ആ നിർണ്ണാ​യ​ക​സ​മയം വരു​മ്പോൾ നിങ്ങളു​ടെ നില എന്തായി​രി​ക്കും? നിങ്ങൾ നാശത്തി​നാ​യി ഉപേക്ഷി​ക്ക​പ്പെ​ടു​മോ, അതോ അതിജീ​വ​ന​ത്തി​നാ​യി എടുക്ക​പ്പെ​ടു​മോ? ശരിയായ ദിശയിൽ നിങ്ങളെ നയിക്കു​ന്ന​തിന്‌ യേശു നൽകിയ ദൃഷ്ടാന്തം വീണ്ടും പരിചി​ന്തി​ക്കുക: “ശരീരം ഉള്ളടത്ത്‌ കഴുക്കൾ കൂടി​വ​രു​ക​യും​ചെ​യ്യും.”—ലൂക്കോസ്‌ 17:34-37; മത്തായി 24:28.

അങ്ങനെ യേശു ദീർഘ​ദൃ​ഷ്ടി​യോ​ടു​കൂ​ടിയ സംയു​ക്ത​പ്ര​വർത്ത​ന​ത്തി​ന്റെ ആവശ്യം ഊന്നി​പ്പ​റ​യു​ക​യാ​യി​രു​ന്നു. അതിജീ​വ​ന​ത്തി​നു​വേണ്ടി എടുക്ക​പ്പെ​ടു​ന്നവർ ക്രമമാ​യി കൂടി​വ​രു​ക​യും ദൈവം പ്രദാ​നം​ചെ​യ്യുന്ന ആത്‌മീ​യ​പോ​ഷ​ണ​ത്തിൽനിന്ന്‌ പ്രയോ​ജ​ന​മ​നു​ഭ​വി​ക്കു​ക​യും ചെയ്യു​ന്ന​വ​രാണ്‌. അങ്ങനെ​യുള്ള ആത്‌മീ​യ​പോ​ഷണം യഹോ​വ​യു​ടെ സാക്ഷി​ക​ളു​ടെ 60,000ത്തിൽപരം സഭകളി​ലൊ​ന്നി​നോട്‌ അടുത്തു സഹവസി​ക്കു​ന്ന​തി​നാ​ലും നിങ്ങൾ വായി​ക്കു​ന്ന​തരം ബൈബി​ള​ധി​ഷ്‌ഠി​ത​പ്ര​സി​ദ്ധീ​ക​ര​ണങ്ങൾ പഠിക്കു​ന്ന​തി​നാ​ലു​മാ​ണെന്ന്‌ ദശലക്ഷ​ങ്ങൾക്ക്‌ അനുഭ​വ​വേ​ദ്യ​മാ​യി​ട്ടുണ്ട്‌.

കഴുകൻമാ​രോ ഗൃദ്ധ്ര​ങ്ങ​ളോ?

അടയാളം

“ശവം ഉള്ളട​ത്തെ​ല്ലാം കഴുകൻമാർ കൂടി​വ​രും.” (മത്തായി 24:28) ഈ ദൃഷ്ടാ​ന്ത​ത്തിൽനി​ന്നു പഠിക്കു​ന്ന​തി​നു പകരം ചിലർ അതിൽ കുററം കണ്ടെത്തും. കഴുകൻമാർ ശവങ്ങ​ളെയല്ല, ജീവനുള്ള ഇരകളെ തിന്നുന്ന ഏകാന്ത വേട്ടക്കാ​രാ​ണെന്ന്‌ അവർ പറയുന്നു. അങ്ങനെ, ചില ബൈബി​ളു​കൾ “ഗൃദ്ധ്രങ്ങൾ” എന്ന പദം ഉപയോ​ഗി​ക്കു​ന്നു. എന്നാൽ ഏറേറാസ എന്ന പ്രസ്‌തുത ഗ്രീക്ക്‌ പദം ശരിയാ​യി​ത്തന്നെ “കഴുകൻ” എന്നു വിവർത്തനം ചെയ്യ​പ്പെ​ടു​ന്നു.

