LESINA 27

Kwaiadomia ʼUfita Na Kuki Fulatoʼona Fasia Library Ne Too i La Kingdom Hall?

Wane eri e arutoʹona Library ne too i la Kingdom Hall — Israel

Teʼe Jehovah’s Witness e adomia teʼe wane biʼi baita ura rofe la i la buka ki — Czech Republic

Wela kini eri e kedaa thatana i la song buka nia — Benin

Wane eri e arutoʹona Watchtower Library ne too i la computer — Cayman Islands

O thathamiʼi rofe laʼu fasia thaitoʼomeʼedoa oe sulia Baebol kai sifo kukuruʼa? O thathamiʼi maʼalutania laʼu ta skrifsa mado ta wane, si kula mado tesi do na ṉa Baebol e uʼunusulia? Mado e ʼufita, o thathamiʼi thaitoʼomana masa Baebol e talaʼana kai adomi oe fafia si do no manata isifufuli sulia? Masa ka una eri, arutoʼona library ne too i la Kingdom Hall.

Nia e too ana buka ki ne kwaiadomi leʼa. Mado ʼosi too ana buka ki sui bana ne uʼunu sulia Baebol ne too ana ṉata la oe na ṉa Jehovah’s Witness Ki kera thaunaṉia. Library ne too i la Kingdom Hall e too ana buka ki na kera biʼi kedaa ki mai. Nia e too laʼu boʼo ana Baebol eʼeta kwailiu ki, dikisinari leʼa ki, bia tei buka ki laʼu na kai kwaiadomi leʼa. E laʼa bana i femu ura arutoʼona lana library eri sui feteʼi ofu la bia i buriana ofu la ki. Masa ta computer ka too, mado Watchtower Library kai too iei. Watchtower Library nia ṉa computer program ne too ana buka oʼoro ka oro ana buka na mili too ki ania. Program eri e too ana si kula ne kwaiakori ura rofe la ura ta uʼunua, tesi baʼea, mado ta skrifsa.

E kwaiadomi leʼa i fana student ki i la sukulu ne toʼoa toʼo lana Baebol. Masa ni oe ta student i la sukulu eri, oki arutoʼona bamua library eri ne too i la Kingdom Hall asi maṉa na oki kwaimaʼakwali ana ṉataa oe ki. Wane ne liosulia sukulu eri na kera takwefalea ura lio la sulia library eri. Nia na kai alua buka faalu ki bia ka ʼolosi leʼa ana buka eki. Ni nia mado imole ne toʼoa Baebol i semu na kai fatania ta na oki ilia fasia oko fulatoʼona uʼunua no atoʼia. Ka una eri mena, fuliṉana sa kesi ṉalia buka eki fasia Kingdom Hall. Kuki beta leʼa ana buka eki ma kusi kekeda iei.

Baebol e soreʼa fasia kuka fulatoʼona thaitoʼomeʼedoa tha God, kuki seʼemaabe ura rofe la uria, mala tesi do na liu lana e baita ne too thauʼufuni. (Proverbs 2:1-5) Library eri ne too i la Kingdom Hall kai adomi oe ura thafali lana rofe la oe.

Library ne too i la Kingdom Hall e too ana buka taa ki ura arutoʼona lana?
Ni tei na kai adomi oe fasia oko thaitoʼomana leʼa arutoʼona lana library eri?