“യജമാ​ന​നായ ക്രിസ്‌തു​വി​നു​വേണ്ടി അടിമ​വേല ചെയ്യു​വിൻ”

ചരി​ത്ര​ത്തി​ലു​ട​നീ​ളം കോടി​ക്ക​ണ​ക്കി​നാ​ളു​കൾ അടിമ​ത്ത​ത്തി​ന്റെ ഭാരം പേറി​യി​ട്ടുണ്ട്‌. ദൃഷ്ടാ​ന്ത​ത്തിന്‌, ആയിര​ക്ക​ണ​ക്കി​നു വർഷം മുമ്പ്‌ ഇസ്രാ​യേ​ല്യർ ഈജി​പ്‌തി​ലെ മേലാ​ളൻമാ​രു​ടെ കരങ്ങളാൽ അത്യധി​കം യാതന​യ​നു​ഭ​വി​ച്ചു. ബൈബിൾ പറയുന്ന പ്രകാരം, “കഠിന​വേ​ല​ക​ളാൽ [ഇസ്രാ​യേ​ല്യ​രെ] പീഡി​പ്പി​ക്കേ​ണ്ട​തി​ന്നു അവരു​ടെ​മേൽ ഊഴി​യ​വി​ചാ​ര​ക​ന്മാ​രെ ആക്കി,” പ്രത്യേ​കി​ച്ചും ഇഷ്ടിക നിർമാ​ണ​ത്തോ​ടുള്ള ബന്ധത്തിൽ.—പുറപ്പാ​ടു 1:11.

ഇന്ന്‌ ഒട്ടുമിക്ക രാജ്യ​ങ്ങ​ളി​ലും ആളുകൾ അക്ഷരീയ അർഥത്തിൽ അടിമ​വേല ചെയ്യു​ന്നി​ല്ലാ​യി​രി​ക്കാം. എന്നാൽ നിരവ​ധി​പേർക്ക്‌ വളരെ​യ​ധി​കം നിഷ്‌കർഷി​ക്കുന്ന, ചില​പ്പോൾ പ്രതി​കൂ​ല​വു​മായ, സാഹച​ര്യ​ങ്ങ​ളിൽ ദീർഘ​നേരം ജോലി​ചെ​യ്യേ​ണ്ട​തു​ണ്ടാ​യി​രു​ന്നു. സാമ്പത്തിക അടിമത്തം എന്നു വിളി​ക്കാ​വു​ന്ന​തി​ന്റെ കടുത്ത ഭാരത്തിൻ കീഴി​ലാ​ണവർ.

എന്നിരു​ന്നാ​ലും, ഭാര​പ്പെ​ടു​ത്തു​ന്ന​ത​ല്ലാത്ത ഒരുതരം അടിമ​ത്ത​മുണ്ട്‌. അപ്പോ​സ്‌ത​ല​നായ പൗലൊസ്‌ സഹവി​ശ്വാ​സി​കളെ ഇങ്ങനെ ഉദ്‌ബോ​ധി​പ്പി​ച്ചു: “യജമാ​ന​നായ ക്രിസ്‌തു​വി​നു​വേണ്ടി അടിമ​വേല ചെയ്യു​വിൻ.” (കൊ​ലൊ​സ്സ്യർ 3:24, NW) ക്രിസ്‌തു​വി​ന്റെ അടിമ​ക​ളാ​കാൻ തീരു​മാ​നി​ക്കു​ന്നവർ തങ്ങളുടെ ഭാരിച്ച ചുമടു​ക​ളിൽനിന്ന്‌ ആശ്വാസം കണ്ടെത്തു​ന്നു. യേശു പറഞ്ഞു: “അദ്ധ്വാ​നി​ക്കു​ന്ന​വ​രും ഭാരം ചുമക്കു​ന്ന​വ​രും ആയു​ള്ളോ​രേ, എല്ലാവ​രും എന്റെ അടുക്കൽ വരുവിൻ; ഞാൻ നിങ്ങളെ ആശ്വസി​പ്പി​ക്കും. ഞാൻ സൌമ്യ​ത​യും താഴ്‌മ​യും ഉള്ളവൻ ആകയാൽ എന്റെ നുകം ഏററു​കൊ​ണ്ടു എന്നോടു പഠിപ്പിൻ; എന്നാൽ നിങ്ങളു​ടെ ആത്മാക്കൾക്കു ആശ്വാസം കണ്ടെത്തും. എന്റെ നുകം മൃദു​വും എന്റെ ചുമടു ലഘുവും ആകുന്നു.”—മത്തായി 11:28-30.

ക്രിസ്‌തു​വി​ന്റെ നുകം സ്വീക​രി​ക്കു​ന്നത്‌ കുടും​ബ​ത്തി​നു​വേണ്ടി കരുതാ​നുള്ള കടപ്പാ​ടിൽനിന്ന്‌ ഒരുവനെ സ്വത​ന്ത്ര​നാ​ക്കു​ന്നില്ല. (1 തിമൊ​ഥെ​യൊസ്‌ 5:8) എന്നാൽ അതു ഭൗതിക അനുധാ​വ​ന​ങ്ങ​ളു​ടെ ഒട്ടുമിക്ക കുരു​ക്കു​ക​ളിൽനി​ന്നു​മുള്ള സ്വാത​ന്ത്ര്യം വാഗ്‌ദാ​നം ചെയ്യു​ക​തന്നെ ചെയ്യുന്നു. ഭൗതിക സുഖസൗ​ക​ര്യ​ങ്ങളെ ജീവി​ത​ത്തി​ലെ പ്രധാന ലക്ഷ്യമാ​ക്കു​ന്ന​തി​നു​പ​കരം ക്രിസ്‌ത്യാ​നി​കൾ അടിസ്ഥാന ആവശ്യ​ങ്ങൾകൊണ്ട്‌ തൃപ്‌തി​പ്പെ​ടു​ന്നു.—1 തിമൊ​ഥെ​യൊസ്‌ 6:6-10; 1 കൊരി​ന്ത്യർ 7:31 താരത​മ്യം ചെയ്യുക.

ദൈവ​രാ​ജ്യ​ത്തി​ന്റെ “സുവാർത്ത” പ്രസം​ഗി​ക്കാ​നുള്ള തങ്ങളുടെ ഉത്തരവാ​ദി​ത്വം നിറ​വേ​റ്റു​ന്ന​തി​ലും ക്രിസ്‌ത്യാ​നി​കൾ നവോ​ന്മേഷം കണ്ടെത്തു​ന്നു. (മത്തായി 24:14) ഇത്‌ യഥാർഥ സന്തോ​ഷ​വും സംതൃ​പ്‌തി​യും കൈവ​രു​ത്തു​ന്നു!

‘യജമാ​ന​നായ ക്രിസ്‌തു​വി​നു​വേണ്ടി അടിമ​വേല ചെയ്യാൻ’ കഴിയു​ന്ന​തിൽ നാം നന്ദിയു​ള്ള​വ​രാ​യി​രി​ക്കണം!

[32-ാം പേജിലെ ചിത്ര​ത്തിന്‌ കടപ്പാട]

Pictorial Archive (Near Eastern History) Est.