Lesina 5

Tha God e Manata Ufita Sulia Fanua Nei Iano?

Uria ta tha Jehova ka thaun̄ai nia fanua nei iano? (1, 2)

Uria ta na fanua nei iano e ai si uria na’a ta o’ola lea asi man̄a eri? (3)

Ta na kai uria toa ta’a ki? (4)

Asi man̄a ne ni umai, si ta na tha Jesus kai ilia ifana toa matai? araia? toa mae ki? (5, 6)

Fasia oko ado ana mamana lea eri ne ni u mai,si ta ni bo’o na oki ilia? (7)

1. Jehova e thaun̄ai nia fanua nei iano fasia imole ki keki to ni se’ethathala iei toto si sui. E thathamia fanua nei iano ifana imole kokoto keki to iei ana se’ethathala. (Psalm 115:16; Isaiah 45:18) Fanua nei iano e ai kesi labatania; kai to toto si sui.—Psalm 104:5; Ecclesiastes 1:4.

2. Sui fetei tha God ka thaun̄ania wane, Nia e filia te’e kasi kula ana fanua nei iano uria kai thaun̄ai nia ana te’e o’ola lea asia na’a. Nia ka alan̄ia ana i Eden. Masi kula eri ne alua wane bia kini totole nao, Adam bia ni Eve. Manatana tha God e thathamia keroa keki to ana wela bia keka fa’a fun̄ua fanua nei iano. Fulin̄ana keroa keki thaun̄ai nia fanua nei iano te’efau kai uria ta o’ola lea.—Genesis 1:28; 2:8,15.

3. Adam bia Eve kera abula ta’a uria kera olon̄e’e oe lana bo’o n̄a lo tha God. Tha Jehova ka alu keroa ima fasia o’ola eri i Eden. O’ola lea eri ka dola bona’a. (Genesis 3:1-6,23) Sui mena tha Jehova si liodora bo’o ana manatalana sulia fanua nei iano. Nia ka alan̄ai nia kai thaun̄ai nia kei uria ta o’ola lea, imole ki keki to’o tatha iei. Kai ade ufita ania?—Psalm 37:29.

4. Sui fetei fanua nei iano ka uria lau o’ola lea eri, ma toa ta’a ki keki sui te’e fau. (Psalm 37:38) Sido eri kai to’o ana Amagedono, n̄a omea tha God ura fa’asui lana ta’a la. Buira, tha Satan keki alua ila lo’o kafo sulia 1,000 yia. E to’o lan̄ai nia e ai na tei toa ta’a ki kesi to na’a uria labatai lana fanua nei iano. Talito’ona bona’a toa tha God ki keki to.—Revelation 16:14,16; 20:1-3.

5. Sui Jesus Kraest kai kwaitalai mala Wane Inoto ifafona fanua nei iano sulia 1,000 yia. (Revelation 20:6) Nia kai n̄alia abula ta’a la ki fasia manatakalua bia se’e kulua. Kulu kuki kokoto te’e fau mala tha Adam bia ni Eve asi man̄a kesi abula ta’a u. Ma kai ai na’a ta mataia, araia, bia maea. Toa matai ki keki akwa, bia toa arai ki keki uria lau ta wane bi baita.—Job 33:25; Isaiah 33:24; Revelation 21:3,4.

6. Asi man̄a tha Jesus kai Kwaitalai ila To’oni Fa N̄ali eri, toa mamana keki thaun̄ai nia fanua nei iano rereba’a fasia kai uria lau o’ola lea eri. (Luke 23:43) Sui lau bo’o mole’e imole baki kera mae keki tatae uria marukia ma keki to lau i fafona fanua nei iano. (Acts 24:15) Masa keka ilia si do na tha God e thathamia fasi kera, kera keki to ladoa i fafona fanua nei iano. Mada e ai, bana keki fa’asui kera bona’a.—John 5:28,29; Revelation 20:11-15.

7. Manatana u bo’o tha God mai inao ifana fanua nei iano, e toto kai mamana. O thathamia oki ado lau bo’o ana nunufa’a lea eri ne ni umai? Masa ka una neri, oe oki to’o bona’a sulia tha Jehova bia oko adesulia si do ne thathamidaki. Lae la ana ofu la ila Kingdom Hall Witness Tha Jehova ki kai adomi oe asia na’a.—Isaiah 11:9; Hebrews 10:24,25.

[Picture on page 10]

O’ola lea eri e dola

[Pictures on page 11]

Buira Amagedono, fanua nei iano kai uria lau ta o’ola lea