ​തി​യു​ടെ ആഴത്തി​ലുള്ള ഒരു പഠനം നമ്മുടെ സന്തോഷം പൂർണ​മാ​കു​ന്ന​തി​നുള്ള നിരവധി കാരണങ്ങൾ വെളി​പ്പെ​ടു​ത്തും. എന്നാൽ ഇപ്പോൾത്തന്നെ, യെശയ്യാ​വു 35:10-ലെ അർഥവ​ത്തായ വാക്കുകൾ കുറി​ക്കൊ​ള്ളുക. അവയ്‌ക്ക്‌ ഇന്നു നമ്മോടു വളരെ​യ​ധി​കം ബന്ധമു​ള്ള​തു​കൊ​ണ്ടാണ്‌ അവ അർഥവ​ത്താ​യി​രി​ക്കു​ന്നത്‌. നാം ഇങ്ങനെ വായി​ക്കു​ന്നു: “അങ്ങനെ യഹോ​വ​യാൽ വീണ്ടെ​ടു​ക്ക​പ്പെ​ട്ടവർ മടങ്ങി ഉല്ലാസ​ഘോ​ഷ​ത്തോ​ടെ സീയോ​നി​ലേക്കു വരും; നിത്യാ​നന്ദം (“അനിശ്ചി​ത​കാ​ല​ത്തോ​ള​മുള്ള സന്തോ​ഷി​ക്കൽ,” NW) അവരുടെ തലമേൽ ഉണ്ടായി​രി​ക്കും; അവർ ആനന്ദവും സന്തോ​ഷ​വും പ്രാപി​ക്കും; ദുഃഖ​വും നെടു​വീർപ്പും ഓടി​പ്പോ​കും.”

4. യെശയ്യാ​വു 35:10-ൽ ഏതു തരം സന്തോ​ഷ​ത്തെ​ക്കു​റി​ച്ചു പറഞ്ഞി​രി​ക്കു​ന്നു, നാം ഇതിനു ശ്രദ്ധ കൊടു​ക്കേ​ണ്ടത്‌ എന്തു​കൊണ്ട്‌?

⁴ “അനിശ്ചി​ത​കാ​ല​ത്തോ​ള​മുള്ള സന്തോ​ഷി​ക്കൽ.” “അനിശ്ചി​ത​കാ​ല​ത്തോ​ള​മുള്ള” എന്ന പ്രയോ​ഗം യെശയ്യാവ്‌ എബ്രാ​യ​യിൽ എഴുതി​യ​തി​ന്റെ ഒരു കൃത്യ​മായ വിവർത്ത​ന​മാണ്‌. എന്നാൽ മററു തിരു​വെ​ഴു​ത്തു​ക​ളാൽ തെളി​യി​ക്ക​പ്പെ​ടുന്ന പ്രകാരം ഈ വാക്യ​ത്തി​ലെ ആശയം “എന്നേക്കും” എന്നാണ്‌. (സങ്കീർത്തനം 45:6; 90:2; യെശയ്യാ​വു 40:28) അതു​കൊണ്ട്‌ സന്തോ​ഷി​ക്കൽ അനന്തമാ​യി​രി​ക്കും, നിത്യ​സ​ന്തോ​ഷി​ക്ക​ലിന്‌ അനുവ​ദി​ക്കുന്ന—അതേ, അതിനെ നീതീ​ക​രി​ക്കുന്ന—അവസ്ഥക​ളിൽത്തന്നെ. അത്‌ ഉല്ലാസ​പ്ര​ദ​മാ​യി ധ്വനി​ക്കു​ന്നി​ല്ലേ? ഒരുപക്ഷേ, ‘എന്റെ അനുദി​ന​പ്ര​ശ്‌ന​ങ്ങ​ളും ഉത്‌ക​ണ്‌ഠ​ക​ളും എന്നെ ബാധി​ക്കു​ന്ന​ട​ത്തോ​ളം യഥാർഥ​മാ​യി അത്‌ എന്നെ ബാധി​ക്കു​ന്നില്ല’ എന്നു ചിന്തി​പ്പി​ക്ക​ത്ത​വി​ധം ഒരു സൈദ്ധാ​ന്തിക സാഹച​ര്യ​ത്തെ​ക്കു​റി​ച്ചുള്ള അഭി​പ്രാ​യം എന്നപോ​ലെ​യാ​യി​രി​ക്കാം ആ വാക്യം നിങ്ങളിൽ ധാരണ ഉളവാ​ക്കു​ന്നത്‌. എന്നാൽ വസ്‌തു​തകൾ മറിച്ചാ​ണു തെളി​യി​ക്കു​ന്നത്‌. യെശയ്യാ​വു 35:10-ലെ ആ പ്രാവ​ച​നിക വാഗ്‌ദാ​നം ഇന്നു നിങ്ങൾക്ക്‌ അർഥവത്താണ്‌. എങ്ങനെ​യെന്നു മനസ്സി​ലാ​ക്കു​ന്ന​തിന്‌, നമുക്കു സന്ദർഭ​ത്തിന്‌ അനു​യോ​ജ്യ​മാ​യി ഓരോ ഭാഗവും ശ്രദ്ധി​ച്ചു​കൊണ്ട്‌ ഈ മനോ​ഹ​ര​മായ അധ്യായം, യെശയ്യാ​വു 35, പരി​ശോ​ധി​ക്കാം. നാം മനസ്സി​ലാ​ക്കു​ന്നതു നിങ്ങൾക്ക്‌ ആസ്വാ​ദ്യ​മാ​യി​രി​ക്കു​മെന്ന്‌ ഉറപ്പു​ണ്ടാ​യി​രി​ക്കുക.

സന്തോ​ഷി​ക്കേ​ണ്ടി​യി​രുന്ന ജനം

5. യെശയ്യാ​വു 35-ാം അധ്യായം ഏതു പ്രാവ​ച​നിക പശ്ചാത്ത​ല​ത്തിൽ കാണ​പ്പെ​ടു​ന്നു?

