സകല ശിശു​ക്ക​ളും ആരോ​ഗ്യ​മു​ള്ള​വ​രാ​യി​രി​ക്കു​മ്പോൾ

ഒരു തണുത്ത ധ്രുവ​പ്ര​ദേശ രാത്രി​യിൽ ഒരാളു​ടെ കൂടാ​ര​വും ഉറക്കസ​ഞ്ചി​യും നീക്കി അയാളു​ടെ ഹ്രസ്വ​മായ അണ്ടർവെയർ ധരിച്ച്‌ തണുപ്പ​നു​ഭ​വി​ക്കാ​നി​ട​യാ​ക്കു​ന്നത്‌ ഒരു കുററ​കൃ​ത്യ​മാ​യി​രി​ക്കും. അതു​പോ​ലെ​തന്നെ, ഒരു ശിശു പുറം​ലോ​കത്തെ അഭിമു​ഖീ​ക​രി​ക്കാൻ തയ്യാറാ​കു​ന്ന​തി​നു​മുമ്പ്‌ അതിന്റെ ഊഷ്‌മ​ള​വും സംരക്ഷ​ക​വു​മായ ഗർഭപാ​ത്ര​ത്തി​ലെ സ്ഥാനത്തു​നിന്ന്‌ അതിനെ തള്ളിപ്പു​റ​ത്താ​ക്കു​ന്നത്‌ ഒരു കുററ​കൃ​ത്യ​മാണ്‌. എന്നാൽ ഈ ഹീന കുററ​കൃ​ത്യ​ത്തിന്‌ ആർ അല്ലെങ്കിൽ എന്താണ്‌ ഉത്തരവാ​ദി​യാ​യി​രി​ക്കു​ന്നത്‌?

തീർച്ച​യാ​യും, മാതാ​പി​താ​ക്കൾ തങ്ങളുടെ കുഞ്ഞിൻമേൽ അത്തര​മൊ​രു പ്രയാസം മനഃപൂർവം വരുത്തി​ക്കൂ​ട്ടു​ക​യില്ല. യഥാർത്ഥ​ത്തിൽ, പ്രസവ​വേദന തുടങ്ങു​മ്പോൾ, ശിശു പൂർണ്ണ​വ​ളർച്ച​യെ​ത്തി​യി​ട്ടാ​യാ​ലും അതിനു മുമ്പാ​യാ​ലും, അതു നിർത്താൻ തള്ളക്കാ​വില്ല. പ്രസവ​വേ​ദ​നക്ക്‌ തുടക്ക​മി​ടു​ന്നത്‌ കൃത്യ​മാ​യി എന്താ​ണെന്ന്‌ മെഡിക്കൽ വിദഗ്‌ദ്ധർക്കു​പോ​ലും മനസ്സി​ലാ​കു​ന്നില്ല. ചില​പ്പോൾ എന്തിനോ വലിയ കുഴപ്പം നേരി​ടു​ന്നു​വെ​ന്നും ശിശു​വിന്‌ ജീവി​ക്കാൻ സജ്ജമല്ലാത്ത ഒരു ലോക​ത്തി​ലേക്ക്‌ അതു തള്ളിവി​ട​പ്പെ​ടു​ന്നു​വെ​ന്നും മാത്ര​മാണ്‌ അറിയാ​വു​ന്നത.

