Lesina 4

Tei Na Tha Devil?

Satan tha Devil—fei ne lae mai fasia? (1, 2)

Satan e tole garo ana toa ki ufita? (3-7)

Uria ta na oki su’usia tha Devil? (7)

1. Si baea n̄a “devil” e to’olan̄ai nia tei imole na kera fa’aron̄o ana lolea ta’a sulia ta imole lau. “Satan” e to’olan̄ai nia ma’alimae mada wane ni oli susu’u. Si mae n̄ata eki kera falea i fana ma’alimae tain̄ai tha God. Totolenao, ni nia n̄a angel kokoto lea ithalo bia tha God. Sui ibuira nia ka manata asia na’a suli nia i tala’ana bia ka thathamia fa’abaita la tha God bona’a e tala’ana kai alua.—Matthew 4:8-10.

2. N̄a angel ne’e Satan e n̄ata uria ni Eve ana loi. E fa’aron̄o nia ana lolea, ka ade nia ka ade fasia tha God. Satan ka to’o ogea si do kera alan̄ia ana “kwai talaila gwaun̄ai” tha God, mada si kula Ne Nida ia. Satan ka soeto’ona masa tha God e tala’ana kai kwaitalai ana lea la bia ka tala’ana imole ki sui bana. Satan ka soeto’ona lau bo’o tala’ana tei imole ki keka to mamana ifatha God. Uria e ilia si do eri, Satan tala’ani nia e thaun̄ai nia uria ma’alimae tha God. Adelana keka alan̄i nia ana Satan tha Devil.—Genesis 3:1-5; Job 1:8-11; Revelation 12:9.

3. Satan e ilito’ona uria kai lolea toa ki fasia keka fa’abaita nia. (2 Corinthians 11:3,14) Te’esi tatha la e tole garo ana imole e ni ana to’odoa e ai si mamana. Masa ta to’odoa kera toa lolea sulia tha God, nia ra bona’a sulia manatana tha Satan. (John 8:​44) Toa ki na kera to ila to’odoa ne asi mamana kera fa’amamanea asia na’a kera fa’abaita God mamana eri. Sui mena kera ra ifatha Satan. Nia n̄a ‘god ana fanua nei iano.’—2 Corinthians 4:4.

4. Spirit ta’a ki lau bo’o tesi tatha la tha Satan e falea ifana imole uria keki to ifara sukwai nia. Kera ai thatana spirit uria kai su’usi kera, uria kai thaun̄ia tei imole ki, fa’aron̄o ana tei si do ne ni umai, mada ililana si do ni kwele la ania ki. Tha Satan na sukwaia ta’a eri ibuira radoa eri ki sui. Fasia tha God manatana ka lea, kusi aruto’ona bona’a tesido ana spirit ta’a ki.—Deuteronomy 18:​10-12; Acts 19:18,19.

5. Satan e tole garo lau bo’o ana toa ki ana manata baita la ana kwalafa bia fa’abaita lana n̄ata ofua i fanua nei iano. Kera fiia fanua kera bia kwalafa kera e lea ka talua tei imole. Sido eri ai si mamana. (Acts 10:34,35) Tei imole keka lio uria n̄ata ofua ifanua nei iano uria keki kokotoa afetaia imole ki. Si man̄a kera ilia si do eki, keka lalakwa tai nia Inotoa tha God. Nia bona’a talito’ona na kai lu’ua si afetai’a kulu eki.—Daniel 2:44.

6. Tesi tathala lau tha Satan kai tole garo ana imole kai fa’agare kera ana thathami lana abula ta’a la. Jehova ka fa’aron̄o kulu kuki to fasia ili lana abula ta’a la uria nia e thaito’omana kai falea ta’a la. (Galatians 6:7,8) Tei imole kera thathami oe uria oki ado bida ana si do ta’a eki. Manatato’ona, una eri mena, e mamana asia na’a tha Satan ne thathamia uria oki ilia si do eki.—1 Corinthians 6:9,10; 15:33.

7. Tha Satan kai aruto’ona ilito’oa ki mada kwai su’usi la fasia koko ekwa ana tha Jehova. Tei liliothaua oe ki tei siman̄a keki raki iri uria o to’odo sulia Baebol. Tei imole ki keka onion̄a ani oe. Sui ni tei no tofa n̄alia marukia eri isana? Satan e thathamia kai fa’amau oe fasia oko ekwa ana to’odo la sulia tha Jehova. Osi alabatai nia tha Satan uria kai si tatha! (Matthew 10:34-39; 1 Peter 5:8,9) Si man̄a koro su’usia tha Devil, tha Jehova kai se’ethathala suli koro bia koka fatai nia kwai talaia Nia.—Proverbs 27:11.

[Pictures on page 9]

To’odoa ne garo, spirit ta’a ki, bia manata baita ana fanua, kai tole garo ana imole

[Picture on page 9]

Su’usia tha Satan ana to’oda la bona’a sulia tha Jehova