⁵ ഒരു സഹായ​മെന്ന നിലയിൽ, ഈ വശ്യമായ പ്രവച​ന​ത്തി​ന്റെ പശ്ചാത്തലം, ചരി​ത്ര​പ​ര​മായ രംഗവി​ധാ​നം, നമുക്കു നോക്കാം. എബ്രായ പ്രവാ​ച​ക​നായ യെശയ്യാവ്‌ പൊ.യു.മു. (പൊതു​യു​ഗ​ത്തി​നു മുമ്പ്‌) 732-നോട്‌ അടുത്താണ്‌ അത്‌ എഴുതി​യത്‌. അതു ബാബി​ലോ​ന്യ​സൈ​ന്യം യെരു​ശ​ലേ​മി​നെ നശിപ്പി​ച്ച​തി​നു ദശാബ്ദ​ങ്ങൾക്കു മുമ്പാ​യി​രു​ന്നു. യെശയ്യാ​വു 34:1, 2 സൂചി​പ്പി​ക്കു​ന്ന​തു​പോ​ലെ, യെശയ്യാ​വു 34:6-ൽ പറഞ്ഞി​രി​ക്കുന്ന ഏദോം പോലുള്ള ജനതക​ളു​ടെ​മേൽ താൻ പ്രതി​കാ​രം ചൊരി​യാൻ പോക​യാ​ണെന്നു ദൈവം മുൻകൂ​ട്ടി പറഞ്ഞി​രു​ന്നു. തെളി​വ​നു​സ​രിച്ച്‌, അതു ചെയ്യു​ന്ന​തിന്‌ അവൻ പുരാതന ബാബി​ലോ​ന്യ​രെ ഉപയോ​ഗി​ച്ചു. സമാന​മാ​യി, യഹൂദൻമാർ അവിശ്വ​സ്‌ത​രാ​യി​രു​ന്ന​തു​കൊ​ണ്ടു യഹൂദയെ ശൂന്യ​മാ​ക്കാൻ ദൈവം ബാബി​ലോ​ന്യ​രെ ഉപയോ​ഗി​ച്ചു. ഫലമെ​ന്താ​യി​രു​ന്നു? ദൈവ​ത്തി​ന്റെ ജനം അടിമ​ത്ത​ത്തി​ലേക്കു കൊണ്ടു​പോ​ക​പ്പെട്ടു, അവരുടെ സ്വദേശം 70 വർഷം ശൂന്യ​മാ​യി കിടന്നു.—2 ദിനവൃ​ത്താ​ന്തം 36:15-21.

6. ഏദോ​മ്യ​രു​ടെ​മേൽ വരാനി​രു​ന്ന​തും യഹൂദ​രു​ടെ​മേൽ വരാനി​രു​ന്ന​തും തമ്മിൽ എന്തു വൈപ​രീ​ത്യ​മുണ്ട്‌?

⁶ എന്നിരു​ന്നാ​ലും, ഏദോ​മ്യ​രും യഹൂദ​രും തമ്മിൽ ഗണ്യമായ ഒരു വ്യത്യാ​സ​മുണ്ട്‌. ഏദോ​മ്യ​രു​ടെ​മേ​ലുള്ള ദിവ്യ പ്രതി​ക്രിയ അനന്തമാ​യി​രു​ന്നു; കാല​ക്ര​മ​ത്തിൽ അവർ ഒരു ജനമെന്ന നിലയിൽ തിരോ​ധാ​നം ചെയ്‌തു. അതേ, ലോക​പ്ര​സിദ്ധ പെട്രാ​യു​ടെ അവശി​ഷ്ട​ങ്ങൾപോ​ലെ ഏദോ​മ്യർ വസിച്ചി​രു​ന്ന​ടത്തെ ശൂന്യ​ശി​ഷ്ടങ്ങൾ നിങ്ങൾക്ക്‌ ഇപ്പോ​ഴും സന്ദർശി​ക്കാൻ കഴിയും. ‘ഏദോ​മ്യർ’ എന്നു തിരി​ച്ച​റി​യാൻ കഴിയുന്ന ജനതയോ ജനമോ ഇന്നില്ല. മറിച്ച്‌, യഹൂദ​യു​ടെ ബാബി​ലോ​ന്യ​ശൂ​ന്യ​മാ​ക്കൽ ദേശത്തെ നിത്യം സന്തോ​ഷ​ര​ഹി​ത​മാ​യി വിട്ടു​കൊണ്ട്‌ എന്നേക്കു​മു​ള്ള​താ​യി​രി​ക്ക​ണ​മാ​യിരു​ന്നോ?

7. ബാബി​ലോ​നിൽ ബന്ദിക​ളാ​യി​രുന്ന യഹൂദൻമാർ യെശയ്യാ​വു 35-ാം അധ്യാ​യ​ത്തോട്‌ എങ്ങനെ പ്രതി​ക​രി​ച്ചി​രി​ക്കാം?

⁷ യെശയ്യാ​വു 35-ാം അധ്യാ​യ​ത്തി​ലെ കൗതു​ക​ക​ര​മായ പ്രവച​ന​ത്തിന്‌ ഇവിടെ പ്രചോ​ദ​നാ​ത്മ​ക​മായ അർഥമുണ്ട്‌. അതിനെ ഒരു പുനഃ​സ്ഥാ​പന പ്രവചനം എന്നു വിളി​ക്കാ​വു​ന്ന​താണ്‌, എന്തെന്നാൽ അതിനു യഹൂദൻമാർ തങ്ങളുടെ സ്വദേ​ശ​ത്തേക്കു പൊ.യു.മു. 537-ൽ മടങ്ങി​പ്പോ​യ​പ്പോൾ ഒന്നാമത്തെ നിവൃത്തി ഉണ്ടായി. ബാബി​ലോ​നിൽ ബന്ദിക​ളാ​യി​രുന്ന ഇസ്രാ​യേ​ല്യർക്കു സ്വദേ​ശ​ത്തേക്കു മടങ്ങി​പ്പോ​കാൻ സ്വാത​ന്ത്ര്യം കൊടു​ക്ക​പ്പെട്ടു. (എസ്രാ 1:1-11) എന്നിരു​ന്നാ​ലും, അതു സംഭവി​ക്കു​ന്ന​തു​വരെ ഈ ദിവ്യ പ്രവച​ന​ത്തെ​ക്കു​റി​ച്ചു പരിചി​ന്തിച്ച, ബാബി​ലോ​നിൽ ബന്ദിക​ളാ​യി​രുന്ന യഹൂദൻമാർ തങ്ങളുടെ ദേശീ​യ​സ്വ​ദേ​ശ​മായ യഹൂദ​യിൽ തിരി​ച്ചെ​ത്തു​മ്പോൾ ഏതുതരം അവസ്ഥകൾ തങ്ങൾ കണ്ടെത്തു​മെന്നു സംശയി​ച്ചി​രി​ക്കണം. അവർതന്നെ ഏതവസ്ഥ​യി​ലാ​യി​രി​ക്കും? ഉത്തരങ്ങൾക്കു നമുക്കു സന്തോ​ഷ​ത്താൽ ആർത്തു​ഘോ​ഷി​ക്കു​ന്ന​തി​നു വാസ്‌ത​വ​മാ​യി കാരണ​മു​ള്ളത്‌ എന്തു​കൊ​ണ്ടെ​ന്നു​ള്ള​തി​നോ​ടു നേരിട്ടു ബന്ധമുണ്ട്‌. നമുക്കു കാണാം.

