LESON 16
Ta na Jesus e Ilifania si Manga Nia e To Fafona Fanua Ne Iano?
Imole oro kera sorea Jesus nia te’e wela ni bana, ma tei imole ki la’u keka sorea nia te’e profet. Kuki thaito’omana si do oro sulia Jesus si manga kulu to’odo sula’ania si do na nia e ilifania si manga nia to fafona fanua ne iano. La leson ne’e, kuki to’oa si do gwaunga’i ki na Jesus e ilifania si manga nia e to fafona fanua ne iano bia si do eki kai adomi ufita ani kulu.
1. Ta bo’o na raa gwaunga’i tha Jesus si manga nia e to fafona fanua ne iano?
Raa gwaunga’i na Jesus e ilifania si manga nia e to fafona fanua ne iano nia na kai “u’unu tania fa’arongoa le’a sula’ania Kingdom tha God.” (Te’emania Luke 4:43.) Jesus e u’unu tania talito’ona Kingdom tha God bona’a thaito’omana kai kokotaa afeta’ia ki na imole kera fulato’ona.a Jesus e ilifania si raa eri uria u’unuta’i lana fa’arongoa le’a sulia tri bia haf year.—Matthew 9:35.
2. Uria ta na Jesus ka ilifania mirakol ki?
Baebol sorea God aruto’ona Jesus uria kai ilifania “mirakol ki, si do ni kwele la ania ki, bia saen ki.” (Acts 2:22) Sula’ania sukwa’ia na God e falea fana Jesus, nia e ba’e amali bia thauthau ka eno, nia ka tharea imole oro ana faefala bereta bia roo fa i’a, nia ka fa’akwa imole na kera mata’i, bia nia ka fa’amarukia imole ki na kera mae. (Matthew 8:23-27; 14:15-21; Mark 6:56; Luke 7:11-17) Mirakol eki na Jesus e ilifania e fatania God na fale nia mai, bia ka fatania Jehovah bona’a e to ana sukwa’ia uria kai kokotaa afeta’ia ki na fuli fafona fanua ne iano.
3. Ta na kulu to’oa fasia si do na Jesus e ilifania?
Jesus e adesulia Jehovah si manga ki sui bana. (Te’emania John 8:29.) Do anta imole ki keka ngata labatania mena Jesus fafia si raa na nia e ilifania, Jesus e mamana ura ilifa’i lana si raa na maka nia e fale nia mai ura kai ilifania lalae ka fula ana si manga nia e mae. Si do eki na Jesus e ilifania, e fatania kulu imole ki mena e tala’ana bana kuki ilifania si do na God e thathamia, do anta ka a’i si kwai’akura mena. Jesus e fatania “example le’a [fakalu’a] fasia kuka lae sulia.”—1 Peter 2:21.
TO’OA LA’U TEI SI DO
Kuki u’unu la’u sulia si do na Jesus e ilifania fasia ka u’unu tania fa’arongoa le’a sana imole ki, bia mirakol ki na Jesus e ilifania.
4. Jesus e u’unu tania fa’arongoa le’a
Jesus e lae uria si kula daa ki fasia ka u’unu tania fa’arongoa le’a sana imole ki. Te’emania Luke 8:1, sui u’unu kalia soeto’ona la ki:
Ufita, Jesus e preach bana sana imole ki na kera ofu mai sana?
Ta na Jesus e ilifania fasia ka preach sana imole ki?
Baebol e profesi sulia Messiah kai u’unu tania fa’arongoa le’a. Te’emania Isaiah 61:1, 2, sui u’unu kalia soeto’ona la:
Ta na Jesus e ilifania na adea profesi eri ka mamana?
Ana mantaa oe, imole la si manga kulu tara’ena mena kera ato’ia la’u bo’o si fa’arongoa le’a eri?
