Lesina 8

Bare Wela Na Tha God e Se’ethathala Sulia

Si kula ufita na arai ne’e e to ania i ma’alu tana bare’e wela nia? (1)

To la ta na arai ne’e kai to ania bia kuke’e nia? (2)

Na maka e to ania si ra ufita ki? (3)

Kuke’e ne’e ra nia ki e ufita ma’alu tana bare’e wela nia? (4)

Si ta ni bo’o na tha God e thathamia fasia maka, thaina bia wela ki? (5)

Baebol e riki ufita ana ukali la bia musilana luma’a? (6, 7)

1. Na Baebol e sorea n̄a gwauna bare’e wela eri na wane. (1 Corinthians 11:⁠3) Wane ne’e kai to bo’o ana te’e kuke’e. Keroa keki usi keroa ana kokoto la i mana lo.—1 Timothy 3:2; Titus 3:1.

2. Wane ne’e kai liothau ana kuke’e nia uria lau bo’o e liothau ani nia itala’ana. Nia kai beta sula ania ala fana lau bo’o tha Jesus e beta toa ne tolea. (Ephesians 5:25, 28,29) Nia e ai si tala’ana bona’a kai kwaea mada e rikia kai ta’a. Mani nia fulin̄ana kai fatai nia manata baita la bia fare baita la.—Colossians 3:19; 1 Peter 3:7.

3. Maka kai ra sukwai fasia ka beta bare’e wela nia. Nia kai falea fan̄a, afi la, bia luma ifana kuke’e nia bia wela ki. N̄a maka kai falea lau bo’o si fan̄a ana marukia ifana bare’e wela nia. (1 Timothy 5:⁠8) Nia e tatha bona’a inao ana adomi lana bare’e wela Nia uria to’odoa sula’a nia tha God bia manatana.—Deuteronomy 6:4-9; Ephesians 6:4.

4. N̄a kuke’e ne’e kai adomi lea ana arai nia. (Genesis 2:18) Nia kai adomia lau bo’o arai nia uria to’odo la bia ili la uria si do isana wela ki. (Proverbs 1:8) Jehova e thathamia lau bo’o kuke’e ne’e kai beta bia kai liothau ana bare’e wela nia. (Proverbs 31:10, 15, 26,27; Titus 2:4,5) Ni nia tala’ana kai falea si fare baita la ana arai nia.—Ephesians 5:22, 23,33.

5. God e thathamia wela ki keki ade sulia maka bia thaina. (Ephesians 6:1-3) Nia ka manata to’ona bona’a uria maka bia thaina keki to’odo kokoto bia wela keroa. Maka bia thaina keki falea si man̄a ifana wela keroa bia keki to’oa Baebol isada, betalana bali ana man̄o da bia se’eda. (Deuteronomy 11:18,19; Proverbs 22:6,15) Maka bia thaina kesi falea asia na ta kwaifa manataia na kai fa’aida bia ka ta’a asia na’a ifana wela ki.—Colossians 3:21.

6. Si man̄a ro wai kwaina kera fulato’ona afetaia ana to kwaimani la, keroa tala’ana keki lae sula’a n̄a Baebol. Baebol e thathami kulu uria kuki fatai nia liothaua bia do anita la. (Colossians 3:12-14) Baelana tha God e ai si sorea ukali la na kokoto lana kasi afetaia ne faekwa. Ma kuke’e ne’e kai thaito’oma ekwa la ana arai nia masa (1) e lalakwa bona’a uria kai adomia bare’e wela nia, (2) na biran̄a na ka baita asia na’a ade lana tolana bia marukia ka to ana ta’a la, mada (3) ka lalakwa tai nia bona’a fasia e ai si fare baita ana tha Jehova.—1 Corinthians 7:12, 13.

7. Ro wai kwaina keki mamana ifada roa sui. Hoea n̄a abula ta’a la e uria ma’alimae tha God bia kwaimu. (Hebrews 13:4) Hoe la fafia kwaimu talito’ona bona’a si do Baebol e alafafia kai musia luma’a Kristian bia ka tala’ana bana keki usi kini. (Matthew 19:6-9; Romans 7:2,3) Jehova e lalakwa tania si man̄a na imole ne musia luma’a nia uria atona bana tasi do n̄a Baebol e ai si alafafia sui ka to’o wane lau.—Malachi 2:14-16.

[Pictures on page 16, 17]

God e thathamia maka bia thaina keki to’odo bia keka kokotoa wela keroa

[Picture on page 17]

Maka ne liothau kai falea si do ki sui bana ana se’edo bia man̄oedo