8. ബാബി​ലോ​നിൽനി​ന്നു മടങ്ങി​ച്ചെ​ല്ലു​മ്പോൾ യഹൂദൻമാർ ഏതു സ്ഥിതി​വി​ശേ​ഷങ്ങൾ കണ്ടെത്തും? (താരത​മ്യ​പ്പെ​ടു​ത്തുക: യെഹെ​സ്‌കേൽ 19:3-6; ഹോശേയ 13:8.)

⁸ തങ്ങൾക്കു സ്വദേ​ശ​ത്തേക്കു മടങ്ങി​പ്പോ​കാൻ കഴിയു​മെന്നു കേട്ട​പ്പോൾപോ​ലും യഹൂദൻമാർക്കു സ്ഥിതി​വി​ശേഷം തീർച്ച​യാ​യും ആശാവ​ഹ​മാ​യി തോന്നുമാ​യി​രു​ന്നില്ല. അവരുടെ ദേശം ഏഴു പതിറ​റാ​ണ്ടു​കൾ, ഒരു ആയുഷ്‌കാ​ലം മുഴുവൻ, ശൂന്യ​മാ​യി കിടന്നി​രു​ന്നു. ആ ദേശത്തിന്‌ എന്തു സംഭവി​ച്ചി​രു​ന്നു? കൃഷി ചെയ്‌തി​രുന്ന ഏതു വയലു​ക​ളും മുന്തി​രി​ത്തോ​ട്ട​ങ്ങ​ളും അല്ലെങ്കിൽ പഴത്തോ​പ്പു​ക​ളും നിർജ​ന​പ്ര​ദേ​ശ​മാ​യി​ത്തീർന്നി​രി​ക്കും. ജലസേ​ചനം ചെയ്‌തി​രുന്ന തോട്ടങ്ങൾ അല്ലെങ്കിൽ ഭൂഭാ​ഗങ്ങൾ വരണ്ട പാഴ്‌നി​ല​മോ മരുഭൂ​മി​യോ ആയി അധഃപ​തി​ച്ചി​രി​ക്കും. (യെശയ്യാ​വു 24:1, 4; 33:9; യെഹെ​സ്‌കേൽ 6:14) ധാരാ​ള​മാ​യുള്ള വന്യമൃ​ഗ​ങ്ങ​ളെ​ക്കു​റി​ച്ചും ചിന്തി​ക്കുക. ഇവയിൽ സിംഹ​വും പുള്ളി​പ്പു​ലി​ക​ളും​പോ​ലെ​യുള്ള മാംസ​ഭു​ക്കു​ക​ളും ഉൾപ്പെ​ടു​മാ​യി​രു​ന്നു. (1 രാജാ​ക്കൻമാർ 13:24-28; 2 രാജാ​ക്കൻമാർ 17:25, 26; ഉത്തമഗീ​തം 4:8) പുരു​ഷ​നെ​യോ സ്‌ത്രീ​യെ​യോ കുട്ടി​യെ​യോ അടിച്ചു​വീ​ഴി​ക്കാൻ പ്രാപ്‌തി​യുള്ള കരടി​ക​ളെ​യും അവർക്ക്‌ അവഗണി​ക്കാൻ കഴിയു​മാ​യി​രു​ന്നില്ല. (1 ശമൂവേൽ 17:34-37; 2 രാജാ​ക്കൻമാർ 2:24; സദൃശ​വാ​ക്യ​ങ്ങൾ 17:12) അണലി​ക​ളെ​യോ മററു വിഷപ്പാ​മ്പു​ക​ളെ​യോ തേളു​ക​ളെ​യോ കുറിച്ചു പറയു​കയേ വേണ്ട. (ഉല്‌പത്തി 49:17; ആവർത്ത​ന​പു​സ്‌തകം 32:33; ഇയ്യോബ്‌ 20:16; സങ്കീർത്തനം 58:4; 140:3; ലൂക്കൊസ്‌ 10:19) നിങ്ങൾ പൊ.യു.മു. 537-ൽ ബാബി​ലോ​നിൽനി​ന്നു മടങ്ങി​പ്പോ​കുന്ന യഹൂദൻമാ​രോ​ടൊ​പ്പ​മു​ണ്ടാ​യി​രു​ന്നെ​ങ്കിൽ അത്തര​മൊ​രു പ്രദേ​ശ​ത്തു​കൂ​ടെ നടക്കാൻ നിങ്ങൾ ഒരുപക്ഷേ വിമു​ഖ​രാ​യി​രി​ക്കു​മാ​യി​രു​ന്നു. അവർ വന്നെത്തി​യ​പ്പോൾ അതു പറുദീസ ആയിരു​ന്നില്ല.

9. മടങ്ങി​പ്പോ​കു​ന്ന​വർക്ക്‌ ഏതു കാരണ​ത്താൽ പ്രത്യാ​ശ​ക്കും വിശ്വാ​സ​ത്തി​നും ഒരു അടിസ്ഥാ​നം ഉണ്ടായി​രു​ന്നു?

