Lesina 1

E Ufita Fasi Oko Fulato’ona Sido Na Tha God e Thathamia

Si baea gwau n̄ai ufita bo’o ne ni ila Baebol? (1)

Tei ne keda? (2)

Uria ta na oko to’odo sulia Baebol? (3)

1. N̄a Baebol si falela e lea asia na’a fasia tha God. Nia e uria ta leta na maka ne liothau e falea ifana wela nia ki. E fa’aron̄o kulu ana mamanala tha God—nia ni tei bia si ta na olo toa nia. Nia ka to’olan̄ai nia to la ufita ila afetaia bia fulato’ona lana se’ethathala ne mamana. Talito’ona bona’a Baebol ne fa’aron̄o kulu asi do na kuki ila fasia tha God ka se’ethathala.—Psalm 1:1-3; Isaiah 48:​17, 18.

2. Fulin̄ana fai akwalee wane e’eta na kera keda Baebol ila 1,600 yia, thafali lana 1513 B.C.E. Nia kera thaun̄ai nia ana 66 buka faekwa ki. Toa na kera keda Baebol God e falea man̄ona ifada. Kera kekeda sulia manatana, ma sulia manatada e ai. Tha God ne ni mai ithalo, e ai lau ta imole ifafona fanua nei iano, na Wane ne Keda Baebol.—2 Timothy 3:16,17; 2 Peter 1:20,21.

3. God e filon̄ai nia n̄a Baebol kera keda lau ka to’o lea bia keka beta. Kera keda Baebol ka oro talua tei buka. Baita lana imole kesi se’ethathala asi man̄a na oki to’odo sula’a nia Baebol, sui mena osi alabatai nia si su’usi oe. To tathala e ni kau nao ani oe e ni bana ana thaito’omana lana tha God bia ili lana thathamila nia do anita keka n̄ata ise’emu.—Matthew 5:10-12; John 17:3.