ശോഭ​ന​മായ ഒരു ഭാവി​ക്കാ​യി ഒരുങ്ങി​യി​രി​പ്പിൻ

“ഒരുങ്ങി​യി​രി​പ്പിൻ,” യേശു ആഹ്വാനം ചെയ്‌തു. (ലൂക്കൊസ്‌ 12:40) നാം അങ്ങനെ ചെയ്യു​ന്നു​വെ​ങ്കിൽ, ക്രിസ്‌തു “ശക്തി​യോ​ടും മഹാ​തേ​ജ​സ്സോ​ടും കൂടെ” വരു​മ്പോൾ “നിങ്ങളു​ടെ വീണ്ടെ​ടുപ്പ്‌ [“വിടുതൽ,” NW] അടുത്തു​വ​രു​ന്ന​തു​കൊ​ണ്ടു നിവർന്നു തല പൊക്കു​വിൻ” എന്ന അവന്റെ കൽപ്പന​യോ​ടു സന്തോ​ഷ​ത്തോ​ടെ പ്രതി​ക​രി​ക്കാൻ നമുക്കു കഴിയും.—ലൂക്കൊസ്‌ 21:27, 28, ദാനീ​യേൽ ബൈബിൾ.

ഏതുതരം വിടുതൽ? എന്തിന്‌, നോഹ​യും അവന്റെ കുടും​ബ​വും ആസ്വദിച്ച വിടു​തൽതന്നെ—അതേ, ഈ ലോക​ത്തി​ന്റെ അവസാ​നത്തെ അതിജീ​വി​ച്ചു​കൊ​ണ്ടു​ള്ള​തു​തന്നെ! “ലോക​വും അതിന്റെ മോഹ​വും ഒഴിഞ്ഞു​പോ​കു​ന്നു; ദൈ​വേഷ്ടം ചെയ്യു​ന്ന​വ​നോ എന്നേക്കും ഇരിക്കു​ന്നു” എന്ന്‌ അപ്പോ​സ്‌ത​ല​നായ യോഹ​ന്നാൻ എഴുതി.—1 യോഹ​ന്നാൻ 2:17.

യഹോ​വ​യു​ടെ പുതിയ ലോക​ത്തിൽ രാജാ​വായ യേശു​ക്രി​സ്‌തു​വി​ന്റെ ഭൗമിക പ്രജകൾ നിത്യ​ജീ​വൻ ആസ്വദി​ക്കും. “നീതി​മാൻമാർ ഭൂമിയെ അവകാ​ശ​മാ​ക്കി എന്നേക്കും അതിൽ വസിക്കും” എന്നു ബൈബിൾ പറയുന്നു. (സങ്കീർത്തനം 37:29) തന്റെ ജനത്തിനു വേണ്ടി ദൈവം എത്ര അത്ഭുത​ക​ര​മായ ഭാവി​യാ​ണു വാഗ്‌ദാ​നം ചെയ്യു​ന്നത്‌! അവന്റെ വചനം പറയുന്നു: “ദൈവം താൻ അവരുടെ ദൈവ​മാ​യി അവരോ​ടു​കൂ​ടെ ഇരിക്കും. അവൻ അവരുടെ കണ്ണിൽനി​ന്നു കണ്ണുനീർ എല്ലാം തുടെ​ച്ചു​ക​ള​യും. ഇനി മരണം ഉണ്ടാക​യില്ല; ദുഃഖ​വും മുറവി​ളി​യും കഷ്ടതയും ഇനി ഉണ്ടാക​യില്ല; ഒന്നാമ​ത്തേതു കഴിഞ്ഞു​പോ​യി.” ഇത്‌ യഥാർഥ പ്രവച​ന​മാണ്‌!—വെളി​പ്പാ​ടു 21:3, 4.

എന്നിരു​ന്നാ​ലും, ആ ഭാവി ആസ്വദി​ക്കു​ന്ന​തി​നു നിങ്ങൾ പ്രവർത്തി​ക്കേ​ണ്ട​തുണ്ട്‌. അറിവു നേടു​ന്ന​താണ്‌ ഒന്നാമത്തെ അവശ്യ സംഗതി. ബൈബിൾ ഇങ്ങനെ വിശദീ​ക​രി​ക്കു​ന്നു: “ഏകസത്യ​ദൈ​വ​മായ നിന്നെ​യും നീ അയച്ചി​രി​ക്കുന്ന യേശു​ക്രി​സ്‌തു​വി​നെ​യും അറിയു​ന്നതു തന്നേ നിത്യ​ജീ​വൻ ആകുന്നു.”—യോഹ​ന്നാൻ 17:3.