⁹ എന്നിട്ടും, യഹോ​വ​തന്നെ തന്റെ ആരാധ​കരെ സ്വദേ​ശ​ത്തേക്കു നയിച്ചി​രു​ന്നു. ഒരു ശൂന്യാ​വ​സ്ഥ​യ്‌ക്കു മാററം​വ​രു​ത്താ​നുള്ള കഴിവ്‌ അവനുണ്ട്‌. നിങ്ങൾ സ്രഷ്ടാ​വി​നെ​ക്കു​റിച്ച്‌ അതു വിശ്വ​സി​ക്കു​ന്നി​ല്ലേ? (ഇയ്യോബ്‌ 42:2; യിരെ​മ്യാ​വു 32:17, 21, 27, 37, 41) അതു​കൊണ്ട്‌ മടങ്ങി​പ്പോ​കുന്ന യഹൂദൻമാർക്കും അവരുടെ ദേശത്തി​നും​വേണ്ടി അവൻ എന്തു ചെയ്യു​മാ​യി​രു​ന്നു—എന്തു ചെയ്‌തു? ആധുനിക കാലങ്ങ​ളി​ലെ ദൈവ​ജ​ന​ത്തിൻമേ​ലും, ഇപ്പോ​ഴും ഭാവി​യി​ലും, നിങ്ങളു​ടെ സാഹച​ര്യ​ത്തിൻമേ​ലും ഇതിന്‌ എന്തു ഫലമുണ്ട്‌? ആദ്യമാ​യി അന്ന്‌ എന്തു സംഭവി​ച്ചു​വെന്നു നമുക്കു നോക്കാം.

മാററം​ഭ​വിച്ച ഒരു സാഹച​ര്യ​ത്തിൽ സന്തുഷ്ടർ

10. യെശയ്യാ​വു 35:1, 2 ഏതു മാററം മുൻകൂ​ട്ടി​പ്പ​റഞ്ഞു?

¹⁰ ആ ഘോര​മായ ദേശ​ത്തേക്കു മടങ്ങി​പ്പോ​കാൻ കോ​രേശ്‌ യഹൂദൻമാ​രെ അനുവ​ദി​ച്ച​പ്പോൾ എന്തു സംഭവി​ക്കു​മാ​യി​രു​ന്നു? യെശയ്യാ​വു 35:1, 2-ലെ പുളക​പ്ര​ദ​മായ പ്രവചനം വായി​ക്കുക: “മരുഭൂ​മി​യും വരണ്ട നിലവും ആനന്ദി​ക്കും; നിർജ്ജ​ന​പ്ര​ദേശം ഉല്ലസിച്ചു പനിനീർപു​ഷ്‌പം പോലെ പൂക്കും. അതു മനോ​ഹ​ര​മാ​യി പൂത്തു ഉല്ലാസ​ത്തോ​ടും ഘോഷ​ത്തോ​ടും കൂടെ ഉല്ലസി​ക്കും; ലെബാ​നോ​ന്റെ മഹത്വ​വും കർമ്മേ​ലി​ന്റെ​യും ശാരോ​ന്റെ​യും ശോഭ​യും അതിന്നു കൊടു​ക്ക​പ്പെ​ടും; അവർ യഹോ​വ​യു​ടെ മഹത്വ​വും നമ്മുടെ ദൈവ​ത്തി​ന്റെ തേജസ്സും കാണും.”

11. ദേശ​ത്തെ​ക്കു​റി​ച്ചുള്ള ഏതറിവു യെശയ്യാവ്‌ ഉപയോ​ഗി​ച്ചു?

¹¹ ബൈബിൾകാ​ല​ങ്ങ​ളിൽ, ലെബാ​നോ​നും കർമേ​ലും ശാരോ​നും അവയുടെ ഹരിത​ഭം​ഗി​ക്കു പ്രസി​ദ്ധ​മാ​യി​രു​ന്നു. (1 ദിനവൃ​ത്താ​ന്തം 5:16; 27:29; 2 ദിനവൃ​ത്താ​ന്തം 26:10; ഉത്തമഗീ​തം 2:1; 4:15; ഹോശേയ 14:5-7) ദൈവ​സ​ഹാ​യ​ത്താൽ രൂപാ​ന്ത​രം​ഭ​വി​ക്കുന്ന ദേശം എങ്ങനെ​യാ​യി​രി​ക്കു​മെന്നു വർണി​ക്കാൻ യെശയ്യാവ്‌ ആ ദൃഷ്ടാ​ന്തങ്ങൾ ഉപയോ​ഗി​ച്ചു. എന്നാൽ അതു കേവലം മണ്ണിൻമേ​ലുള്ള ഒരു ഫലം ആയിരി​ക്കേ​ണ്ടി​യി​രു​ന്നോ? തീർച്ച​യാ​യും അല്ല!

12. യെശയ്യാ​വു 35-ാം അധ്യാ​യ​ത്തി​ലെ പ്രവചനം ആളുക​ളിൽ കേന്ദ്രീ​ക​രി​ക്കു​ന്നു​വെന്നു നമുക്കു പറയാൻ കഴിയു​ന്നത്‌ എന്തു​കൊണ്ട്‌?

¹² ദേശം “ഉല്ലാസ​ത്തോ​ടും ഘോഷ​ത്തോ​ടും​കൂ​ടെ ഉല്ലസിക്കു”ന്നതി​നെ​ക്കു​റി​ച്ചു യെശയ്യാ​വു 35:2 പറയുന്നു. മണ്ണും സസ്യങ്ങ​ളും അക്ഷരീ​യ​മാ​യി ‘ഉല്ലാസ​ത്തോ​ടെ ഉല്ലസിക്കു’ന്നില്ലാ​യി​രു​ന്നു​വെന്നു നമുക്ക​റി​യാം. അതേസ​മയം, ഫലഭൂ​യി​ഷ്‌ഠ​വും ഉത്‌പാ​ദ​ന​ക്ഷ​മ​വു​മാ​യി​ത്തീ​രാ​നുള്ള അവയുടെ രൂപാ​ന്ത​ര​ത്തിന്‌ ആളുകളെ ആ വിധത്തിൽ തോന്നി​ക്കാ​നാ​വും. (ലേവ്യ​പു​സ്‌തകം 23:37-40; ആവർത്ത​ന​പു​സ്‌തകം 16:15; സങ്കീർത്തനം 126:5, 6; യെശയ്യാ​വു 16:10; യിരെ​മ്യാ​വു 25:30; 48:33) ദേശത്തു​തന്നെ നടക്കുന്ന അക്ഷരീയ മാററങ്ങൾ ആളുക​ളി​ലെ മാററ​ങ്ങ​ളോ​ടൊ​ക്കും, കാരണം ഈ പ്രവച​ന​ത്തിൽ മുഖ്യ​മാ​യി​ട്ടു​ള്ളത്‌ ആളുക​ളാണ്‌. അതു​കൊണ്ട്‌ തിരി​ച്ചു​പോ​കുന്ന യഹൂദൻമാ​രി​ലെ മാററ​ങ്ങൾക്ക്‌, വിശേ​ഷാൽ അവരുടെ സന്തോ​ഷ​ത്തി​നാ​ണു യെശയ്യാ​വി​ന്റെ വാക്കുകൾ മുഖ്യ ശ്രദ്ധ കൊടു​ക്കു​ന്ന​തെന്നു മനസ്സി​ലാ​ക്കാൻ നമുക്കു ന്യായ​മുണ്ട്‌.