5. Jesus e u’unu sulia advaes gwaunga’i ki
Si manga na Jesus e u’unu tania fa’arongoa le’a sula’ania Kingdom tha God, nia ka u’unu la’u bo’o sulia advaes gwaunga’i ki na thaito’omana kai adomia imole ki. Rikia tei advaes ki na Jesus e u’unu sulia. Te’emania Matthew 6:14, 34, bia 7:12, sui u’unu kalia soeto’ona la ki:
Ta bo’o tei advaes ki na Jesus e u’unu sulia la verse eki?
Ufita, advaes eki thaito’omana kai adomi kulu la’u bo’o tara’ena?
6. Jesus e ilifania mirakol ki
Jehovah e falea sukwa’ia fana Jesus fasia kai ilifania mirakol ki. Fasia oko rikia te’e example, te’emania Mark 5:25-34 mada oko rikia VIDEO. Sui u’unu kalia soeto’ona la ki.
Uria na kulu rikia la video, ta bo’o na kini eri na mata’i e fa’amamanea sula’ania tha Jesus?
Ta bo’o na o to’oa fasia mirakol eri?
Te’emania John 5:36, sui u’unu kalia soeto’ona la:
Mirakol na Jesus e ilifania e fatania ta suli nia?
Ufita oe o thathami thaito’omana?
U’unua oro na kulu thaito’omana sula’ania tha Jesus e to la fofala Gospel ne’e—Matthew, Mark, Luke, bia John. Fofala Gospel ne’e ki kera u’unu sulia si do e’eta kwailiu sula’ania tha Jesus. Si manga kulu te’emania fofala Gospel eri, kuki thaito’omana u’unu laula’u sula’ania marukia tha Jesus si manga nia to fafona fanua ne iano.
MATTHEW
na kedaa Gospel totolo na’o. Nia e u’unu sulia si do oro na Jesus e to’oa, uria te’e si do ana si do oro eki na Jesus e to’oa nia na Kingdom tha God.
MARK
nia te’e Gospel na a’i si to ana chapter oro. Nia e u’unu sulia si oro na fuli ana marukia tha Jesus, bia si do na Jesus e ilifania si manga nia to fafona fanua ne iano.
LUKE
e u’unu sulia fo’a la e gwaunga’i ana Jesus, bia ka u’unu sulia si biiranga le’a na Jesus e to ania fana kini ki.
JOHN
e u’unu sulia biiranga le’a ki na Jesus e to ania fana imole ki sui bana.
SI BA’EA TEI IMOLE KEKI SOREA: “Jesus nia te’e wane le’a, sui nia a’i la’u messiah.”
O manta ufita?
SI DO NA KULU TO’OA
Jesus e u’unu sulia Kingdom tha God, ka ilifania mirakol ki, bia si manga ki sui bo’o nia e adesulia Jehovah.
Reviu
Ta bo’o raa gwaunga’i tha Jesus si manga nia to fafona fanua ne iano?
Mirakol ki na Jesus e ilifania e fatania ta suli nia?
Ta bo’o tei advaes gwaunga’i ki na Jesus e to’oa sana imole ki?
TEI SI DO KI LA’U
Ta bo’o na u’unua gwaunga’i na Jesus e u’unu sulia si manga ki sui?
“Kingdom Bilong God—Why Hem Important Long Jesus” (Wastaoa, November 1, 2014)
Te’emai sulia uria ta kuka fa’amamanea mirakol ki na Jesus e ilifania e mamana.
“Olketa Mirakol Bilong Jesus—Wanem Nao Iu Savve Lanem?” (Wastaoa, July 15, 2004)
Te’emai sulia te’e wane e talaa marukia nia, si manga nia e to’oa si do le’a oro na Jesus e ilifania fana imole ki.
Te’emai sulia raa gwaunga’i ki na Jesus e ilifania si manga nia e to fafona fanua ne iano, e lae kokota ubo’o sulia si manga na kai fuli.
a Leson 31-33 kai u’unu lala’a la’u sulia Kingdom tha God.