ഇതു സംഭവി​ക്കു​ന്ന​തെ​ന്തു​കൊ​ണ്ടെന്ന്‌ ബൈബി​ളിൽ വിശദീ​ക​രി​ച്ചി​ട്ടുണ്ട്‌. നിശ്വസ്‌ത സങ്കീർത്ത​ന​ക്കാ​രൻ ഇങ്ങനെ എഴുതി: “നോക്കൂ! ഞാൻ അകൃത്യ​ത്തിൽ പ്രസവ​വേ​ദ​ന​ക​ളോ​ടെ ജനിപ്പി​ക്ക​പ്പെട്ടു, പാപത്തിൽ എന്റെ അമ്മ എന്നെ ഗർഭം ധരിച്ചു.” (സങ്കീർത്തനം 51:5) മത്സരി​യായ ഒരു ആത്മജീവി ദൈവ​ത്തി​നെ​തി​രെ മത്സരി​ക്കാൻ ആദ്യ മനുഷ്യ​ജോ​ടി​യെ പ്രേരി​പ്പി​ച്ചു, അങ്ങനെ അവർ പാപി​ക​ളാ​യി​ത്തീർന്നു. അവർ ദൈവ​ത്തോ​ടുള്ള ഉചിത​മായ അനുസ​ര​ണ​ത്തി​ന്റെ ലക്ഷ്യത്തിൽ പിഴച്ചു. അങ്ങനെ, അവരുടെ സന്തതി​ക​ളെ​ല്ലാം പാപത്തിൽ അഥവാ അപൂർണ്ണ​ത​യിൽ ഗർഭം ധരിക്ക​പ്പെട്ടു. (റോമർ 5:12) രോഗ​വും മരണവും ശരീര​ത്തി​ന്റെ വിവിധ വികല​പ്ര​വർത്ത​ന​വു​മാ​യി​രു​ന്നു പരിണ​ത​ഫ​ലങ്ങൾ. അവയിൽ ചില​പ്പോൾ അകാല​ത്തിൽ വില​യേ​റിയ ഫലത്തെ പുറന്ത​ള്ളുന്ന ഒരു പുനരു​ല്‌പാ​ദ​ന​വ്യ​വ​സ്ഥ​യും ഉൾപ്പെ​ടു​ന്നു.

അകാല​ശി​ശു​ക്ക​ളി​ല്ലാത്ത ഒരു ലോകം

മനുഷ്യർ തങ്ങളുടെ പൂർണ്ണത നിലനിർത്തി​യി​രു​ന്നെ​ങ്കിൽ ഇന്നത്തെ അനേകം അകാല​ശി​ശു​ക്കളെ അഭിമു​ഖീ​ക​രി​ക്കുന്ന അനർത്ഥ​ങ്ങളെ നേരി​ടാൻ യാതൊ​രു ശിശു​വും സമയത്തി​നു​മു​മ്പേ ജനിക്കു​ക​യി​ല്ലാ​യി​രു​ന്നു. ഒരു മാതാവ്‌ വീണ്ടു​മൊ​രി​ക്ക​ലും അകാല​ത്തിൽ പ്രസവി​ക്കു​ക​യി​ല്ലാത്ത കാലം പെട്ടെ​ന്നു​തന്നെ വരും. നിശ്വസ്‌ത യെശയ്യാ​പ്ര​വാ​ചകൻ ആ കാല​ത്തെ​ക്കു​റിച്ച്‌ എഴുതു​ക​യും നമ്മുടെ സ്‌നേ​ഹ​വാ​നായ സ്രഷ്ടാ​വി​ന്റെ വാഗ്‌ദത്തം നമുക്കു നൽകു​ക​യും ചെയ്‌തു: “ഞാൻ പുതിയ ആകാശ​വും ഒരു പുതിയ ഭൂമി​യും സൃഷ്ടി​ക്കു​ന്നു, കഴിഞ്ഞ​കാ​ലം ഓർക്ക​പ്പെ​ടു​ക​യില്ല, മേലാൽ മനുഷ്യ​രു​ടെ മനസ്സി​ലേക്കു വരിക​യു​മില്ല.”—യെശയ്യാവ്‌ 65:17, ദി ജറൂസ​ലേം ബൈബിൾ.