13, 14. ആളുക​ളി​ലെ ഏതു മാററം യെശയ്യാ​വു 35:3, 4 മുൻകൂ​ട്ടി​പ്പ​റഞ്ഞു?

¹³ അതിൻപ്ര​കാ​രം, ബാബി​ലോ​നിൽനി​ന്നുള്ള യഹൂദൻമാ​രു​ടെ വിമോ​ച​ന​ത്തി​നും മടങ്ങി​വ​ര​വി​നും ശേഷം ഈ പ്രോ​ത്സാ​ഹ​ജ​ന​ക​മായ പ്രവച​ന​ത്തിന്‌ എങ്ങനെ നിവൃത്തി ഉണ്ടായി എന്നു കാണാൻ നമുക്ക്‌ അതു കൂടു​ത​ലാ​യി പരി​ശോ​ധി​ക്കാം. മടങ്ങി​വ​ന്ന​വ​രി​ലെ മററു മാററ​ങ്ങ​ളെ​ക്കു​റി​ച്ചു 3-ഉം 4-ഉം വാക്യ​ങ്ങ​ളിൽ യെശയ്യാ​വു സംസാ​രി​ക്കു​ന്നു: “തളർന്ന കൈകളെ ബലപ്പെ​ടു​ത്തു​വിൻ; കുഴഞ്ഞ മുഴങ്കാ​ലു​കളെ ഉറപ്പി​പ്പിൻ. മനോ​ഭീ​തി​യു​ള്ള​വ​രോ​ടു: ധൈര്യ​പ്പെ​ടു​വിൻ, ഭയപ്പെ​ടേണ്ടാ; ഇതാ നിങ്ങളു​ടെ ദൈവം! പ്രതി​കാ​ര​വും ദൈവ​ത്തി​ന്റെ പ്രതി​ഫ​ല​വും വരുന്നു! അവൻ വന്നു നിങ്ങളെ രക്ഷിക്കും എന്നു പറവിൻ.”

¹⁴ ദേശത്തി​ന്റെ ശൂന്യാ​വ​സ്ഥക്കു മാററം​വ​രു​ത്താൻ കഴിവുള്ള നമ്മുടെ ദൈവം തന്റെ ആരാധ​ക​രിൽ വളരെ തത്‌പ​ര​നാ​ണെന്നു ചിന്തി​ക്കു​ന്നതു ശക്തി പകരു​ന്ന​തല്ലേ? ബന്ദിക​ളായ യഹൂദൻമാർ ദുർബ​ല​രോ നിരു​ത്സാ​ഹി​ത​രോ ഭാവി​യെ​ക്കു​റിച്ച്‌ ഉത്‌ക​ണ്‌ഠാ​കു​ല​രോ ആയിരി​ക്കാൻ അവൻ ആഗ്രഹി​ച്ചില്ല. (എബ്രായർ 12:12) ആ യഹൂദ​ബ​ന്ദി​ക​ളു​ടെ അവസ്ഥ​യെ​ക്കു​റി​ച്ചു ചിന്തി​ക്കുക. തങ്ങളുടെ ഭാവി​യെ​ക്കു​റി​ച്ചുള്ള ദൈവ​ത്തി​ന്റെ പ്രവച​ന​ങ്ങ​ളിൽനിന്ന്‌ അവർക്കു സ്വീക​രി​ക്കാൻ കഴിയുന്ന പ്രത്യാ​ശക്കു പുറമേ, ശുഭാ​പ്‌തി​വി​ശ്വാ​സ​മു​ണ്ടാ​യിരി​ക്കുക അവരെ​സം​ബ​ന്ധി​ച്ചു പ്രയാ​സ​മാ​യി​രി​ക്കു​മാ​യി​രു​ന്നു. അത്‌ അവർ സഞ്ചരി​ക്കാ​നും യഹോ​വയെ സേവി​ക്കു​ന്ന​തിൽ സജീവ​രാ​യി​രി​ക്കാ​നും സ്വാത​ന്ത്ര്യ​മി​ല്ലാ​തെ ഇരുണ്ട ഒരു കുണ്ടറ​യി​ലാ​യി​രി​ക്കു​ന്ന​തു​പോ​ലെ​യാ​യി​രു​ന്നു. തീർച്ച​യാ​യും മുമ്പിൽ പ്രകാ​ശ​മി​ല്ലാ​ത്ത​തു​പോ​ലെ അവർക്കു തോന്നി​യി​രി​ക്കണം.—ആവർത്ത​ന​പു​സ്‌തകം 28:29-ഉം യെശയ്യാ​വു 59:10-ഉം താരത​മ്യം ചെയ്യുക.

15, 16. (എ) യഹോവ മടങ്ങി​പ്പോ​യ​വർക്കു​വേണ്ടി എന്തു ചെയ്‌തു​വെന്നു നമുക്കു നിഗമനം ചെയ്യാ​നാ​വും? (ബി) മടങ്ങി​പ്പോ​യവർ അത്ഭുത​ക​ര​മായ ശാരീ​രി​ക​സൗ​ഖ്യ​മാ​ക്കൽ പ്രതീ​ക്ഷി​ച്ചി​രി​ക്കു​ക​യി​ല്ലാ​ത്തത്‌ എന്തു​കൊണ്ട്‌, എന്നാൽ യെശയ്യാ​വു 35:5, 6-നു ചേർച്ച​യിൽ ദൈവം എന്തു ചെയ്‌തു?

