LESINA 25

Uria Taa Na Mika Thauṉania Kingdom Hall Ki Bia Taa Ne Faʼakwaiakoria Raa Eri?

Waidoʹorana ki na kera thauṉania Kingdom Hall i Bolivia — Bolivia

Kingdom Hall eri i Nigeria asi maṉa e aʹi kesi thauṉaʹi falu u ania

Kingdom Hall i Nigeria i buriana kera thaṉaʹi falu ania — Nigeria, i totolenaʼo bia i maṉa eri

Kera thauṉania Kingdom Hall i Tahiti — Tahiti

Si thateʼedo eri Kingdom Hall e lae bia Inotoa tha God na miki toʼodo gwauṉaʼi sulia i la biu eri. Ṉa Inotoa eri na ṉa gwauṉaʼi lana raa natha Jesus e ilia.—Luke 8:1.

Biu ni ofu la ki ura farebaita la ana tha God. Kingdom Hall ki na ṉa Jehovah’s Witness Ki keki ʼolosia raa kera ura ṉata la sulia Inotoa i la kade tafoloa na kera too iei. (Matthew 24:14) Kingdom Hall eki baita lada e aʼi si totoʼo ma thauṉaʼi eki ka eʼeta kwailiu. Biu eki sui boʼo mili thauṉaʼi marabibi ania, ma oro lana biu e talua teʼe figuteʼe Kristin na keki arutoʼona. I la fa ṉali ki ne biʼi tatha bokana, mili thauṉania toʼoni Kingdom Hall oro sulaʼania figuteʼe Kristin ki e tataʼe mai ka oro. Adeʼufita na raa eri ka kwaiakori?—Matthew 19:26.

Biu eki e takwe i nunufana kwaiadomia na kera fulatoʼona ura thauṉaʼi lana Kingdom Hall ki. Kera falea kwaiadomia eki ura i la branch ofis. Branch ofis ka kwaithathai asi malefo eri ura adomi lana ana ta figuteʼe Kristin ne atoʼia kasi lana ta Kingdom Hall mado thauṉaʼi seʼeleʼa la ana ta Kingdom Hall.

Toʼa na kera thauṉania Kingdom Hall eki kesi fulatoʼona boʼo ta usi la. I la fanua oro ki, kera too ana figuteʼe wane ki ni kasi lana Kingdom Hall. Figuteʼe wane eri bia tei imole ki na kera kwaialami ura kwaiadomi la, keki lae ura adomi lana figuteʼe Kristin ki i la fanua eri na kera too iei ura thauṉaʼi lana Kingdom Hall kera ki. Kera raa tesi kula sui keka lae ura tesi kula laʼu doʼanita teisi kula ki ka nidaa. I la tei fanua ki laʼu, kera filia tei Witness ki na kera farana, ura lio la sulia kasi lana bia thauṉaʼi seʼeleʼa la ana Kingdom Hall ki i la tafoloa na kera olotoʼona ura keki raa iei. Doʼanita toʼa na kera fadaa raa eri na kera thauṉania Kingdom Hall ki sui boʼo, oro lana imole ki na kera kwaiadomi, nia na ṉa bare waidoʼorana eki u boʼo na keki arutoʼona Kingdom Hall eri. Ṉa spirit abu tha Jehovah bia kwaiadomia ne lae mai fasia ruruʼi do leʼa na imole nia ki kera too ania ne adomia raa eri ka kwaiakori.—Psalm 127:1; Colossae 3:23.

Uria taa na biu ni foʼa kamiliʼa ka too ana si thateʼedo eri Kingdom Hall?
Si taa ni boʼo ne adea ka kwaiakori ura thauṉaʼi lana Kingdom Hall ki kakalia fanua nei iano?