യെശയ്യാ​വി​ലെ ബൈബിൾ പ്രവചനം ദൈവ​ത്തി​ന്റെ പുതിയ ലോക​ത്തിൽ പ്രബല​പ്പെ​ടുന്ന ഹൃദയാ​വർജ്ജ​ക​മായ അവസ്ഥക​ളെ​ക്കു​റി​ച്ചു തുടർന്നു പറയുന്നു: “കരച്ചി​ലി​ന്റെ ശബ്ദമോ വിലാ​പ​ങ്ങ​ളു​ടെ ശബ്ദമോ അവളിൽ മേലാൽ കേൾക്കു​ക​യില്ല; അവളിൽ മേലാൽ ഏതാനും ദിവസങ്ങൾ മാത്രം ജീവി​ക്കുന്ന ശിശു കാണ​പ്പെ​ടു​ക​യില്ല . . . അവർ വൃഥാ അദ്ധ്വാ​നി​ക്കു​ക​യില്ല, സ്വന്തം വിനാ​ശ​ത്തി​നാ​യി കുട്ടി​കളെ ജനിപ്പി​ക്കു​ക​യു​മില്ല, എന്തു​കൊ​ണ്ടെ​ന്നാൽ അവർ യാഹ്വേ​യാൽ അനു​ഗ്ര​ഹി​ക്ക​പ്പെ​ടുന്ന ഒരു വർഗ്ഗമാ​യി​രി​ക്കും, അവരുടെ മക്കൾ അവരോ​ടു​കൂ​ടെ​യും.”—യെശയ്യാവ്‌ 65:19-24, JB.

സകല മാനുഷ കഷ്ടപ്പാ​ടും അരിഷ്ട​ത​യും ഒരു വിദൂ​ര​സ്‌മ​ര​ണ​യാ​യി​രി​ക്കുന്ന, അകാല​ത്തിൽ ജനിക്കുന്ന ശിശു​ക്കളെ ജീവ​നോ​ടെ നിലനിർത്താൻ ശ്രമി​ക്കു​ന്ന​തിന്‌ അങ്ങേയ​റ​റത്തെ മെഡിക്കൽ നടപടി​ക​ളും ഇൻറൻസീവ്‌ കെയർ യൂണി​റ​റു​ക​ളും വീണ്ടു​മൊ​രി​ക്ക​ലും ആവശ്യ​മി​ല്ലാത്ത കാലം എത്ര മഹത്താ​യി​രി​ക്കും! എന്തു​കൊ​ണ്ടെ​ന്നാൽ അന്ന്‌ നമ്മുടെ മഹാ​ദൈ​വ​ത്തി​ന്റെ മഹത്തായ മറുവി​ലാ​ക​രു​തൽ മുഖേന മനുഷ്യാ​പൂർണ്ണത നീക്കം​ചെ​യ്യ​പ്പെ​ടും, വീണ്ടും ഒരിക്ക​ലും ഒരു ശിശു തികഞ്ഞ​ജീ​വി​തം ആസ്വദി​ക്കാൻ പൂർണ്ണ​മാ​യും സജ്ജനാ​കാ​തെ ഗർഭാ​ശ​യ​ത്തിൽനിന്ന്‌ പുറന്ത​ള്ള​പ്പെ​ടു​ക​യില്ല.—വെളി​പ്പാട്‌ 21:3, 4. (g89 2/22)

[11-ാം പേജിലെ ചതുരം]

നിങ്ങൾക്ക്‌ യഥാർത്ഥ ആശ്വാസം കണ്ടെത്താൻ കഴിയും

◆ നിങ്ങളു​ടെ കുട്ടി മരിക്കു​ന്നു​വെ​ങ്കിൽ സുഹൃ​ത്തു​ക്ക​ളിൽനി​ന്നും ബന്ധുക്ക​ളിൽനി​ന്നും സഹായ​വും പ്രോൽസാ​ഹ​ന​വും സ്വീക​രി​ക്കാൻ ശ്രമി​ക്കുക. ഒരുപക്ഷേ, കുട്ടികൾ നഷ്ടപ്പെ​ട്ടി​ട്ടു​ള്ള​വർക്ക്‌ നിങ്ങളെ ആശ്വസി​പ്പി​ക്കാൻ കഴിയും.