¹⁵ സ്വദേ​ശ​ത്തേക്കു മടങ്ങു​ന്ന​തി​നു സൈറസ്‌ അവരെ വിട്ടയ​യ്‌ക്കാൻ യഹോവ ഇടയാ​ക്കി​യ​പ്പോൾ അതിന്‌ എങ്ങനെ മാററം​വന്നു! അവിടെ മടങ്ങിവന്ന യഹൂദൻമാ​രു​ടെ കുരു​ട്ടു​ക​ണ്ണു​കളെ ദൈവം അത്ഭുത​ക​ര​മാ​യി തുറന്ന​താ​യോ ഏതെങ്കി​ലും ബധിര​രു​ടെ ചെവി തുറന്ന​താ​യോ ഏതെങ്കി​ലും മുടന്തരെ അല്ലെങ്കിൽ അംഗ​വൈ​ക​ല്യ​മു​ള്ള​വരെ സുഖ​പ്പെ​ടു​ത്തി​യ​താ​യോ ബൈബിൾപ​ര​മായ തെളി​വില്ല. എന്നിരു​ന്നാ​ലും, അവൻ യഥാർഥ​ത്തിൽ വളരെ മഹത്തര​മായ ചിലതു ചെയ്‌തു. അവൻ അവരുടെ പ്രിയ​പ്പെട്ട ദേശത്തി​ന്റെ വെളി​ച്ച​ത്തി​ലേ​ക്കും സ്വാത​ന്ത്ര്യ​ത്തി​ലേ​ക്കും അവരെ പുനഃ​സ്ഥി​തീ​ക​രി​ച്ചു.

¹⁶ യഹോവ അങ്ങനെ​യുള്ള അത്ഭുത​ക​ര​മായ ശാരീ​രി​ക​സൗ​ഖ്യ​മാ​ക്ക​ലു​കൾ നിർവ​ഹി​ക്കാൻ മടങ്ങി​വ​ന്നവർ പ്രതീ​ക്ഷി​ച്ചു​വെ​ന്ന​തി​നു സൂചന​യില്ല. ഇസ്‌ഹാ​ക്കി​നോ ശിം​ശോ​നോ ഏലി​ക്കോ​വേണ്ടി ദൈവം അങ്ങനെ ചെയ്‌തി​രു​ന്നി​ല്ലെന്ന്‌ അവർ തിരി​ച്ച​റി​ഞ്ഞി​രി​ക്കണം. (ഉല്‌പത്തി 27:1; ന്യായാ​ധി​പൻമാർ 16:21, 26-30; 1 ശമൂവേൽ 3:2-8; 4:15) എന്നാൽ അവർ ആലങ്കാ​രി​ക​മാ​യി തങ്ങളുടെ അവസ്ഥയു​ടെ ഒരു ദിവ്യ​മാ​ററം പ്രതീ​ക്ഷി​ച്ചെ​ങ്കിൽ അവർ നിരാ​ശി​ത​രാ​യില്ല. തീർച്ച​യാ​യും ഒരു ആലങ്കാ​രി​ക​മായ അർഥത്തിൽ 5-ഉം 6-ഉം വാക്യ​ങ്ങൾക്കു യഥാർഥ നിവൃത്തി ഉണ്ടായി. യെശയ്യാ​വു കൃത്യ​മാ​യി ഇങ്ങനെ മുൻകൂ​ട്ടി​പ്പ​റഞ്ഞു: “അന്നു കുരു​ടൻമാ​രു​ടെ കണ്ണു തുറന്നു​വ​രും; ചെകി​ടൻമാ​രു​ടെ ചെവി അടഞ്ഞി​രി​ക്ക​യു​മില്ല. അന്നു മുടന്തൻ മാനി​നെ​പ്പോ​ലെ ചാടും; ഊമന്റെ നാവും ഉല്ലസി​ച്ചു​ഘോ​ഷി​ക്കും.”

ദേശം ഒരു പറുദീ​സ​പോ​ലെ ആക്കുന്നു

17. തെളി​വ​നു​സ​രിച്ച്‌ ഏതു ഭൗതി​ക​മാ​റ​റങ്ങൾ യഹോവ കൈവ​രു​ത്തി?

¹⁷ യെശയ്യാ​വു തുടർന്നു​വർണി​ക്കു​ന്ന​തു​പോ​ലെ​യുള്ള അവസ്ഥകളെ പ്രതി ഉല്ലസി​ച്ചു​ഘോ​ഷി​ക്കു​ന്ന​തി​നു മടങ്ങി​പ്പോയ അവർക്കു തീർച്ച​യാ​യും കാരണ​മു​ണ്ടാ​യി​രി​ക്കു​മാ​യി​രു​ന്നു: “മരുഭൂ​മി​യിൽ വെള്ളവും നിർജ്ജ​ന​പ്ര​ദേ​ശത്തു തോടു​ക​ളും പൊട്ടി പുറ​പ്പെ​ടും. മരീചിക ഒരു പൊയ്‌ക​യാ​യും വരണ്ടനി​ലം നീരു​റ​വു​ക​ളാ​യും തീരും; കുറു​ക്കൻമാ​രു​ടെ പാർപ്പി​ടത്തു, അവ കിടന്ന സ്ഥലത്തു​തന്നെ, പുല്ലും ഓടയും ഞാങ്ങണ​യും വളരും.” (യെശയ്യാ​വു 35:6ബി, 7) ഇന്ന്‌ ആ മുഴു​പ്ര​ദേ​ശ​ത്തും നാം അതു കാണാ​തി​രു​ന്നേ​ക്കാ​മെ​ങ്കി​ലും, ഒരിക്കൽ യഹൂദ ആയിരുന്ന പ്രദേശം ഒരു “മേച്ചിൽപ​റു​ദീ​സാ” ആയിരു​ന്നു​വെന്നു തെളിവു സൂചി​പ്പി​ക്കു​ന്നു.”a

18. മടങ്ങി​പ്പോയ യഹൂദൻമാർ ദൈവ​ത്തി​ന്റെ അനു​ഗ്ര​ഹ​ങ്ങ​ളോട്‌ എങ്ങനെ പ്രതി​ക​രി​ച്ചി​രി​ക്കാ​നി​ട​യുണ്ട്‌?