അറിവു തേടുന്ന മറ്റുള്ള​വ​രോ​ടൊ​ത്തു നിങ്ങൾ നിരന്തരം കൂടി​വ​രേ​ണ്ട​തു​മുണ്ട്‌. അത്‌ അപ്പോ​സ്‌തലൻ പ്രോ​ത്സാ​ഹി​പ്പി​ച്ച​തു​പോ​ലെ​യാണ്‌: “നമ്മുടെ സഭാ​യോ​ഗ​ങ്ങളെ ഉപേക്ഷി​ക്കാ​തെ തമ്മിൽ പ്രബോ​ധി​പ്പി​ച്ചു​കൊ​ണ്ടു സ്‌നേ​ഹ​ത്തി​ന്നും സൽപ്ര​വൃ​ത്തി​കൾക്കും ഉത്സാഹം വർദ്ധി​പ്പി​പ്പാൻ അന്യോ​ന്യം സൂക്ഷി​ച്ചു​കൊൾക. നാൾ സമീപി​ക്കു​ന്നു എന്നു കാണും​തോ​റും അതു അധിക​മ​ധി​ക​മാ​യി ചെയ്യേ​ണ്ട​താ​കു​ന്നു.” (എബ്രായർ 10:24, 25) നിശ്ചയ​മാ​യും, ദൈവ​ത്തി​ന്റെ പുതിയ ലോക​ത്തി​ലേ​ക്കുള്ള വിടു​ത​ലി​നുള്ള ദിവസം എന്നത്തേ​തി​ലു​മ​ധി​കം അടുത്തു​വ​രു​ന്ന​താ​യി യഹോ​വ​യു​ടെ ജനം കാണുന്നു, അതു​കൊണ്ട്‌ തങ്ങളുടെ കൂടി​വ​ര​വിന്‌ അവർ അറിയ​പ്പെ​ടു​ന്ന​വ​രാ​യി​ത്തീർന്നി​രി​ക്കു​ന്നു.

ഒരു വലിയ സ്റ്റേഡി​യ​ത്തി​ലെ കൂടി​വ​ര​വി​നെ​ക്കു​റിച്ച്‌ അഭി​പ്രാ​യം പറഞ്ഞു​കൊണ്ട്‌ ലണ്ടനിലെ സൺഡേ ടെല​ഗ്രാഫ്‌ ഇങ്ങനെ റിപ്പോർട്ടു ചെയ്‌തു: “‘അന്ത്യം സമീപ​മാണ്‌’ എന്നു പ്രഖ്യാ​പി​ക്കു​ന്ന​വർക്കു സാധാ​ര​ണ​മാ​യുള്ള വിഷാ​ദ​ഭാ​വ​മൊ​ന്നു​മില്ല അവർക്ക്‌. അതു സമീപ​മാ​യി​രി​ക്കാം. എന്നാൽ അതേസ​മയം, ഗൗരവാ​വ​ഹ​വും നേരു​ള്ള​തും ദൈവി​ക​വും എന്നാൽ സന്തോ​ഷ​ഭ​രി​ത​വു​മായ ഒരു വിധത്തിൽ എല്ലാവ​രും സ്വയം ആസ്വദി​ക്കു​ന്ന​താ​യി തോന്നു​ന്നു.” അതിനു​ശേഷം ആ പത്രം ഇങ്ങനെ​യും കൂട്ടി​ച്ചേർത്തു: “ഇപ്പോ​ഴത്തെ ലോക​വ്യ​വ​സ്ഥി​തി വാസ്‌ത​വ​ത്തിൽ തകരാൻ പോവു​ക​യാ​ണെ​ങ്കിൽ, റ്റ്വി​ക്കെൻഹാ​മി​ലെ സാക്ഷികൾ പുതി​യതു സംഘടി​പ്പി​ക്കാൻ ശരിക്കും സജ്ജരാ​യി​രി​ക്കു​ന്ന​തു​പോ​ലെ തോന്നു​ന്നു.”

ഒരുങ്ങി​യി​രി​ക്കുക എന്നതിന്റെ അർഥം നോഹ ചെയ്‌ത​തു​പോ​ലുള്ള ഒരു വേല ചെയ്‌തു​കൊ​ണ്ടു തിരക്കു​ള്ള​വ​നാ​യി​രി​ക്കുക എന്നാണ്‌. “നീതി​പ്ര​സം​ഗി” എന്നനി​ല​യിൽ ജലപ്ര​ള​യ​ത്തി​നു മുമ്പുള്ള നാളു​ക​ളിൽ അദ്ദേഹം സേവിച്ചു. (2 പത്രൊസ്‌ 2:5) ഒരുങ്ങി​യി​രി​ക്കുക എന്നതിന്‌ “നടത്തയു​ടെ വിശു​ദ്ധ​മായ പ്രവൃ​ത്തി​ക​ളി​ലും ദൈവിക ഭക്തിയു​ടെ ചെയ്‌തി​ക​ളി​ലും” ഏർപ്പെ​ടുക എന്ന അർഥവു​മുണ്ട്‌. “യഹോ​വ​യു​ടെ ദിവസ​ത്തി​ന്റെ സാന്നി​ധ്യം കാത്തി​രി​ക്കു​ക​യും മനസ്സിൽ അടുത്ത്‌ പിടി​ക്കു​ക​യും” ചെയ്യുന്ന യഹോ​വ​യു​ടെ ജനത്തോ​ടു ചേരാൻ നിങ്ങളെ ക്ഷണിക്കു​ക​യാണ്‌, അതേ, ഉദ്‌ബോ​ധി​പ്പി​ക്കു​ക​യാണ്‌.—2 പത്രോസ്‌ 3:11, 12, NW.