◆ നിങ്ങൾക്കു പുനരു​ത്ഥാ​ന​പ്ര​ത്യാ​ശ​യിൽ വിശ്വ​സി​ക്കാ​വു​ന്ന​താണ്‌, എന്നാൽ ആ വിശ്വാ​സം നിങ്ങൾക്ക്‌ സത്വര​മായ ആശ്വാസം കൈവ​രു​ത്തു​ന്നി​ല്ലെ​ങ്കിൽ പരി​ഭ്ര​മി​ക്ക​രുത്‌. കാലം ആ മുറി​വു​കളെ ഉണക്കി​ത്തു​ട​ങ്ങു​മ്പോൾ നിങ്ങളു​ടെ പ്രിയ​പ്പെ​ട്ട​യാ​ളെ വീണ്ടും കാണു​ന്ന​തി​നുള്ള പ്രത്യാ​ശയെ നിങ്ങൾ വിലമ​തി​ക്കാ​നി​ട​യാ​കു​മെ​ന്ന​തി​നു സംശയ​മില്ല.—യെശയ്യാവ്‌ 25:8; 65:23; യോഹ​ന്നാൻ 5:28, 29; 1 കൊരി​ന്ത്യർ 15:25, 26.

◆ “സർവ്വാ​ശ്വാ​സ​ത്തി​ന്റെ​യും ദൈവ”മായ യഹോ​വയെ ആശ്രയി​ക്കാൻ ശ്രമി​ക്കുക. (2 കൊരി​ന്ത്യർ 1:3) അവനാണ്‌ “മരണം കൈവ​രു​ത്താ​നുള്ള മാർഗ്ഗ​മു​ള്ള​വനെ, അതായത്‌, പിശാ​ചി​നെ, നാസ്‌തി​യാ​ക്കാ​നുള്ള” ഒരു വഴി പ്രദാ​നം​ചെ​യ്‌തി​രി​ക്കു​ന്നത്‌.—എബ്രായർ 2:14.

◆ നിങ്ങൾ ദുഃഖി​ത​രായ മാതാ​പി​താ​ക്ക​ളു​ടെ ഒരു സുഹൃ​ത്താ​ണെ​ങ്കിൽ അവർക്ക്‌ മറെറാ​രു കുട്ടി ഉണ്ടായി​രി​ക്കാൻ കഴിയും എന്നു പറയാ​തി​രി​ക്കു​ന്ന​താ​യി​രി​ക്കും ഏററം നല്ലത്‌. ഈ സമയത്ത്‌ ആ ശിശു​വി​നു പകരം യാതൊ​ന്നു​മു​ണ്ടാ​യി​രി​ക്കാ​വു​ന്നതല്ല. ഈ കാര്യ​ത്തിൽ “കരയുന്ന ആളുക​ളോ​ടു​കൂ​ടെ കരയു​ന്നത്‌” ഏററം നന്നായി​രി​ക്കും. (റോമർ 12:15) ദുഃഖം പങ്കു​വെ​ക്കു​ന്ന​തി​നാൽ അതു കുറയു​മെ​ന്നു​ള്ള​തു​കൊണ്ട്‌ മാതാ​പി​താ​ക്ക​ളു​ടെ നഷ്ടത്തെ നിങ്ങൾ സമ്മതി​ക്കു​ന്ന​തും അവരോ​ടു​കൂ​ടെ ദുഃഖി​ക്കു​ന്ന​തും അവർക്ക്‌ ആശ്വാസം കൈവ​രു​ത്തി​യേ​ക്കാം.

◆ ദുഃഖം പ്രകടി​പ്പി​ക്കു​ന്നത്‌ ഉചിത​വും സഹായ​ക​വു​മാണ്‌, അതു​കൊണ്ട്‌ ദുഃഖ​ത്തി​ന്റെ​യും നഷ്ടത്തി​ന്റെ​യും വികാ​ര​ങ്ങൾക്ക്‌ പരിഹാ​രം വരുത്തു​ന്ന​തിന്‌ സമയമ​നു​വ​ദി​ക്കുക. (1985 ഏപ്രിൽ 22ലെ “എവേക്കി”ൽ “നിങ്ങൾ സ്‌നേ​ഹി​ക്കുന്ന ഒരാൾ മരിക്കു​മ്പോൾ” എന്നതും 1987 ഓഗസ്‌ററ്‌ 8-ലെ “ഒരു കുട്ടി​യു​ടെ മരണത്തെ അഭിമു​ഖീ​ക​രി​ക്കൽ” എന്നതും കാണുക.)