¹⁸ സന്തോ​ഷ​ത്തി​നുള്ള കാരണ​ങ്ങൾസം​ബ​ന്ധി​ച്ചാ​ണെ​ങ്കിൽ, വാഗ്‌ദ​ത്ത​ദേ​ശത്തു പുനര​ധി​വ​സി​പ്പി​ക്ക​പ്പെട്ടു കഴിഞ്ഞ​പ്പോൾ യഹൂദ​ശേ​ഷി​പ്പിന്‌ എങ്ങനെ തോന്നി​യി​രി​ക്കണം എന്നു ചിന്തി​ക്കുക! കുറു​ക്കൻമാ​രും അത്തരം മററു ജന്തുക്ക​ളും വസിച്ചി​രുന്ന പാഴ്‌നി​ലം ഏറെറ​ടു​ത്തു രൂപാ​ന്ത​ര​പ്പെ​ടു​ത്താ​നുള്ള അവസരം അവർക്കു​ണ്ടാ​യി​രു​ന്നു. അത്തരം പുനഃ​സ്ഥാ​പ​ന​വേല ചെയ്യു​ന്ന​തിൽ നിങ്ങൾ സന്തോഷം കണ്ടെത്തു​മാ​യി​രു​ന്നി​ല്ലേ, വിശേ​ഷാൽ നിങ്ങളു​ടെ വേലയെ ദൈവം അനു​ഗ്ര​ഹി​ക്കു​ന്നു​ണ്ടെന്നു നിങ്ങൾ അറിഞ്ഞി​രു​ന്നെ​ങ്കിൽ?

19. ബാബി​ലോ​ന്യ അടിമ​ത്ത​ത്തിൽനി​ന്നുള്ള മടങ്ങി​പ്പോക്ക്‌ ഏതർഥ​ത്തിൽ സോപാ​ധി​ക​മാ​യി​രു​ന്നു?

¹⁹ എന്നിരു​ന്നാ​ലും, ബാബി​ലോ​നി​ലെ എല്ലാ യഹൂദ​ബ​ന്ദി​കൾക്കും ആ സന്തോ​ഷ​ക​ര​മായ രൂപാ​ന്ത​ര​വേ​ല​യിൽ പങ്കെടു​ക്കു​ന്ന​തി​നു തിരി​ച്ചു​പോ​കാൻ കഴിഞ്ഞു​വെ​ന്നോ തിരി​ച്ചു​പോ​യെ​ന്നോ അല്ല. ദൈവം വ്യവസ്ഥകൾ വെച്ചു. പുറജാ​തീയ ബാബി​ലോ​ന്യ മതാചാ​ര​ങ്ങ​ളാൽ മലിന​രായ ആർക്കും തിരി​ച്ചു​പോ​കാ​നുള്ള അവകാ​ശ​മി​ല്ലാ​യി​രു​ന്നു. (ദാനീ​യേൽ 5:1, 4, 22, 23; യെശയ്യാ​വു 52:11) ഒരു ബുദ്ധി​ശൂ​ന്യ​മായ ഗതിക്കു വിമൂ​ഢ​മാ​യി അർപ്പി​ത​നായ ആർക്കും മടങ്ങി​പ്പോ​കാൻ കഴിയു​മാ​യി​രു​ന്നില്ല. അങ്ങനെ​യുള്ള ആളുക​ളെ​ല്ലാം അയോ​ഗ്യ​രാ​യി. മറിച്ച്‌, ദൈവ​ത്തി​ന്റെ നിലവാ​ര​ങ്ങ​ളി​ലെ​ത്തി​ച്ചേർന്ന​വർക്ക്‌, ആപേക്ഷി​ക​മായ ഒരു അർഥത്തിൽ വിശു​ദ്ധ​രാ​യി​രി​ക്കു​ന്ന​താ​യി അവൻ വീക്ഷി​ച്ച​വർക്ക്‌, യഹൂദ​യി​ലേക്കു തിരി​ച്ചു​പോ​കാൻ കഴിയു​മാ​യി​രു​ന്നു. ഒരു വിശുദ്ധ വഴിയി​ലൂ​ടെ എന്നപോ​ലെ അവർക്കു സഞ്ചരി​ക്കാൻ കഴിയു​മാ​യി​രു​ന്നു. 8-ാം വാക്യ​ത്തിൽ യെശയ്യാവ്‌ അതു വ്യക്തമാ​ക്കി. “അവിടെ ഒരു പെരു​വ​ഴി​യും പാതയും ഉണ്ടാകും; അതിന്നു വിശു​ദ്ധ​വഴി എന്നു പേരാ​കും; ഒരു അശുദ്ധ​നും അതിൽകൂ​ടി കടന്നു​പോ​ക​യില്ല. അവൻ അവരോ​ടു​കൂ​ടെ ഇരിക്കും; വഴി​പോ​ക്കർ, ഭോഷൻമാർ പോലും, വഴി​തെ​റ​റി​പ്പോ​ക​യില്ല.”

20. മടങ്ങി​പ്പോ​കവേ യഹൂദൻമാർ എന്തു ഭയപ്പെ​ടേ​ണ്ട​തി​ല്ലാ​യി​രു​ന്നു, എന്തിൽ കലാശി​ക്കു​മാറ്‌?