ഇസ്ര​യേ​ലിൽ കാണ​പ്പെ​ടു​ന്നത്‌ ഒരു ജാതി മഞ്ഞ കഴുക​നാണ്‌. “അനേകം ഇരപി​ടി​യൻമാ​രെ​പ്പോ​ലെ മഞ്ഞ കഴുകന്‌ ശവത്തോ​ടു വിരക്തി​യില്ല, മിക്ക​പ്പോ​ഴും പുതു​താ​യി കൊല്ല​പ്പെ​ടുന്ന ജീവിയെ സമീപി​ക്കു​ന്ന​വ​യു​ടെ കൂട്ടത്തിൽ അവയുണ്ട്‌” എന്ന്‌ ജോൺ സിങ്ക്‌ള​യ​റും ജോൺ മെൻഡൽസോ​ണും പ്രസ്‌താ​വി​ക്കു​ന്നു. ആഫ്രി​ക്ക​യി​ലെ കലഹരി​യിൽ 60 ബാററ​ല്യൂർസും മഞ്ഞ കഴുകൻമാ​രും കൂടി​വ​ന്ന​താ​യി മറെറാ​രു നിരീ​ക്ഷകൻ റിപ്പോർട്ടു​ചെ​യ്‌തു. അദ്ദേഹം ഇങ്ങനെ കൂട്ടി​ച്ചേർത്തു: “മഞ്ഞ കഴുക​നാണ്‌ അവ ശവത്തിങ്കൽ കൂടി​വ​രു​മ്പോൾ പ്രമുഖൻ. പലപ്പോ​ഴും രണ്ട്‌ പക്ഷികൾ, ഒരുപക്ഷേ ഇണകൾ, ഒരു ശവം പങ്കു​വെ​ക്കു​ന്ന​താ​യി കണ്ടെത്ത​പ്പെ​ട്ടി​ട്ടുണ്ട്‌.”

കടൽക​ഴു​കൻമാ​രും മെഡി​റ​റ​റേ​നി​യൻ ദേശങ്ങ​ളിൽ സാധാ​ര​ണ​മാണ്‌. കഴിഞ്ഞ നൂററാ​ണ്ടു​ക​ളിൽ കടൽക​ഴു​കൻമാ​രും കരയിലെ കഴുകൻമാ​രും യുദ്ധത്തിൽ കൊല്ല​പ്പെട്ട കുതി​ര​ക​ളു​ടെ ഉടലുകൾ തിന്നി​ട്ടുണ്ട്‌. “ആ ഉദ്ദേശ്യ​ത്തിൽ അവ സൈന്യ​ങ്ങളെ പിന്തു​ട​രു​ന്നു​വെന്ന്‌ പ്രസി​ദ്ധ​മാണ്‌” എന്ന്‌ മക്ലി​ന്റോ​ക്കി​ന്റെ​യും സ്‌​ട്രോം​ഗി​ന്റെ​യും സൈ​ക്ലോ​പ്പീ​ഡി​യ പ്രസ്‌താ​വി​ക്കു​ന്നു.

വേഗവും ദീർഘ​ദൃ​ഷ്ടി​യു​മു​ള്ള​തി​നാൽ ഒരു പുതിയ ശവത്തിങ്കൽ ആദ്യം വരുന്ന പക്ഷികൾ ചില​പ്പോൾ കഴുകൻമാ​രാണ്‌. യഹോ​വ​യാം ദൈവം ഇയ്യോ​ബി​നോട്‌ ചോദിച്ച ഈ താഴ്‌ത്തുന്ന ചോദ്യ​ത്തി​ന്റെ വർണ്ണന യേശു​വി​നു പരിചി​ത​മാ​യി​രു​ന്നു: “ഒരു കഴുകൻ മേലോ​ട്ടു പറക്കു​ന്ന​തും അത്‌ ഉയരത്തിൽ, . . . ഒരു പാറയു​ടെ മുനയി​ലും ഒരു അപ്ര​വേ​ശ്യ​സ്ഥ​ല​ത്തും അതിന്റെ കൂടു​കെ​ട്ടു​ന്ന​തും നിന്റെ ആജ്ഞപ്ര​കാ​ര​മാ​ണോ? അവി​ടെ​നിന്ന്‌ അതിന്‌ അതിന്റെ തീററി തേടേ​ണ്ട​തുണ്ട്‌; അതിന്റെ കണ്ണുകൾ വിദൂ​ര​ത്തി​ലേക്കു നോക്കി​ക്കൊ​ണ്ടി​രി​ക്കു​ന്നു. . . . കൊല്ല​പ്പെ​ട്ടവർ എവി​ടെ​യോ അവിടെ അതുണ്ട്‌.”—ഇയ്യോബ്‌ 39:27-30.

അങ്ങനെ, ആലങ്കാ​രിക കഴുകൻക​ണ്ണു​ള്ളവർ മാത്രമേ അടയാ​ള​ത്തിൽനിന്ന്‌ പ്രയോ​ജ​ന​മ​നു​ഭ​വി​ക്കു​ക​യു​ള്ളു​വെന്ന്‌ യേശു നന്നായി ദൃഷ്‌ടാ​ന്തീ​ക​രി​ച്ചു. (w88 10/15)