²⁰ മടങ്ങി​പ്പോയ യഹൂദൻമാർക്കു മൃഗതു​ല്യ​രായ മനുഷ്യ​രിൽനി​ന്നോ കൊള്ള​സം​ഘ​ങ്ങ​ളിൽനി​ന്നോ ഉള്ള ആക്രമ​ണത്തെ ഭയപ്പെ​ടേ​ണ്ട​തി​ല്ലാ​യി​രു​ന്നു. എന്തു​കൊണ്ട്‌? വീണ്ടെ​ടു​ക്ക​പ്പെട്ട തന്റെ ജനത്തോ​ടു​കൂ​ടെ വഴിയിൽ സഞ്ചരി​ക്കാൻ യഹോവ അങ്ങനെ​യു​ള്ള​വരെ അനുവ​ദി​ക്കു​മാ​യി​രു​ന്നില്ല. തന്നിമി​ത്തം സന്തോ​ഷ​പ്ര​ദ​മായ ശുഭാ​പ്‌തി​വി​ശ്വാ​സ​ത്തോ​ടെ, സന്തുഷ്ട​പ്ര​തീ​ക്ഷ​ക​ളോ​ടെ, അവർക്കു സഞ്ചരി​ക്കാൻ കഴിയു​മാ​യി​രു​ന്നു. ഈ പ്രവചനം ഉപസം​ഹ​രി​ച്ച​പ്പോൾ യെശയ്യാവ്‌ അത്‌ എങ്ങനെ വർണി​ച്ചു​വെന്നു കുറി​ക്കൊ​ള്ളുക: “ഒരു സിംഹ​വും അവിടെ ഉണ്ടാക​യില്ല; ഒരു ദുഷ്ടമൃ​ഗ​വും അവിടെ കയറി​വ​രി​ക​യില്ല. ആ വകയെ അവിടെ കാണു​ക​യില്ല; വീണ്ടെ​ടു​ക്ക​പ്പെ​ട്ടവർ അവിടെ നടക്കും. അങ്ങനെ യഹോ​വ​യാൽ വീണ്ടെ​ടു​ക്ക​പ്പെ​ട്ടവർ മടങ്ങി ഉല്ലാസ​ഘോ​ഷ​ത്തോ​ടെ സീയോ​നി​ലേക്കു വരും; നിത്യാ​നന്ദം അവരുടെ തലമേൽ ഉണ്ടായി​രി​ക്കും; അവർ ആനന്ദവും സന്തോ​ഷ​വും പ്രാപി​ക്കും; ദുഃഖ​വും നെടു​വീർപ്പും ഓടി​പ്പോ​കും.”—യെശയ്യാ​വു 35:9, 10.

21. ഇപ്പോൾത്തന്നെ സംഭവി​ച്ചു​ക​ഴിഞ്ഞ യെശയ്യാ​വു 35-ാം അധ്യാ​യ​ത്തി​ന്റെ നിവൃ​ത്തി​യെ നാം ഇന്ന്‌ എങ്ങനെ നോക്കി​ക്കാ​ണണം?

²¹ എന്തൊരു പ്രാവ​ച​നിക ചിത്ര​മാ​ണു നമുക്കി​വി​ടെ ഉള്ളത്‌! എന്നിരു​ന്നാ​ലും, ഇതു നമ്മുടെ സാഹച​ര്യ​ത്തോ​ടോ നമ്മുടെ ഭാവി​യോ​ടോ ബന്ധമൊ​ന്നു​മി​ല്ലാത്ത ഒരു മനോ​ഹ​ര​മായ കഥ ആയിരി​ക്കു​ന്ന​തു​പോ​ലെ, കേവലം കഴിഞ്ഞു​പോയ ചരിത്രം കൈകാ​ര്യം ചെയ്യുന്നു എന്നപോ​ലെ, ഇതിനെ നാം വീക്ഷി​ക്ക​രുത്‌. ഇന്നു ദൈവ​ജ​ന​ത്തി​ന്റെ ഇടയിൽ ഈ പ്രവച​ന​ത്തി​നു വിസ്‌മ​യാ​വ​ഹ​മായ ഒരു നിവൃത്തി ഉണ്ടായി​ക്കൊ​ണ്ടി​രി​ക്കു​ന്നു​വെ​ന്ന​താ​ണു വസ്‌തുത, തന്നിമി​ത്തം അതു നമ്മിൽ ഓരോ​രു​ത്ത​രെ​യും യഥാർഥ​മാ​യി സ്‌പർശി​ക്കു​ന്നുണ്ട്‌. അതു സന്തോ​ഷ​ത്താൽ ആർത്തു​ഘോ​ഷി​ക്കു​ന്ന​തി​നു നമുക്ക്‌ ഈടുററ കാരണം നൽകുന്നു. നിങ്ങളു​ടെ ഇപ്പോ​ഴ​ത്തെ​യും ഭാവി​യി​ലെ​യും ജീവിതം ഉൾപ്പെ​ടുന്ന ഈ വശങ്ങൾ അടുത്ത ലേഖന​ത്തിൽ പ്രതി​പാ​ദി​ക്കു​ന്നു.

[അടിക്കു​റിപ്പ]

നിങ്ങൾ ഓർമി​ക്കു​ന്നു​വോ?

◻ യെശയ്യാ​വു 35-ാം അധ്യാ​യ​ത്തിന്‌ എപ്പോൾ ആദ്യനി​വൃ​ത്തി ഉണ്ടായി?

◻ പ്രവച​ന​ത്തി​ന്റെ ആദ്യനി​വൃ​ത്തി എന്തു ഫലമു​ള​വാ​ക്കു​മാ​യി​രു​ന്നു?

◻ യഹോവ യെശയ്യാ​വു 35:5, 6 എങ്ങനെ നിവർത്തി​ച്ചു?

◻ മടങ്ങിവന്ന യഹൂദൻമാർക്കു ദേശത്തും തങ്ങളുടെ സാഹച​ര്യ​ത്തി​ലും ഏതു മാററങ്ങൾ അനുഭ​വ​പ്പെട്ടു?

[9-ാം പേജിലെ ചിത്രം]

ഒരിക്കൽ ഏദോ​മ്യ​രു​ടെ വാസസ്ഥ​ല​മാ​യി​രുന്ന പെട്രാ​യു​ടെ ശൂന്യ​ശി​ഷ്ട​ങ്ങൾ

[കടപ്പാട്‌]

Garo Nalbandian

[10-ാം പേജിലെ ചിത്രം]

യഹൂദൻമാർ പ്രവാ​സ​ത്തി​ലാ​യി​രു​ന്ന​പ്പോൾ യഹൂദ​യു​ടെ അധിക​ഭാ​ഗ​വും കരടി​യും സിംഹ​വും പോ​ലെ​യുള്ള ഹിം​സ്ര​ജ​ന്തു​ക്കൾ കയ്യടക്കി ഒരു മരുഭൂ​മി​പോ​ലെ ആയിത്തീർന്നു

[കടപ്പാട്‌]

Garo Nalbandian

Bear and Lion: Safari-Zoo of Ramat-Gan, Tel Aviv